Connect with us

ព័ត៌មានជាតិ

“Trash is Nice” ប្រមូលកាកសំណល់ប្លាស្ទិកទៅកែច្នៃធ្វើជាសម្ភារៈប្រើប្រាស់ផ្សេងៗ

បានផុស

នៅ

មជ្ឈមណ្ឌលកែច្នៃប្លាស្ទិកឡើងវិញ “Trash is Nice” បានប្រមូលកាកសំណល់ប្លាស្ទិក និងកែច្នៃប្លាស្ទិកទាំងនោះទៅតាមប្រភេទនីមួយៗជាសម្ភារៈសម្រាប់ប្រើប្រាស់ប្រចាំថ្ងៃ ដើម្បីចូលរួមកាត់បន្ថយប្លាស្ទិក និងការពារបរិស្ថាន។

ប្រភព៖ Trash is Nice
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលកែច្នៃប្លាស្ទិកឡើងវិញ“Trash is Nice” បានឱ្យដឹងថា មជ្ឈមណ្ឌលមួយនេះ បានដើរប្រមូលកាកសំណល់ប្លាស្ទិកដែលលែងត្រូវការ ប្លាស្ទិកនៅតាមរោងចក្រ និងប្លាស្ទិកផ្សេងៗដែលមនុស្សប្រើប្រាស់ មុននឹងប្លាស្ទិកទាំងនោះត្រូវបានយកទៅចាក់នៅគំនរសំរាម ដើម្បីកែច្នៃជាវត្ថុប្រើប្រាស់ផ្សេងៗ។ សម្ភារៈប្រើប្រាស់ដែលបានកែច្នៃរួចមានដូចជា ក្រាសសិតសក់ បន្តោងសោ ប្រដាប់ដាក់សាប៊ូ ទ្រនាប់កែវទឹក ផើងផ្កាជាដើម។ ពណ៌នីមួយៗដែលមាននៅក្នុងសម្ភារៈទាំងអស់នោះ គឺបានមកពីការលាយបញ្ចូលគ្នារវាងពណ៌នៃប្លាស្ទិកទាំងអស់ ដោយមិនមានបន្ថែមពណ៌អ្វីទៀតឡើយ។ នៅពេលដែលចេញជារូបរាងអាចប្រើប្រាស់បាន គឺយកទៅលក់នៅតាមទីផ្សារផលិតផលខ្មែរ លក់តាមការតាំងពិព័រណ៌ ឬ អង្គការផ្សេងៗ។ សម្ភារៈទាំងនោះ មានដាក់លក់ចាប់ពីតម្លៃ ២ដុល្លារ ទៅ៨ដុល្លារ។

កញ្ញា Alix ដែលជាស្ថាបនិករបស់មជ្ឈមណ្ឌល “Trash is Nice” ប្រាប់មក “កម្ពុជាថ្មី”ថា មជ្ឈមណ្ឌលមួយនេះមានវត្តមាននៅកម្ពុជាជាង ៥ឆ្នាំមកហើយ ចំពោះទីតាំងនៅភ្នំពេញមានប្រហែលជាង១ឆ្នាំហើយនៅក្នុងសួន Treellion Park កោះពេជ្រ។  “Trash is Nice” ត្រូវបានបង្កើតឡើងដោយមានគោលបំណង២ គឺទី១ ដើរប្រមូលប្លាស្ទិក និងកែច្នៃប្លាស្ទិកទាំងនោះឡើងវិញ។ ទី២ គឺការពារបរិស្ថានដោយខិតខំព្យាយាមផ្សព្វផ្សាយអំពីសំណល់ប្លាស្ទិកទៅដល់ក្មេងៗ ប្រជាជនទូទៅ អង្គការនានា ដោយខាង “Trash is Nice” មានជាសៀវភៅសម្រាប់ណែនាំអំពីប្លាស្ទិក និងដំណើរការនៃការផលិតផលិតផលចេញពីប្លាស្ទិករបស់ “Trash is Nice” ផងដែរ។

កញ្ញា Alix
ប្រភព៖ Trash is Nice

កញ្ញា Alix បានបន្តថា កាកសំណល់ប្លាស្ទិកដែលបានមក គឺត្រូវរើសដាក់ផ្សេងៗគ្នា ដោយបានបែងចែកតាមប្រភេទនីមួយៗបន្ទាប់មកយកទៅលាងសម្អាត។ បន្ទាប់មកយកប្លាស្ទិកទាំងនោះទៅឈូសជាចំណែកៗ ហើយក៏ដាក់ទៅតាមប្រភេទពណ៌នីមួយៗ។ ក្រោយទៀត ក្នុងដំណាក់កាលកែច្នៃ គឺរំលាយប្លាស្ទិកទាំងនោះដោយម៉ាស៊ីនកំដៅ រួចចាប់ផ្តើមលាយពណ៌ផ្សេងៗតាមការចង់បាន ហើយចាក់ចូលក្នុងពុម្ព។ ចុងក្រោយសង្កាត់វា ទើបចេញជាសមិទ្ធផលវត្ថុប្រើប្រាស់នានាយ៉ាងស្រស់ស្អាត។

ប្លាស្ទិកឈូសរួច (ប្រភព៖ Trash is Nice)

ស្ថាបនិករូបនេះ បាននិយាយថា៖ “យើងក៏មានបើកជាសិក្ខាសាលាដល់សិស្ស ឬ មហាជនដែលចង់ស្វែងយល់ពីប្លាស្ទិក និងពីរបៀបកែច្នៃឡើងវិញ”។

ម៉ាស៊ីនផលិត (ប្រភព៖ Trash is Nice)

រយៈពេល៥ឆ្នាំនៅកម្ពុជា ជាលទ្ធផលឃើញថា ប្រជាជនមានការយល់ដឹងច្រើនពីការប្រើប្រាស់ឡើងវិញរបស់ប្លាស្ទិក បើប្រៀបធៀបនឹង៥ឆ្នាំមុន។ មនុស្ស បានបង្កើតយុទ្ធនាការនានាកាន់តែច្រើនឡើងៗ ដើម្បីការពារបរិស្ថាន និងការប្រើប្រាស់ប្លាស្ទិកនេះ។ នេះបើតាមការលើកឡើងរបស់កញ្ញា Alix។

រូបភាព៖ UNDP

កញ្ញាក៏បានផ្តាំផ្ញើរបស់ប្រជាជនគ្រប់រូប គួរកាត់បន្ថយការប្រើប្រាស់ប្លាស្ទិកតាមអ្វីដែលអាចធ្វើទៅបាន។ ទោះបីជាការកែច្នៃប្លាស្ទិកឡើងវិញ ជាមធ្យោបាយមួយក្នុងចំណោមដំណោះស្រាយផ្សាយទៀត ប៉ុន្តែ ក៏ត្រូវការពេលវេលាច្រើន ដើម្បីធ្វើវាផងដែរ។ អង្គការផ្សេងៗ ក៏បានបើកសិក្ខាសាលានិយាយពីបញ្ហានេះច្រើន ដូច្នេះ ប្រសិនបើយើងទាំងអស់គ្នារួមគ្នាការពារបរិស្ថានដោយកាត់បន្ថយការប្រើប្រាស់ប្លាស្ទិក នោះ គឺជារឿងប្រសើរបំផុត។

ប្រភព៖ក្រសួងបរិស្ថាន
ប្រភព៖ក្រសួងព័ត៌មាន

យ៉ាងណាមិញ ជាការឆ្លើយតបជុំវិញនឹងបញ្ហានេះ ក្រសួង និងអង្គការពាក់ពាក់ព័ន្ធបានបង្កើតជាយុទ្ធនាការ សិក្ខាសាលា និងគម្រោងជាបន្តបន្ទាប់ ដើម្បីផ្សព្វផ្សាយពីការប្រើប្រាស់ និងកាត់បន្ថយប្លាស្ទិកទៅដល់សាធារណជន ដើម្បីចូលរួមចំណែកក្នុងកិច្ចការពារបរិស្ថានក្នុងប្រទេសកម្ពុជា និងទូទាំងសកលលោកផងដែរ៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៧ នាទី មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម៥៤ នាទី មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ៥៩ នាទី មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ១ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ១ ម៉ោង មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

Sokha Hotels

ព័ត៌មានពេញនិយម