កីឡា

កុសល់ បញ្ញា មានក្ដីស្រមៃចង់ល្បីឈ្មោះដូច រិទ្ធី គីងកុង រិទ្ធី បូរិន អេ អាំម៉ារីនភូថង ក្នុងវិស័យប្រដាល់គុនខ្មែរ

បានផុស

១ ម៉ោង មុន

នៅ

ថ្ងៃចន្ទ ២០ កក្កដា ២០២៦

ដោយ

កុមារា កុសល់ បញ្ញា ថារូបគេស្រឡាញ់វិស័យកីឡាប្រដាល់នេះខ្លាំង និងមានក្ដីស្រមៃចង់ល្បីឈ្មោះដូចកីឡាករ រិទ្ធី គីងកុង រិទ្ធី បូរិន និង អេ អាំម៉ារិនភូថង ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារា កុសល់ បញ្ញា

ថ្នាលប្រដាល់គុនខ្មែរ កុសល់ បញ្ញា បានឲ្យដឹងថា រូបគេហ្វឹកហាត់ប្រដាល់បានរយៈពេល ៣ខែមកហើយជាមួយលោក វ៉ែន សុផល ក្នុងក្លឹបប្រដាល់កុមារទេពនៅឯខាងស្អាងខេត្តកណ្ដាល។ ការចាប់ផ្ដើមហ្វឹកហាត់ដំបូងដោយសារឃើញមិត្តភ័ត្រហាត់តែប៉ុណ្ណោះ ស្របពេលខ្លួនឯងស្រឡាញ់ដែរក៏បានចូលជាមួយគេតែម្ដងទៅ។

កុមារាវ័យ ១៣ឆ្នាំរូបនេះបន្ថែមទៀតថា អនាគតរូបគេចង់មានសមត្ថភាពខ្លាំង និងមានកេរ្តិ៍ឈ្មោះល្បីដូចកីឡាករ រិទ្ធី គីងកុង រិទ្ធី បូរិន និងរៀមច្បង អេ អាំម៉ារិនភូថង ព្រោះមានក្បាច់ស្នៀតប្រកួតបានល្អ និងលេចធ្លោលើវិថីគុនខ្មែរនេះ។ រូបគេប្ដេជ្ញាមិនរត់ចោលវិស័យប្រដាល់នេះឡើយ និងបន្តខំប្រឹងប្រែងតទៅមុខទៀត។

កុមារា កុសល់ បញ្ញា

បញ្ជាក់ដែរថា កុមារា កុសល់ បញ្ញា ជាសិស្សគុនក្នុងក្លឹបកុមារទេព ដែលមានគ្រូបង្វឹកលោក វ៉ែន សុផល អតីតគ្រូប្រដាល់ជម្រើសជាតិសកល។ រូបគេទើបឈ្នះមេដាយមាស១គ្រឿងក្នុងព្រឹត្តិការណ៍ប្រកួតកីឡាជ្រើសជើងឯករាជធានីភ្នំពេញប្រចាំឆ្នាំ២០២៦ ដែលបានធ្វើឡើងក្នុងសាលហ្វឹកហាត់ប្រដាល់សកលនៃពហុកីឡដ្ឋានជាតិ។ បញ្ញា ប្រកួតលើប្រភេទទម្ងន់ ២៥គីឡូក្រាម៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ