ព័ត៌មានជាតិ
ទីតាំងកម្សាន្តមានស្តង់ដារ នឹងទទួលបានពានរង្វាន់ Awards ដើម្បីលើកកម្ពស់វិស័យទេសចរណ៍កម្ពុជា
វិស័យបាររង្គសាល ម្ហូបអាហារ និងភេសជ្ជៈក្នុងប្រទេសកម្ពុជា នឹងមានការចាប់អារម្មណ៍ទទួលស្គាល់ភាពល្បីល្បាញបន្ថែមទៀតទាំងនៅទីផ្សារក្នុងស្រុក និងអន្តរជាតិ ខណៈដែលកំពុងត្រៀមធ្វើជាម្ចាស់ផ្ទះលើកដំបូងសម្រាប់ពានរង្វាន់ «Top30 Bar Awards» របស់កម្ពុជា។
តាមគម្រោងព្រឹត្តិការណ៍នេះ រៀបចំនៅថ្ងៃទី ៣០ ខែ មីនា ខាងមុខ ដោយរំពឹងថា នឹងក្លាយទៅជាកម្មវិធីលំដាប់ស្តង់ដាសម្រាប់សេវាកម្ម ដល់ភ្ញៀវទេសចរជាតិ និងអន្តរជាតិ។
លោក Alvin Sinclair ស្ថាបនិកនៃ Top30 Awards បានឱ្យដឹងថា ពានរង្វាន់ Top30 Bar Awards នៅកម្ពុជា នឹងក្លាយជាកម្មវិធីដ៏អស្ចារ្យមួយក្នុងការផ្សព្វផ្សាយពីការចូលរួមធ្វើបដិសណ្ឋារកិច្ច ដើម្បីទាក់ទាញទេសចរ ខណៈដែលទីក្រុងភ្នំពេញមានភាពស្រស់ស្អាតមិនចាញ់ទីក្រុងល្បីៗនានាក្នុងតំបន់ឡើយ។
លោក Sinclair បានថ្លែងដូច្នេះថា៖ «ដើម្បីចូលរួមក្នុងការប្រកួតបាន គ្រាន់តែទទួលប័ណ្ណ «Voucher» ចំនួនពីរប៉ុណ្ណោះ ដើម្បីឱ្យអ្នករៀបចំអាចទៅទទួលទានអាហារ និងភេសជ្ជៈនៅទីនោះ រួចធ្វើការវាយតម្លៃ។ យុទ្ធនាការនេះ នឹងជួយផ្សព្វផ្សាយប្រទេសកម្ពុជា ដើម្បីទៅកាន់មនុសុ្សម្នាទាំងឡាយមកពីបណ្តាប្រទេសក្នុងតំបន់ និងពិភពលោកធ្វើដំណើរមកកាន់ប្រទេសកម្ពុជា។ ពួកគេនឹងដឹងពីកន្លែងដែលត្រូវដើរលេង ភ្ជាប់ទំនាក់ទំនងគ្នា និងបង្កើតអនុស្សាវរីយ៍ដែលមិនអាចបំភ្លេចបាន»។
បើតាមលោក Sinclair ពានរង្វាន់Top30 Bar Awards មិនមែនត្រឹមតែជាកម្មវិធីផ្តល់ចំណាត់ថ្នាក់នោះទេ ប៉ុន្តែជាកម្មវិធីមួយដើម្បីវាយតម្លៃគុណភាពនៃបារកំពូលៗទាំង៣០ ហើយអបអរពួកគេជាមួយនឹងពានរង្វាន់សម្រាប់បារដែលល្អអស្ចារ្យផងដែរ។
កម្មវិធី Cambodia Top30 Bar Awards ក៏នឹងរៃអង្គាសថវិកាសម្រាប់អង្គការផ្កាយសមុទ្រកម្ពុជា ដែលជាអង្គការសប្បុរសធម៌ មានបទពិសោធន៍ជាង១៦ឆ្នាំ ក្នុងការប្រើប្រាស់កម្មវិធីអប់រំកីឡា និងអភិវឌ្ឍន៍សហគមន៍ ដើម្បីផ្លាស់ប្តូរជីវិតកុមារកម្ពុជា ក្នុងការកសាងអនាគតដ៏ភ្លឺស្វាង។
សូមបញ្ជាក់ថា ពានរង្វាន់នេះ មានដើមកំណើតមកពីប្រទេសម៉ាឡេស៊ី និងទទួលបានការគាំទ្រដោយ HEINEKEN Cambodia នឹងបង្ហាញខ្លួនជាលើកដំបូងនៅក្នុងប្រទេសកម្ពុជានៅឆ្នាំនេះ ក្នុងការផ្តល់ពានរង្វាន់ដល់បារ និងអ្នកក្រឡុកស្រាល្អបំផុតប្រចាំប្រទេសកម្ពុជា។ ព្រឹត្តិការណ៍នេះនឹងចាប់ផ្តើមជាមួយនឹងការជ្រើសរើសបារចំនួន ១៥០ ដែលបានចុះបញ្ជីនៅទូទាំងទីក្រុងសំខាន់ៗនៃប្រទេសកម្ពុជា ដោយបន្តជម្រុះយកមកនៅត្រឹម ១០០បារប៉ុណ្ណោះ។ បារដែលបានជ្រើសរើសនឹងត្រូវបានវាយតម្លៃដោយក្រុមគណៈវិនិច្ឆ័យ ដើម្បីស្វែងរកអ្នកឈ្នះចុងក្រោយចំនួន ៥០ ហើយការវាយតម្លៃនេះ នឹងបន្តធ្វើរហូតទាល់តែជម្រុះទាំងអស់មកត្រឹម ៣០ ដែលត្រូវបានប្រកាសនៅក្នុងពិធីប្រគល់ពានរង្វាន់ចុងក្រោយ៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង