ព័ត៌មានជាតិ
រដ្ឋបាលខេត្តស្វាយរៀងបន្តដោះស្រាយជាមួយពលរដ្ឋឈូសឆាយអាស្រ័យផលលើដីរដ្ឋក្រៅប្រព័ន្ធតុលាការ
តំណាងអភិបាលខេត្ត លោក ម៉ែន អេង អភិបាលរងខេត្តស្វាយរៀង បានដឹកនាំកម្លាំងចម្រុះ ចុះអនុវត្ត ស.ជ.ណ របស់រដ្ឋបាលខេត្ត ធ្លាប់ជម្រាបជូនប្រជាពលរដ្ឋដែលបានចូលកាប់រានឈូសឆាយហ៊ុព័ទ្ធរបង និងដាំដំណាំអាស្រ័យ ផលលើដីរបស់ស្ថានីយផ្សព្វផ្សាយ និងស្ដារព្រៃឈើក្រសាំង ស្ថិតក្នុងស្រុករមាសហែក ខេត្តស្វាយរៀង ដែលនាពេល កន្លងមក ទីតាំងដីព្រៃត្រូវបានប្រជាពលរដ្ឋចុះកាប់រុករាន ដាំចេក និងសង់តូបនៅលើដីព្រៃកូនឈើរបស់រដ្ឋ ព្រមទាំងបាន មករារាំងគ្រឿងចក្ររបស់ក្រុមហ៊ុន ក្នុងការឈូសឆាយព្រៃដាំកូនឈើឡើងវិញ ក្នុងភូមិសាស្ត្រខាងជើងភូមិបុស្ស ឃុំត្រស់ និងឃុំអណ្តូងត្របែក ស្រុករមាសហែក។

នៅព្រឹកថ្ងៃទី១៥ ខែមីនា ឆ្នាំ២០២៣ លោក ម៉ែន អេង និងអាជ្ញាធរគ្រប់លំដាប់ថ្នាក់ បានធ្វើការសម្របសម្រួល ជាមួយប្រជាពលរដ្ឋឲ្យអស់ពីលទ្ធភាពព្យាយាមដោះស្រាយបញ្ហាដីធ្លីនេះ ជាលក្ខណ:ក្រៅប្រព័ន្ធតុលាការ។
រដ្ឋបាលខេត្ត បានចុះអនុវត្តប្រកាសសេចក្តីសម្រេចលេខ០២៨/២៣ ស.ជ.ណ ចុះថ្ងៃទី២៤ ខែកុម្ភ: ឆ្នាំ២០២៣ ស្ដីពីការបញ្ឈប់ការកាប់រាន ឈូសឆាយហ៊ុព័ទ្ធរបង និងដាំដំណាំអាស្រ័យផលលើដីរបស់ស្ថានីយ៍ផ្សព្វផ្សាយ និងស្ដារព្រៃឈើក្រសាំង ស្ថិតក្នុងស្រុករមាសហែក ខេត្តស្វាយរៀង យោងសេចក្តីសម្រេចលេខ ០២៦ គជដព ថ្ងៃទី៨ ខែធ្នូ ឆ្នាំ២០២១ របស់គណៈកម្មាធិការជាតិ ដើម្បីទប់ស្កាត់លុបបំបាត់ និងបង្ក្រាបការកាប់រាន ដុត ឈូសឆាយ និងហ៊ុព័ន្ធដីព្រៃឈើ ដើម្បីវាតយកដីធ្វើជាកម្មសិទ្ធិ និងរបាយការណ៍លេខ ០១៦/២៣ របកចុះថ្ងៃទី ១៤ ខែកុម្ភៈឆ្នាំ ២០២៣ របស់មន្ទីរកសិកម្មរុក្ខាប្រមាញ់និងនេសាទខេត្តជ្រាបថា ទីតាំងដីស្ថានីយផ្សព្វផ្សាយ និងស្ដារព្រៃឈើក្រសាំង នេះ គឺជាដីសាធារណៈរបស់រដ្ឋ ស្ថិតក្រោមការគ្រប់គ្រងរបស់ខណ្ឌរដ្ឋបាលព្រៃឈើខេត្តស្វាយរៀង ចំពោះសកម្មភាព នៃការចូលកាប់រានឈូសឆាយហ៊ុព័ទ្ធរបង និងដាំដំណាំអាស្រ័យផលលើដីខាងលើនេះ គឺជាការចូលកាន់កាប់ដីរដ្ឋដោយខុសច្បាប់ ដែលអាចនឹងត្រូវទទួលទោសដូចមានចែងកំណត់ នៅក្នុងច្បាប់ភូមិបាលច្បាប់ស្ដីពីព្រៃឈើនិងច្បាប់ជាធរមានផ្សេងៗទៀត។

ក្នុងករណីផុតថ្ងៃកំណត់បងប្អូនមិនទាន់រើរបង និងចាកចេញពីទីតាំងដីខាងលើរដ្ឋបាលខេត្តនឹងចាត់វិធានការរដ្ឋបាល ចុះធ្វើការរុះរើដោយមិនទទួលខុសត្រូវលើការខូចខាត ឬបាត់បង់ទ្រព្យសម្បត្តិឡើយ។
បើតាមរដ្ឋខេត្តបានបង្ហាញថា តាមការចុះពិនិត្យលើសំណុំរឿងនេះជាញឹកញាប់រកឃើញមូលហេតុដែលនាំឲ្យប្រជាពលរដ្ឋនៅភូមិត្រពាំងស្មាច់ ឃុំអណ្ដូងត្របែក, ភូមិបុស្ស ឃុំត្រស់ បាននាំគ្នាទៅកាប់ឆ្ការដាំដុះដំឡូងកៅស៊ូចាប់យកដីចំការព្រៃឈើរបស់រដ្ឋ ដែលគ្រប់គ្រងដោយក្រសួងកសិកម្មរុក្ខាប្រម៉ាញ់និងនេសាទ នៅឃុំត្រស់ ឃុំអណ្ដូងត្របែក បែបអាណាធិបតេយ្យនេះ គឺបណ្តាលមកពីប្រជាពលរដ្ឋជឿលើការញុះញង់របស់មេខ្យល់ដែលលើកយករឿងចាស់របស់ប្រជាពលរដ្ឋ ៧៨គ្រួសារ មកពាក់ព័ន្ធ ទៅនឹងដី ៤៧៦ហិកតា ដែលបានស្នើសុំទៅប្រមុខរាជរដ្ឋាភិបាលក្នុងឆ្នាំ២០១១ ប៉ុន្តែដីជាក់ស្ដែងមានតែ ១១៧ហិកតា តែប៉ុណ្ណោះ។

ចំណែកឯទំហំដី ១៦៣ហិកតា រដ្ឋាភិបាលស្នើសុំអនុបយោគ ឱ្យទៅជាដីសម្បទានសង្គមកិច្ច ដើម្បីសាងសង់ផ្ទះជូននិវត្តន៍ជនពលី និងគ្រួសារកងទ័ពអស់ហើយ។ បច្ចុប្បន្នមិនមានដីសម្រាប់ប្រគល់ជូនពួកគាត់ទៀតទេ ហើយនាពេលកន្លងទៅថ្មីៗនេះ ក្រុមការងារទាំងមូលក៏ធ្លាប់បានបញ្ជាក់ប្រាប់តំណាងប្រជាពលរដ្ឋ ទាំង៧៨គ្រួសារ ឲ្យបញ្ឈប់ការទាមទារនិងចូលរុករានទន្ទ្រានដីសាធារណ:របស់រដ្ឋទៀតផងដែរ៕
ដោយ:ភក្ដី



-
ព័ត៌មានជាតិ១ ថ្ងៃ មុន
ស្វែងយល់ មកដល់ពេលនេះមានផ្លូវស្ពានណាខ្លះកំពុងសាងសង់ និងគ្រោងបញ្ចប់?
-
ជីវិតកម្សាន្ដ១ ថ្ងៃ មុន
តារាសម្ដែងថៃជួរមុខ ៦ ដួង ស៊ីថ្លៃខ្ពស់ជាងគេក្នុងឆ្នាំនេះ
-
ព័ត៌មានជាតិ១ សប្តាហ៍ មុន
សម្តេចតេជោ៖ ការបង្ហាញវប្បធម៌ខុសក្បួនខ្នាត ស្មើបំផ្លាញវប្បធម៌ទៅវិញ
-
ព័ត៌មានជាតិ២ ថ្ងៃ មុន
ប្រវត្តិសង្ខេបរបស់ព្រះរាជដំណាក់ នៅក្រុងសៀមរាប
-
ជីវិតកម្សាន្ដ៤ ថ្ងៃ មុន
ឃ្លិប ២០ ឆ្នាំមុន ទស្សនិកជនស្ទើរមិនជឿថា ជាតារាស្រី ៣ ដួងកំពុងល្បីល្បាញសព្វថ្ងៃនេះ
-
ព័ត៌មានជាតិ២ ថ្ងៃ មុន
រោងចក្រផលិតស្បែកជើងដ៏ធំមួយ រើទីតាំងពីមីយ៉ាន់ម៉ា មកផលិតនៅកម្ពុជា
-
កីឡា៦ ថ្ងៃ មុន
បីស្រ្ដីប្រហែល២ម៉ោងស្ពឹកដៃ តែ ព្រំ សំណាង តស៊ូដល់៨ម៉ោងបានរថយន្ត១គ្រឿង
-
ព័ត៌មានអន្ដរជាតិ២ ថ្ងៃ មុន
ផ្ទុះបាតុកម្មក្នុងប្រទេសមួយនៅ អឺរ៉ុប ប្រឆាំងការផ្ដល់ជំនួយយោធាឲ្យ អ៊ុយក្រែន