ព័ត៌មានជាតិ
កុំភ្លេចចូលភ្លក្សក្រឡានសំរោងក្នុង បើបានឆ្លងកាត់ខេត្តបាត់ដំបង
ក្រឡាន គឺជាឈ្មោះអាហារម្យ៉ាង ភាគច្រើនគេបានស្គាល់នៅពេលមកដល់ទឹកដីខេត្តបាត់ដំបង ពិសេសក្នុងឃុំសំរោងក្នុង ស្រុកឯកភ្នំ ដែលតំបន់នោះ ចាស់ៗ ធ្វើលក់តាំងពីសម័យដើមរៀងមក រហូតមកទល់សព្វថ្ងៃនេះ។

ស្ត្រីម្នាក់ឈ្មោះ រុំ ផារី អាយុ ៥៤ ឆ្នាំ រស់នៅភូមិសំរោងក្នុង ឃុំសំរោងក្នុង ស្រុកឯកភ្នំ ដែលជាអ្នកប្រកបមុខរបរដុតក្រឡាននេះដែរ បានរៀបរាប់ថា គាត់បានប្រកបមុខរបរនេះជាង ២០ ឆ្នាំមកហើយ ចំណេះនេះគឺខ្មោចម្ដាយគាត់បានបន្សល់ទុកឲ្យ។ កាលពីគាត់នៅក្មេង ម្ដាយគាត់ជាអ្នកដុតក្រឡាននៅក្នុងតំបន់នេះ ហើយគាត់ជាអ្នកទូលទៅលក់នៅសាលាតាអន។

លុះចូលមកដល់សម័យបច្ចុប្បន្ន គាត់ក៏បានបន្តវេននូវមុខរបរនេះតទៅទៀត ដែលសព្វថ្ងៃគឺលក់ដាច់ខ្លាំងនៅថ្ងៃបុណ្យផ្សេងៗ។ ហើយម្យ៉ាងសព្វថ្ងៃក៏មានភ្ញៀវទេសចរបរទេសទៅកម្សាន្ត និងភ្លក្សក្រឡានសំរោងដែរ ដោយសារតែវាគឺជាអាហារម្យ៉ាងដែលគេច្រកអង្ករដំណើបលាយផ្សំគ្រឿង ជាមួយខ្ទិះដូង ច្រកក្នុងបំពង់ឫស្សី ហើយដុតវាទាល់តែឆ្អិន ទើបច្រៀកសំបកឫស្សីចេញឲ្យស្ដើង ងាយស្រួលដល់អ្នកបរិភោគ។

ស្ត្រីរូបនេះបានបន្តថា ការប្រើប្រាស់ដើមឫស្សី គឺមានលក្ខណៈខុសគ្នាដើម្បីចម្អិនវា ប៉ុន្តែបើគាត់យកដើមឫស្សីព្រៃមកដុតក្រឡាន វាមានឱជារសឆ្ងាញ់ជាងដើមឫស្សីស្រុក បើទោះបីជាដើមឫស្សីស្រុកមានប្រភេទក្រដាសច្រើនជាងក៏ដោយ។ ស្ត្រីរូបនេះបន្ថែមថា ប៉ុន្តែមួយរយៈនេះ ការលក់ក្រឡានហាក់មានសភាពចុះខ្សោយ មិនសូវដាច់ដូចពីមុន ដោយសារបច្ចុប្បន្នអ្នកលក់ច្រើនពេក៕
អត្ថបទ ៖ សោ និយមរ័ត្ន



-
ជីវិតកម្សាន្ដ៤ ថ្ងៃ មុន
តារាសម្ដែងថៃជួរមុខ ៦ ដួង ស៊ីថ្លៃខ្ពស់ជាងគេក្នុងឆ្នាំនេះ
-
ជីវិតកម្សាន្ដ៣ ថ្ងៃ មុន
តារាសម្ដែងសិង្ហបុរី ទម្លាយថា មានវិញ្ញាណខ្មោចតាមដល់ផ្ទះ ក្រោយថតភាពយន្តនៅកម្ពុជា
-
ជីវិតកម្សាន្ដ៥ ថ្ងៃ មុន
ទស្សនិកជនសរសើរគំនិត Mai Davika ក្រោយច្នៃឈុតដូចស្លឹកចេក ក្នុងកម្មវិធីប្រេនលំដាប់
-
ព័ត៌មានជាតិ៤ ថ្ងៃ មុន
ស្វែងយល់ មកដល់ពេលនេះមានផ្លូវស្ពានណាខ្លះកំពុងសាងសង់ និងគ្រោងបញ្ចប់?
-
ព័ត៌មានជាតិ៥ ថ្ងៃ មុន
ប្រវត្តិសង្ខេបរបស់ព្រះរាជដំណាក់ នៅក្រុងសៀមរាប
-
ជីវិតកម្សាន្ដ៥ ថ្ងៃ មុន
Yaya បង្អួតប៊ីគីនីឆ្លុះសាច់ពណ៌ខ្មៅ លើកោះ ម៉ាល់ឌីវ
-
ព័ត៌មានអន្ដរជាតិ៤ ថ្ងៃ មុន
ធនាគារ អង់គ្លេស ចាយលុយតែ ១ ដុល្លារទិញយកសាខាធនាគារដែលក្ស័យធនរបស់ អាមេរិក
-
ជីវិតកម្សាន្ដ៧ ថ្ងៃ មុន
ឃ្លិប ២០ ឆ្នាំមុន ទស្សនិកជនស្ទើរមិនជឿថា ជាតារាស្រី ៣ ដួងកំពុងល្បីល្បាញសព្វថ្ងៃនេះ