ព័ត៌មានជាតិ
ព្រះអង្គម្ចាស់ ចក្រាវុឌ្ឍ គាំទ្រការចាត់វិធានការចំពោះជនដែលប្រមាថអង្គព្រះមហាក្សត្រ
ព្រះអង្គម្ចាស់ នរោត្តម ចក្រាវុឌ្ឍ ព្រះប្រធានគណបក្សហ្វ៊ុនស៊ិនប៉ិច និងក្នុងនាមជាញាតិវង្សមួយអង្គផងនោះ បានប្រកាសគាំទ្រប្រមុខរាជរដ្ឋាភិបាលកម្ពុជាក្នុងការចាត់វិធានការច្បាប់ចំពោះក្រុមបុគ្គលដែលប្រមាថព្រះចេស្តាព្រះមហាក្សត្រនៃកម្ពុជា។
ការប្រកាសគាំទ្រនេះ គឺបានធ្វើឡើងបន្ទាប់ពីមានក្រុមបុគ្គលប្រឆាំងមួយចំនួនបានលើកឡើង និងចោទប្រកាន់ដោយគ្មានមូលដ្ឋានមកលើសម្ដេចតេជោ ហ៊ុន សែន ថា បានប្រមាថលើព្រះចេស្តាព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា។
ទាក់ទិននឹងការចោទប្រកាន់នេះ ព្រះអង្គម្ចាស់ នរោត្តម ចក្រាវុឌ្ឍ បានសរសេររៀបរាប់នៅលើបណ្ដាញសង្គមហ្វេសប៊ុករបស់ព្រះអង្គ នៅព្រឹកថ្ងៃនេះយ៉ាងដូច្នេះថា៖«សូមកុំដើម្បីតែផលប្រយោជន៍របស់ខ្លួន យកព្រះចេស្តាព្រះមហាក្សត្រដែលជាទីគោរពសក្ការៈដ៏ខ្ពង់ខ្ពស់បំផុតនៃប្រជាជាតិខ្មែរទៅប្រើប្រាស់ខុសពីច្បាប់ដែលបានកំណត់។ ទន្ទឹមនេះ ព្រះអង្គម្ចាស់ក៏បានប្រកាសគាំទ្រចំពោះចំណាត់ការរបស់រាជរដ្ឋាភិបាលកម្ពុជាក្នុងការយកជនបង្កពីបទប្រមាថព្រះចេស្តារព្រះមហាក្សត្រមកកាត់ទោសតាមផ្លូវ»។
កាលពីល្ងាចថ្ងៃទី២១ ខែមីនា លោក យឹម ស៊ីណន និងលោក ហ៊ុន កុសល ត្រូវបានកម្លាំងសមត្ថកិច្ចចាប់ខ្លួន ក្រោយបានបង្ហោះសារបែបញុះញង់ ពាក់ព័ន្ធនឹងការប្រមាថព្រះចេស្តាព្រះមហាក្សត្រ និងការចោទប្រកាន់ទៅលើសម្ដេចតេជោនាយករដ្ឋមន្ត្រី ដែលផ្ទុយពីការពិត។ ថ្លែងក្នុងពិធីប្រគល់សញ្ញាបត្រដល់និស្សិតនៃវិទ្យាស្ថានវ៉ាន់ដា នៅព្រឹកថ្ងៃនេះសម្ដេចតេជោ ហ៊ុន សែន បានចោទជាសំណួរថា តើត្រង់ណាដែលថា សម្ដេចបានប្រមាថព្រះចេស្តាព្រះមហាក្សត្រ។ សម្ដេចតេជោ បានអះអាងថា សម្ដេច នឹងមិនលើកលែងឡើយចំពោះលោក យឹម ស៊ីណន និងលោក ហ៊ុន កុសល ដែលបានបំភ្លៃព័ត៌មាន មួលបង្កាច់ និងចោទប្រកាន់បែបនេះមកលើសម្ដេច។
បន្ថែមលើនេះ សម្ដេចតេជោ នាយករដ្ឋមន្ត្រី បានប្រកាសថា សម្ដេច មិនទទួលយកការសុំទោសណាមួយឡើយរបស់លោក យឹម ស៊ីណន និងលោក ហ៊ុន កុសល ដោយសម្ដេចចាត់ទុកការចោទប្រកាន់នេះ គឺជាចេតនាអាក្រក់ ដែលធ្វើឲ្យប៉ពាល់ដល់ព្រះកិត្តិនាមព្រះមហាក្សត្រ និងកិត្តិយសរបស់សម្ដេចផ្ទាល់ផងដែរ៕
ដោយ៖ ធឿន វ៉ាន់សុង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»