ក្តៅៗ! សមត្ថកិច្ច​បញ្ចេញរូបភាព​ឃាតកដៃដល់ ដែលបាញ់នាយរងការិយាល័យព្រហ្មទណ្ឌកម្រិតស្រាល

សមត្ថកិច្ចបាន​បញ្ចេញ​នូវ​រូបភាព​ និង​វត្ថុ​តាង​មួយ​ចំនួន​ ដែល​ជាឃាតកបាញ់​សម្លាប់នាយរងការិយាល័យព្រហ្មទណ្ឌ កម្រិតស្រាល ដោយក្នុងនោះសមត្ថកិច្ចបានរកឃើញ​វត្ថុតាង​មួយ​ចំនួន​រួមមាន កាំភ្លើង​ ទូរសព្ទ និង​សោជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកថា ជនសង្ស័យជាឃាតក បានរត់ពីស្រុកកោះញ៉ែក ខេត្តមណ្ឌលគិរី ទៅសំងំលាក់ខ្លួននៅក្នុងព្រៃមួយក្នុងស្រុកលំផាត់ខេត្តរតនៈគិរី ហើយបន្តចូលទៅដល់ខេត្តស្ទឹងត្រែង នៅល្ងាចថ្ងៃទី ៦ ខែមករា ក្រោយ​ការតាមប្រមាញ់ពីកម្លាំងប្រដាប់អាវុធចម្រុះស្ថាប័ន។

បើ​តាម​សមត្ថកិច្ច ឃាតកជាជនដៃដល់ត្រូវ​បាន​បាញ់សម្លាប់ ក្រោយពេលផ្ទុះអាវុធមួយប្រាវជាមួយសមត្ថកិច្ចនៅខេត្តក្រចេះ ដោយសារបាញ់តដៃមិនព្រមប្រគល់ខ្លួន។

គួរ​បញ្ជាក់​ថា ឃាតកក្រោយ​បាញ់​នាយរងលោក​រ៉េត ស៊ីណែត អាយុ ៤១ ឆ្នាំ ស្លាប់ ក្នុង​គ្រោះថ្នាក់​ចរាចរណ៍​មួយ បានរត់គេច​ខ្លួន​ពី​ខេត្ត​មួយ​ទៅ​ខេត្ត​មួយ ដោយ​មាន​ការ​តាមប្រមាញ់ពីកម្លាំងប្រដាប់អាវុធចម្រុះស្ថាប័ន។

សមត្ថកិច្ចតាមប្រមាញ់ចាប់ខ្លួនបានបុរស​អ្នក​បើករថយន្តឲ្យជនដៃដល់ ឈ្មោះ កែ ចាន់មាន និង​ត្រូវ​បញ្ជូនទៅតុលាការ ហើយ​ត្រូវបាន​តុលាការ​សម្រេច​ចោទ​ប្រកាន់​ពី​បទ​សមគំនិត​ក្នុង​អំពើ​ឃាតកម្ម និង​បទ​ជួញដូរ​សារធាតុ​ញៀន​។

ចំណែកជន​ល្មើស​នៅ​បន្ត​រត់គេច​ខ្លួនដល់​ខេត្ត​មណ្ឌលគិរី បន្ត​ដល់​ខេត្ត​រតនគិរី និង​ទៅ​ដល់ខេត្ត​ស្ទឹងត្រែង ហើយ​សមត្ថកិច្ច​បាន​បន្ត​រុករកដល់ខេត្ត​ក្រចេះ។ រហូត​ល្ងាច​នេះបាន​ចាប់កន្លែង​លាក់ខ្លួន​របស់​ជនល្មើស តែ​​ដោយសារ​មាន​ការ​បាញ់តដៃមិនព្រម​ឲ្យ​ចាប់​ខ្លួន សមត្ថកិច្ច​បានប្រើ​សិទ្ធិការពារ​​ខ្លួន​បាញ់សម្លាប់​តែ​ម្តង៕