ព័ត៌មានជាតិ
ក្រសួងអប់រំ៖ កុមារ និងយុវជន នៅតែទទួលឥទ្ធិពលពីការលក់បារីអេឡិចត្រូនិក
ក្រសួងអប់រំ យុវជន និងកីឡា បានរៀបចំ “សិក្ខាសាលាផ្សព្វផ្សាយលទ្ធផលស្តីពីការអង្កេត និងផលប៉ះពាល់នៃការប្រើប្រាស់បារីអេឡិចត្រូនិក” នៅមន្ទីរអប់រំ យុវជន និងកីឡា រាជធានីភ្នំពេញ ដោយមានការចូលរួមពីការិយាល័យពាក់ព័ន្ធ និងគណៈគ្រប់គ្រង សាលាបឋមសិក្សា អនុវិទ្យាល័យ វិទ្យាល័យ សរុបប្រមាណ ២០០រូប។ នេះតាមការផ្ដល់ព័ត៌មាន ពីក្រសួងអប់រំ យុវជន និងកីឡា នៅរសៀលនេះ។
នៅក្នុងឱកាសបើកសិក្ខាសាលា នាថ្ងៃទី២២ ខែមីនា ឆ្នាំ២០២៣ លោកស្រី គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា បានសង្កត់ធ្ងន់ពីផលប៉ះពាល់ នៃបារីអេឡិចត្រូនិក ចំពោះសិស្សគ្រប់បឋមភូមិ ដែលតម្រូវឱ្យមានការយកចិត្តទុកដាក់ខ្ពស់ពីសំណាក់គណៈគ្រប់គ្រងគ្រប់លំដាប់ថ្នាក់។
អង្គសិក្ខាសាលាក៏បានឈ្វេងយល់បន្ថែមពីផលប៉ះពាល់ នៃបារីអេឡិចត្រនិក និងលទ្ធផលនៃការអង្កេត បានរកឃើញថា កុមារ និងយុវជន នៅតែទទួលឥទ្ធិពលពីការលក់បារីអេឡិចត្រូនិកតាមបណ្តាញព័ត៌មានសង្គម ទោះបីជាផលិតផលនេះ ត្រូវបានហាមឃាត់ដោយរាជរដ្ឋាភិបាលក៏ដោយ។
លោកស្រី សឿ សុជាតា អនុរដ្ឋលេខាធិការ ក្រសួងអប់រំ យុវជន និងកីឡា បានបង្ហាញពីសារៈសំខាន់នៃការអង្កេត ស្តីពី ការប្រើប្រាស់បារីអេឡិចត្រូនិកក្នុងគ្រឹះស្ថានសិក្សា។ ការអង្កេតនេះលើកឡើងជាអនុសាសន៍សំខាន់ៗដូចតទៅ៖
១. គ្រឹះស្ថានសិក្សាសាធារណៈ និងឯកជនគ្រប់កម្រិត ត្រូវបន្តពង្រឹងការអប់រំផ្សព្វផ្សាយសេចក្តីណែនាំ ស្តីពី ការទប់ស្កាត់ការប្រើប្រាស់បារីអេឡិចត្រូនិក របស់ក្រសួងអប់រំ យុវជន និងកីឡា ឱ្យបានទូលំទូលាយ ទៀងទាត់ និងជាប្រចាំ។ ក្នុងករណីរកឃើញមានការប្រើប្រាស់បារីអេឡិចត្រូនិក ត្រូវសហការជាមួយអាជ្ញាធរមានសមត្ថកិច្ច និងមាតាបិតាសិស្ស ដើម្បីកំណត់ទីតាំងចែកចាយ។
២. ក្រសួងស្ថាប័នមានសមត្ថកិច្ច គប្បីចាត់វិធានការតាមច្បាប់ ចំពោះការចែកចាយបារីអេឡិចត្រូនិក ពិសេសការផ្សព្វផ្សាយលក់តាមបណ្តាញព័ត៌មានសង្គម ជាអាទិ៍ហ្វេសប៊ុក តិកតុក អ៊ីនស្រ្តាក្រាម។ល។ ដែលជាប្រភពចម្បងនៃចែកចាយបារីអេឡិចត្រូនិកដល់កុមារ និងយុវជនវ័យក្មេង។
៣. ក្រសួង ស្ថាប័នមានសមត្ថកិច្ចទទួលបន្ទុកគប្បីពិនិត្យលទ្ធភាពគ្រប់គ្រងហាមឃាត់ការនាំចូលបារីអេឡិចត្រូនិក និងផលិតផលអេចឆ៍ ធី ភី គ្រប់ប្រភេទក្នុងគោលបំណងបង្ការធនធានយុវជន និងកុមារពីការបំផ្លាញសុខភាព និងអនាគតដោយផលិតផលនេះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង