ព័ត៌មានជាតិ
មន្ត្រីធនាគារពិភពលោកថា កម្ពុជាគ្រប់គ្រងទុនបម្រុងឈានដល់កម្រិតស្តង់ដារអន្តរជាតិ
គណៈប្រតិភូធនាគារពិភពលោក ទទួលបន្ទុកកម្មវិធីសហប្រតិបត្តិការជំនួយប្រឹក្សាផ្នែកគ្រប់គ្រងការវិនិយោគ ( RAMP Program) ដឹកនាំដោយលោក Heung Sik Choo ទីប្រឹក្សាជាន់ខ្ពស់ផ្នែកវិនិយោគរបស់ធនាគារពិភពលោក បានធ្វើការកោតសរសរសើរកម្ពុជាដែលបានគ្រប់គ្រងទុនបម្រុងអន្តរជាតិនាពេលបច្ចុប្បន្នបានល្អ ឈានដល់កម្រិតស្តង់ដារអន្តរជាតិ។
នៅក្នុងជំនួបជាមួយលោកជា ចាន់តូ ទេសាភិបាល ធនាគារជាតិនៃកម្ពុជាកាលពីថ្ងៃទី២៣មីនា គណៈប្រតិភូធនាគារពិភពលោកបានលើកឡើងអំពីការរីកចម្រើនផ្នែកគ្រប់គ្រងទុនបម្រុងអន្តរជាតិរបស់ធនាគារជាតិនៃកម្ពុជា និងបានកោតសរសើរថាការគ្រប់គ្រងទុនបម្រុងអន្តរជាតិរបស់ធនាគារជាតិនៃកម្ពុជានាពេលបច្ចុប្បន្នបានឈានដល់កម្រិតស្តង់ដារអន្តរជាតិ ខណៈមន្រ្តីទទួលបន្ទុកសុទ្ធសឹងមានសមត្ថភាព និងគុណវុឌ្ឍិជំនាញខ្ពស់។
បន្ថែមលើនេះ គណៈប្រតិភូធនាគារពិភពលោកបានលើកឡើងថា ប្រតិបត្តិការវិនិយោគត្រូវបានបំពាក់នូវប្រព័ន្ធគ្រប់គ្រងការវិនិយោគទំនើប និងមានសុវត្ថិភាពខ្ពស់សម្រាប់បម្រើឱ្យប្រតិបត្តិការជួញដូរ គ្រប់គ្រងហានិភ័យ ការទូទាត់ និងចុះកិច្ចបញ្ជិកា ដែលបានបង្ហាញថាធនាគារជាតិនៃកម្ពុជាមានបទពិសោធន៍ និងជំនាញផ្នែកវិនិយោគខ្ពស់នៅក្នុងចំណោមធនាគារកណ្តាលទាំង៧០ដែលជាសមាជិករបស់កម្មវិធី RAMP។
ជាការឆ្លើយតប លោក ជា ចាន់តូ បានសម្តែងការសាទរ និងពេញចិត្តយ៉ាងខ្លាំងចំពោះការជួយជ្រោមជ្រែង និងកិច្ចសហការយ៉ាងជិតស្និទ្ធ របស់ក្រុមការងារជំនាញធនាគារពិភពលោកដែលបានផ្តល់ដល់ធនាគារជាតិនៃកម្ពុជា ក្នុងរយៈពេល១៥ ឆ្នាំកន្លងមកនេះ និងជឿជាក់ថា ធនាគារពិភពលោកនឹងបន្តសហការជួយជ្រោមជ្រែងធនាគារជាតិនៃកម្ពុជាបន្ថែមទៀត ដើម្បីឱ្យការគ្រប់គ្រងទុនបម្រុងអន្តរជាតិរបស់ធនាគារជាតិនៃកម្ពុជាកាន់តែមានការរីកចម្រើន និងជឿនលឿន។
ជាមួយគ្នានេះ កិច្ចប្រជុំក៏បានពិភាក្សាផងដែរ អំពីបញ្ហាប្រឈមសម្រាប់ការវិនិយោគនៅក្នុងស្ថានភាពដែលទីផ្សារហិរញ្ញវត្ថុបច្ចុប្បន្នប្រឈមនឹងភាពច្របូកច្របល់ និងយុទ្ធសាស្រ្តមួយចំនួនដើម្បីធានាបានការគ្រប់គ្រងការវិនិយោគទុនបម្រុងអន្តរជាតិប្រកបដោយសុវត្ថិភាព និងរក្សាបានភាពធន់នៃទុនបម្រុងអន្តរជាតិ។
គួររំលឹកថា កម្មវិធី RAMP របស់ធនាគារពិភពលោកគឺជាកម្មវិធីបណ្តុះបណ្តាលផ្នែកធនធានមនុស្ស ជាពិសេសផ្នែកគ្រប់គ្រងទុនបម្រុងអន្តរជាតិ ហើយធនាគារជាតិនៃកម្ពុជាបានចូលជាសមាជិករបស់កម្មវិធី RAMP ចាប់ពីឆ្នាំ២០០៨មក៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ