CDC អនុម័តគម្រោង ៥ បន្ថែមទៀត មានតម្លៃជាង ១០០ លានដុល្លារ

ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគចំនួន ៥ បន្ថែម ទៀតដែលមានតម្លៃវិនិយោគសរុបជាង ១០០ លានដុល្លារ។

ក្រុមហ៊ុនទាំង ៥ ដែលក្រុមប្រឹក្សាអភិវឌ្ឍន៍កម្ពុជាអនុម័តរួមនោះរួមមាន គម្រោងបង្កើតកសិដ្ឋានចិញ្ចឹមគោពូជ និងគោសាច់ខ្នាតធំរបស់ក្រុមហ៊ុន EASTERN RUBBER (CAMBODIA) CO., LTD ស្ថិតនៅស្រុកស្នួល ខេត្តក្រចេះ ក្នុងទុនវិនិយោគប្រមាណ ៧៣,៤ លានដុល្លារ, គម្រោងបង្កើតកសិដ្ឋានដាំដំណាំកសិ-ឧស្សាហកម្ម (ដើមកៅស៊ូ) និងសាងសង់រោងចក្រកែច្នៃរបស់ក្រុមហ៊ុន RITHY RUBBER (CAMBODIA) CO., LTD” ស្ថិតនៅតំបន់ប្រើប្រាស់ដោយចីរភាពនៃដែនជម្រកសត្វព្រៃបឹងពែរ នៅឃុំរមណី ស្រុករវៀង ខេត្តព្រះវិហារ ក្នុងទុនវិនិយោគប្រមាណ ១២ លានដុល្លា, គម្រោងបង្កើតរោងចក្រផ្គុំដំឡើងបន្ទះសូឡារបស់ក្រុមហ៊ុន GE NEW ENERGY TECHNOLOGY (CAMBODIA) CO., LTD” ដែលមានទីតាំងវិនិយោគស្ថិតនៅភូមិតានួន សង្កាត់កំបូល ខណ្ឌកំបូល រាជធានីភ្នំពេញ ក្នុងទុនវិនិយោគប្រមាណ ៧លានដុល្លារ, គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន JINGMAOGUOJI (CAMBODIA) GARMENT CO., LTD ស្ថិតនៅភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ ក្នុងទុនវិនិយោគប្រមាណ ៥,៧ លានដុល្លារ និង គម្រោងបង្កើតរោងចក្រផ្គុំដំឡើងសម្ភារៈអេឡិចត្រូនិករបស់ក្រុមហ៊ុន EBELNO (CAMBODIA) CO., LTD មានទុនវិនិយោគប្រមាណ ៥,២លានដុល្លារអាម៉េរិក។

បើតាមក្រុមប្រឹក្សាអភិវឌ្ឍន៍កម្ពុជា គម្រោងទាំង ៥ អាចបង្កើតការងារបានចំនួន ១ ១៦៨ កន្លែង៕