ស្ត្រីមានកូនតូចៗនៅឃុំកោះរកាទទួលបានម្សៅទឹកដោះ​គោពីក្រុមការងាររាជរដ្ឋាភិបាល

នៅព្រឹកថ្ងៃទី១៨ ខែមេសា ឆ្នាំ២០២៣ ឯកឧត្តម លី ថៃហាក់ ទីប្រឹក្សាក្រសួងកសិកម្មរុក្ខាប្រមាញ់ និងនេសាទ និងជាអនុប្រធានក្រុមការងាររាជរដ្ឋាភិបាលចុះជួយមូលដ្ឋាន ស្រុកកំពង់សៀម បាននាំយកអំណោយជាម្សៅទឹកដោះគោ ទៅចែកជូនស្ត្រីដែលមានកូនតូចៗ ក្នុងឃុំកោះរកានៃស្រុកកំពង់សៀម ចំនួន៤៦គ្រួសារ និងបន្តដំណេីរចុះសួរសុខទុក្ខដល់ខ្នងផ្ទះផ្តល់អំណោយមនុស្សធម៍ដល់ចាស់ជរាចំនួន២គ្រួសារទៀត។

ឆ្លៀតឱកាសនោះដែរឯកឧត្តម លី ថៃហាក់ បានពាំនាំនូវប្រសាសន៍ផ្តាំផ្ញេីសួរសុខទុក្ខពីប្រមុខរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាននាំមកនូវសុខសន្តិភាព និងការអភិវឌ្ឍន៍ឥតឈប់ឈរ។ ឯកឧត្ដមបានជំរុញដល់ទឹកចិត្តដល់ស្ត្រីក្នុងឃុំទាំងអស់ត្រូវចេះថែរទាំសុខភាពកូនតូចៗឲ្យល្អប្រសេីរ និងជៀសឆ្ងាយពីជំងឺឈឺស្កាត់ទាំងឡាយ ។

ទន្ទឹមនឹងនេះដែរ ឯកឧត្ដមបានអំពាវនាវដល់បងប្អូនប្រជាពលរដ្ឋដែលមានកូនចៅអាយុ១៨ឆ្នាំឡេីងទៅ និងមានឈ្មោះក្នុងបញ្ជីបោះឆ្នោតសូមពិនិត្យឯកសារពាក់ព័ន្ធ មានអត្តសញ្ញាណប័ណ្ណប្រសិនបេីហួសសុពលភាពសូមអញ្ជើញទៅធ្វើឡេីងវិញ និងកែតម្រូវនៅតាមមូលដ្ឋានដេីម្បីបំរេីឲ្យការបោះឆ្នោត។ ហេីយសូមបងប្អូនពលរដ្ឋកុំភ្លេចនាំគ្នាទៅបោះឆ្នោតឲ្យបានគ្រប់ៗគ្នា ដេីម្បីជ្រេីសរេីសថ្នាក់ដឹកនាំល្អដែលមានការរីកចម្រេីនដូចសព្វថ្ងៃនេះ។

សូមជម្រាបជូនដែរថា អំណោយជាម្សៅទឹកដោះគោ ដែលបានផ្តល់ជូនស្ត្រីមានកូនតូចៗក្នុងឃុំកោះរកា នៃស្រុកកំពង់សៀម​ របស់ឯកឧត្តម លី ថៃហាក់ ទីប្រឹក្សាក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានក្រុមការងាររាជរដ្ឋាភិបាលចុះជួយមូលដ្ឋាន ស្រុកកំពង់សៀម ដែលមានចំនួន៤៦គ្រួសារ ក្នុងនោះមួយគ្រួសារទទួលបានទឹកដោះគោ២កំប៉ុង និងថវិកា១ម៉ឺន រៀល ហេីយ ឯកឧត្តម រួមជាអាជ្ញាធរមូលដ្ឋានឃុំចុះទៅសួសុខទុក្ខចាស់ជរាដែលកំពុងសម្រាកព្យាបាលជម្ងឺចំនួន២គ្រួសារ ដោយក្នុងមួយគ្រួសារ ទទួលបាន អង្ករ២៥គីឡូក្រាម, ទឹកត្រីមួយយួរ,ទឹកស៉ីអ៉ីវ មួយយួរ,ត្រីខមួយយួរ,មីមួយកេស,ទឹកបរិសុទ្ធមួយយួរ និងថវិកា៥ម៉ឺនរៀល៕

អត្ថបទ៖ ឡេក ចាន់ពេជ្រ