Connect with us

ព័ត៌មានជាតិ

តំបន់សេដ្ឋកិច្ចពិសេសភ្នំពេញនាំចេញទំនិញមានតម្លៃប្រមាណ ៩៦០លានដុល្លារ

បានផុស

នៅ

ការនាំចេញទំនិញរបស់តំបន់សេដ្ឋកិច្ចពិសេសភ្នំពេញ មានតម្លៃរហូតដល់ ៩៦០លានដុល្លារ នៅឆ្នាំ ២០២២។ នេះជាការបញ្ជាក់របស់លោក UEMATSU HIROSHI ប្រធាននាយកប្រតិបត្តិតំបន់សេដ្ឋកិច្ចពិសេសភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក UEMATSU HIROSHI បានថ្លែងប្រាប់កម្ពុជាថ្មីថា ការនាំចេញទំនិញរបស់តំបន់សេដ្ឋកិច្ចពិសេស​ភ្នំពេញបន្តកើន​ឡើងជាលំដាប់ពីមួយឆ្នាំទៅមួយ។ លោកបន្តថា នៅក្នុងតំបន់សេដ្ឋកិច្ចពិសេសភ្នំពេញ មានក្រុម​ហ៊ុនចំនួន ១៥០ កំពុងដំណើរការ ដោយក្នុងនោះ ៤០ភាគរយ គឺក្រុមហ៊ុនមកពីប្រទេសជប៉ុន, ៣០ក្រុមហ៊ុន​មកពី​ប្រទេសចិន ក៏ដូចជាក្រុមហ៊ុនមកពីប្រទេសថៃ អាមេរិក ហ្វីលីពីន វៀតណាម និងប្រទេសដទៃទៀត បានចូលមក​បោះទុនវិនិយោគនៅក្នុងតំបន់សេដ្ឋកិច្ចពិសេសនេះ។ ចំពោះផលិតផលនៅក្នុងតំបន់សេដ្ឋកិច្ចពិសេសភ្នំពេញសម្រាប់នាំចេញ មានដូចជា វាយនភ័ណកាត់ដេរសម្លៀកបំពាក់ រថយន្ត គ្រឿងបន្លាស់រថយន្ត គ្រឿងអេឡិចត្រូនិក អគ្គិសនី និងផ្សេងៗទៀត។

ប្រធានតំបន់សេដ្ឋកិច្ចពិសេសភ្នំពេញ បានគូសបញ្ជាក់ថា បើទោះបីជាស្ថិតក្នុងវិបត្តិកូវីដយ៉ាងណាក្តី ក៏តំបន់​សេដ្ឋកិច្ចពិសេស​ភ្នំពេញ ទទួលបានប្រាក់ចំណេញដែរ។ ​លោកថា តំបន់សេដ្ឋកិច្ចពិសេសភ្នំពេញ​គ្រោងអភិវឌ្ឍពង្រីក​ទីតាំងបន្ថែមទៀត ដើម្បីទាក់ទាញអ្នកវិនិយោគ ដោយផ្តោតសំខាន់លើវិស័យគ្រឿងបន្លាស់យានយន្ត និងគ្រឿង​អេឡិចត្រូនិក ព្រោះវិស័យទាំងនេះ មានតម្រូវការខ្ពស់ និងអ្នកវិនិយោគច្រើន។

សូមបញ្ជាក់ថា បច្ចុប្បន្ននេះ តំបន់សេដ្ឋកិច្ចពិសេសភ្នំពេញ បានផ្តល់ការងារដល់ពលរដ្ឋខ្មែរប្រមាណ ៤ម៉ឺនាក់ ដោយផ្ទាល់ និងដោយប្រយោលជាច្រើននាក់ទៀត៕​​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៩ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ៤៤ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម