ព័ត៌មានជាតិ
ចំណូលរបស់កំពង់ផែព្រះសីហនុកើនឡើងជិត២០%ក្នុងត្រីមាសទី១ឆ្នាំនេះ
កំពង់ផែស្វយ័តក្រុងព្រះសីហនុ (PAS) ដែលជាក្រុមហ៊ុនចុះបញ្ជីនៅផ្សារមូលបត្រកម្ពុជា(CSX) បានរាយការណ៍ថា ក្នុងត្រីមាសទី ១ ឆ្នាំ២០២៥នេះ មានចំណូលសរុបចំនួន ១១៤,៧៨ ពាន់លានរៀល កើនឡើងចំនួនជាង ១៧,៤១ ពាន់លានរៀល ស្មើនឹង ១៧,៨៩% ធៀបនឹងត្រីមាសទី១ឆ្នាំមុន ខណៈចំណេញប្រតិបត្តិការមានចំនួនជាង ២៩,៥៧ ពាន់លានរៀល កើនឡើង ៧០,៥០%។
ប៉ុន្តែ PAS បានបង្ហាញឱ្យដឹងថា ក្នុងត្រីមាសដដែលនេះ ខ្លួនទទួលបានចំណេញសុទ្ធចំនួនជាង ១០,៥០៧ ពាន់លានរៀល ថយចុះចំនួន ៦៨,៤៤% បើធៀបនឹងត្រីមាសទី១ ឆ្នាំ២០២៤ ដោយសារការខាតពីអត្រាប្តូរប្រាក់យ៉េនជប៉ុន (មិនទាន់សម្រេច) ។ នេះបើយោងតាមរបាយការណ៍របស់ផែផ្ញើរទៅកាន់ CSX។
PAS បានលើកឡើងថា៖«មូលហេតុចម្បង នៃការកើនឡើង ចំណូល និងចំណេញប្រតិបត្តិការ បណ្ដាលមកពីបរិមាណកុងតឺន័រ និងបរិមាណទំនិញឆ្លងកាត់ កសស មានការកើនឡើងខ្លាំង។ ដោយឡែកមានការកើនឡើង នៃការខាតអត្រាប្តូរប្រាក់យ៉េនជប៉ុន (មិនទាន់សម្រេច) ប្រមាណ ១៧៥,៨៣% ធ្វើអោយចំណេញសុទ្ធមានការថយចុះខ្លាំង បើធៀបនឹងត្រីមាសទី១ ឆ្នាំ២០២៤» ។
យោងតាមរបាយការណ៍ បានគូសបញ្ជាក់ថាសម្រាប់ប្រាក់ចំណូលភាគច្រើនបានមកពីអតិថិជនខាងក្រៅរបស់ខ្លួន ខណៈផែមានទីតាំងស្ថិតនៅក្នុងខេត្ត ព្រះសីហនុ ហើយប្រាក់ចំណូលភាគច្រើន មានប្រភពចេញពីខេត្តព្រះសីហនុ និងតំបន់ជុំវិញ។
«ប្រាក់ចំណូលចំនួន ២៩ ៨២៥ ៧៨៧ ពាន់រៀល គឺបានមកពីអតិថិជនធំៗរបស់ផែ ដែលអតិថិជន នីមួយៗបានរួមចំណែកយ៉ាងហោចណាស់ ១០% ដល់ចំណូលផ្នែកដែលអាចរាយការណ៍សរុប សម្រាប់ដំណាច់ ការិយបរិច្ឆេទបីខែ ថ្ងៃទី៣១ ខែមីនា ឆ្នាំ២០២៥»។ នេះបើយោងតាមរបាយការណ៍ដែលចុះហត្ថលេខាដោយលោក លូ គឹមឈុន អគ្គនាយកនៃ PAS។
របាយការណ៍ដដែលក៏បានបង្ហាញផងដែរថា កាលពីថ្ងៃទី០២ ខែសីហា ឆ្នាំ២០២៤ PAS បានចុះកិច្ចព្រមព្រៀងបណ្តាក់ទុនរួមគ្នាជាមួយក្រុមហ៊ុន Funan Techo Inland Waterways and Logistics Company Limited (FTIWL) ជាមួយភាគទុនវិនិយោគ ២៦% ។
«FTIWL ដំណើរការព្រែកជីកហ្វូណនតេជោ ដើម្បីពង្រីកការដឹក ជញ្ជូនឡូជីស្លឹកផ្លូវទឹកក្នុងប្រទេស ទៅកាន់កំពង់ផែសមុទ្រអន្តរជាតិ។ ព្រែកជីកហ្វូណនតេជោ នឹងចូលរួមគាំទ្រយ៉ាង សំខាន់ដល់ការដឹកជញ្ជូនផ្លូវទឹក មកកាន់កំពង់ផែស្វយ័តក្រុងព្រះសីហនុ អោយកាន់តែមានលក្ខណៈ Multimodal Transport ក្នុងការដឹកជញ្ជូន។ លក្ខណៈសម្បត្តិនៃការបណ្តាក់ទុន គឺជាការវិនិយោគនៅក្នុងក្រុមហ៊ុនញាតិសម្ព័ន្ធ។ PAS បានចាប់ផ្តើមបង់ដើមទុននៅថ្ងៃទី១៥ ខែមីនា ឆ្នាំ២០២៥»៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ