ព័ត៌មានជាតិ
ក្ដីកង្វល់ពីកន្លែងស្នាក់នៅហូបចុករបស់ប្រតិភូកីឡា និងកីឡាករ ១ ២០០០ នាក់ត្រូវបានដោះស្រាយ
ការត្រៀមរៀបចំព្រឹត្តិការណ៍ស៊ីហ្គេមនៅកម្ពុជាបានរួចរាល់ហើយ គិតត្រឹមថ្ងៃទី ២៨ ខែមេសា ឆ្នាំ ២០២៣ ខណៈប្រតិភូកីឡា និងកីឡាករបានមកដល់កម្ពុជាបណ្ដើរៗហើយ។
លោក ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្រ្តៃយ៍ គណៈកម្មាធិការជាតិរៀបចំការប្រកួតកីឡាស៊ីហ្គេមមានប្រសាសន៍ឱ្យដឹង នៅក្នុងសន្និសីទសារព័ត៌មាន នៅថ្ងរសៀលថ្ងៃទី ២៨ ខែមេសា ២០២៣ ថា កីឡាករបាល់ទាត់គឺខាងគណៈកម្មាធិការជាតិរៀបចំការប្រកួតកីឡាស៊ីហ្គេមបានរៀបចំឱ្យកីឡាការស្នាក់នៅសណ្ឋាគារភ្នំពេញ ជាកន្លែងដែលត្រូវប្រកួតនៅពហុកីឡដ្ឋានអូឡាំពិក។
ដោយឡែកការស្នាក់នៅភូមិកីឡា គឺរៀបចំទៅតាមប្រទេស ចំណែកការស្នាក់នៅខាងក្រៅរៀបចំតាមប្រភេទកីឡាវិញ។ រីឯប្រភេទកីឡាបាល់ទាត់នៅតែ ២ សណ្ឋាគារទេ ប៉ុន្តែយើងគិតថា ដាក់តែមួយសណ្ឋាគារគឺគ្រប់ហើយនៅសណ្ឋាគារភ្នំពេញ។ ហើយកីឡាបាល់ទាត់នារីអាចទៅសណ្ឋាគារផ្សេង។
មកដល់ថ្ងៃនេះ ការរៀបចំបានរួចរាល់ ហើយយើងនឹងត្រៀមទទួលប្រតិភូកីឡាដែលនឹងមកដល់ចាប់ពីថ្ងៃ ៣០ ខែមេសា ដល់ថ្ងៃទី ២ ខែឧសភា ខណៈថ្ងៃទី ៣ នឹងធ្វើពិធីគោរពទង់ជាតិប្រទេសនីមួយៗ។ នៅថ្ងៃបន្ទាប់នឹងបើកប្រជុំក្រុមប្រឹក្សាកីឡាអាស៊ីអាគ្នេយ៍ជាលើកចុងក្រោយមុនការប្រកួត។ រួចឈានទៅបើកជាផ្លូវការនូវព្រឹត្តិការណ៍កីឡាស៊ីហ្គេមនៅស្ដាតមរតកតេជោ។
សម្ដេច ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំព្រឹត្តិការណ៍ស៊ីហ្គេមបានបញ្ជាក់ថា អ្វីៗគ្រប់បែបយ៉ាងទាំងអស់មកដល់ម៉ោងនេះ គឺបានរៀបចំរួចជាស្រេចទៅហើយ។ ការចាប់ផ្ដើមបដិសណ្ឋារកិច្ចដល់ប្រតិភូកីឡា ក៏ចាប់ផ្ដើមរួចជាស្រេចហើយដែរ។
ជុំវិញកង្វល់បញ្ហាស្នាក់នៅហូបចុក ធ្វើដំណើរ យើងបានរៀបចំរួចរាល់អស់ហើយ និងបានដាក់មុខសញ្ញា ការស្នាក់នៅរបស់ ប្រតិភូកីឡា និងកីឡាករ។ ដោយឡែកចំពោះអ្នកគាំទ្រ បរទេសដែលមកក៏សូមដោះស្រាយដោយខ្លួនឯង កម្ពុជារ៉ាប់រងសម្រាប់តែប្រតិភូកីឡាប៉ុណ្ណោះ។
ការរៀបចំព្រឹត្តិការណ៍ស៊ីហ្គេមនៅសល់តិចតូចប៉ុណ្ណោះ ដូចជាការលម្អរតុបតែងទីធ្លា ទីលាន និងតាមដងវិថី ដែលកំពុងមមាញឹក ខណៈមានការរៀបចំស្លាយនៅតាមទីលាននៅភ្នំពេញ និងតាមបណ្ដាខេត្ត។
សម្ដេច ទៀ បាញ់ មានប្រសាសន៍ថា៖ «អ្វីដែលយើងបារម្ភគឺការបដិសណ្ឋារកិច្ចប្រតិភូកីឡា មកស្នាក់នៅហូបចុក ធ្វើដំណើរឱ្យបានស្រួល និងតាមរបៀបវារគឺបានរៀបចំរួចស្រេចហើយ។ ប្រតិភូនាំមុខទទួលស្គាល់ថា ល្អឆ្ងាញ់ ដែលឆ្លើយតបទៅតាមអ្វីដែលមិត្តភក្តិធ្វើមុនៗ»។
ប្រភេទកីឡាអាស៊ីអាគ្នេយ៍មានប្រទេសចំនួន ១១ ចូលរួម ដែលមាន កីឡាចំនួន ៣៧ ប្រភេទ សរុប ៥៨៦ វិញ្ញាសារខណៈទីតាំងសម្រាប់ប្រកួតមានច្រើនកន្លែង រួមទាំងខេត្តទាំងនៅរាជធានី-ខេត្ត ៥ មានរាជធានីភ្នំពេញ ខេត្តព្រះសីហនុ កែប កំពត និងខេត្តសៀមរាប។
មេដាយសរុបមានរហូតដល់ ៥ ១៥១ មេដាយ ទាំង មេដាយមាស ប្រាក់ និងសំរិទ្ធ ត្រៀមបំពាក់ជ័យលាភីមេដាយមាសតាមចំនួនវិញ្ញាសារប្រភេទកីឡានីមួយៗគឺ ១ វិញ្ញាសារមានមេដាយមាស១។
ប្រភេទកីឡាទាំង ៣៧ គណៈកម្មាធិការជាតិរៀបចំព្រឹត្តិការណ៍ស៊ីហ្គេម បានបែងចែកនៅគ្រប់ទីកន្លែងទាំងអស់ នៅភ្នំពេញ មានទីតាំងច្រើន ប៉ុន្តែទីតាំងធំៗ មាន ៣ កន្លែងគឺពហុកីឡដ្ឋានជាតិមរតកតេជោ ពហុកីឡដ្ឋានអូឡាំពិក និងសាលពិព៌ណជ្រោយចង្វា (OCIC)។
លោក វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួកីឡាអាស៊ីអាគ្នេយ៍លើកទី៣២ ឆ្នាំ២០២៣ (CAMSOC) ប្រាប់ថា កន្លែងទីតាំងយើងបានរៀបចំអស់ហើយ ហើយទីលានប្រភេទកីឡា ដែលត្រូវប្រកួតនេះ យើងបានតុបតែងហើយ ៩០% ជាង នៅសល់បន្តិចបន្តួច។ ចំនួនប្រតិភូអាជ្ញាកណ្ដាល មន្ត្រីចៅក្រម អន្តរជាតិ និងកីឡាករសរុបប្រមាន ១២០០០ នាក់៕
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore