ព័ត៌មានជាតិ

៣ ខែ ដើមឆ្នាំ២០២៣ កម្ពុជាទទួលបានទេសចរកូរ៉េជាង ៥ ម៉ឺននាក់

បានផុស

៥ ខែ មុន

នៅ

ថ្ងៃសុក្រ ៥ ឧសភា ២០២៣

ដោយ

ក្រសួងទេសចរណ៍បានបង្ហាញពីតួលេខនៃចំនួនទេសចរកូរ៉េមកទស្សនាកម្ពុជានៅក្នុងរយៈពេល ៣ខែ ដើមឆ្នាំ២០២៣។ បើតាមទិន្នន័យពីក្រសួងទេសចរណ៍ ក្នុងរយៈពេល ៣ ខែដើមឆ្នាំ ២០២៣ កម្ពុជាទទួលបានភ្ញៀវទេសចរកូរ៉េជាង ៥ម៉ឺននាក់ (៥២,៥៧៨នាក់) ដែលស្ថិតិនេះមានការកើនឡើង ១១១៥.៤% ធៀបនឹងរយៈពេលដូចគ្នាឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកើនឡើងនេះអាចសបញ្ជាក់បានថា ស្ថានភាពវិស័យទេសចរណ៍នៅក្នុងប្រទេសកម្ពុជា កំពុងវិលទៅរកសភាពល្អប្រសើរឡើងវិញ ហើយកម្ពុជារំពឹងថានឹងទទួលបានទេសចរកូរ៉េប្រមាណ ៨ ម៉ឺននាក់ សម្រាប់ឆ្នាំ២០២៣។

ក្រសួងទេសចរណ៍ កំពុងជំរុញការផ្សព្វផ្សាយសក្ដានុពលទេសចរណ៍ប្រទេសកម្ពុជាទៅកាន់ទីផ្សារប្រទេសកូរ៉េ តាមចក្ខុវិស័យស្ដីពីផែនការស្តារនិងលើកស្ទួយវិស័យទេសចរណ៍នៅក្នុងប្រទេសកម្ពុជាឡើងវិញ ក្រោយវិបត្តិកូវីដ ១៩ ដំណាក់កាលទី២ (២០២០-២០២៥)។

កម្ពុជាក៏បើកយុទ្ធនាការ «ឆ្នាំទស្សនាកម្ពុជា ២០២៣» និងគោលដៅទេសចរណ៍កីឡា «កីឡារស់ក្នុងសន្តិភាព» តាមរយៈព្រឹត្តិការណ៍កីឡាស៊ីហ្គេម និងអាស៊ានបារ៉ាហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

នៅឆ្នាំ ២០២២ កម្ពុជាទទួលបានទេសចរប្រមាណ ២,២៧៦,៦២៦នាក់ កើនឡើង ១០៥៨.៦% ធៀបនឹងឆ្នាំ២០២១ ដែលក្នុងនោះទេសចរកូរ៉េមានប្រមាណ ៦៤,០៤០នាក់ កើនឡើង ៩៥៤.៣% ធៀបនឹងឆ្នាំ២០២១៕