Connect with us

ព័ត៌មានជាតិ

បណ្ឌិត ហ៊ុន ម៉ាណែត៖ រដ្ឋាភិបាលធានាបាននូវនិរន្តភាព និងការអភិវឌ្ឍជាតិ

បានផុស

នៅ

ឯកឧត្តមបណ្ឌិត ហ៊ុន ម៉ាណែត មានប្រសាសន៍ថា រដ្ឋាភិបាលកម្ពុជាខិតខំធានាបាននូវនិរន្តភាព នៃឱកាសសម្រាប់កំណើន និងការអភិវឌ្ឍរបស់ប្រទេសជាតិ សមិទ្ធផលប្រកបដោយសច្ចភាពក្នុងប្រវត្តិសាស្ត្ររបស់ប្រទេសកម្ពុជា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថ្លែងមាន ធ្វើឡើងក្នុង ឱកាស ឯកឧត្តមបណ្ឌិត ហ៊ុន ម៉ាណែត អញ្ជើញសម្ពោធឆ្លងបណ្ណាល័យ និងសមិទ្ធផលនានាក្នុងវត្តឥន្ទញ្ញាណ (ហៅវត្តក្រោម) ស្ថិតនៅភូមិ១ សង្កាត់លេខ៣ ក្រុង-ខេត្តព្រះសីហនុ នានៅថ្ងៃទី៦ ខែឧសភា ឆ្នាំ២០២៣។ ពិធីនេះមានការអញ្ជើញចូលរួមពី លោក លោកស្រី អភិបាល អភិបាលរងខេត្តព្រះសីហនុ កោះកុង កំពត កែប កំពង់ស្ពឺ និងខេត្តតាកែវ។

ឯកឧត្ដមបណ្ឌិត ហ៊ុន ម៉ាណែត មានប្រសាសន៍ថា ការរំដោះប្រជាជនកម្ពុជា ឱ្យរួចផុតពីរបបប្រល័យពូជសាសន៍ ប៉ុល ពត ក្នុងរយៈកាលជាង ៤០ឆ្នាំ ការបង្កើត និងថែរក្សាសន្តិភាពបានពេញលេញជាង ២០ឆ្នាំ កន្លងមកនេះ ព្រមទាំងការរួមសុខរួមទុក្ខជួយសង្គ្រោះអាយុជីវិតប្រជាជនក្នុងគ្រោះអាសន្ន ដូចជាក្នុងអំឡុង នៃវិបត្តិជំងឺកូវីដ-១៩ លើសពីនេះ គឺការធានាបាននូវនិរន្តភាព នៃឱកាសសម្រាប់កំណើន និងការអភិវឌ្ឍរបស់ប្រទេសជាតិ សមិទ្ធផលប្រកបដោយសច្ចភាពក្នុងប្រវត្តិសាស្ត្ររបស់ប្រទេសកម្ពុជា ក្រោមការដឹកនាំរបស់គណបក្សប្រជាជនកម្ពុជា ចាប់ពីឆ្នាំ១៩៧៩ និងតទៅអនាគត។

ឯកឧត្តមបណ្ឌិតបានបញ្ជាក់ថា ពិធីបើកការប្រកួតកីឡាអាស៊ីអាគ្នេយ៍លើកទី៣២ គឺជាព្រឹតិ្តការណ៍ប្រកប ដោយមោទកភាពជាតិខ្មែរ និងមានលក្ខណៈជាប្រវត្តិសាស្រ្ត តាមរយៈការបើកបង្ហាញនូវសាវតារ និងភាពរុង រឿងថ្កើងថ្កាន នៃអរិយធម៌ខ្មែរ តាំងពីអតីតកាលរហូតមកដល់សម័យកាលទំនើបជូនដល់សាកលលោក។ សមិទ្ធផលនេះ មិនមែនកើតឡើងដោយចៃដន្យឡើយ ប៉ុន្តែគឺជាឧទាហរណ៍ជាក់ស្តែងមួយនៃការដឹកនាំប្រកបដោយគតិបណ្ឌិតរបស់សម្តេចតេជោ នាយករដ្ឋមន្ត្រី ដែលតែងពិចារណាត្រិះរិះស្វែងរកគ្រប់យុទ្ធសាស្ត្រ និងមធ្យោបាយ ដើម្បីកសាងអភិវឌ្ឍប្រទេសជាតិឱ្យកាន់តែចម្រុងចម្រើនរុងរឿង និងលើកកម្ពស់កិត្យានុភាពជាតិឱ្យកាន់តែខ្ពស់ត្រដែតឡើងថែមទៀតនៅលើឆាកអន្តរជាតិ។

ជាមួយគ្នានេះ ឯកឧត្តមបណ្ឌិត ហ៊ុន ម៉ាណែត សូមចូលរួមអនុមោទនាត្រេកអរចំពោះការកើតឡើងជាបន្តបន្ទាប់នូវសមិទ្ធផលជាច្រើនក្នុងទីអារាម ដែលត្រូវបានផ្តួចផ្តើមកសាងដោយព្រះបរមរតនកោដ្ឋក្នុង ឆ្នាំ១៩៦២ និងបន្ទាប់មកត្រូវបានបំផ្លិចបំផ្លាញដោយរបប ប៉ុល ពត គឺដូចនឹងស្ថានភាពសោកនាដកម្មនៅទូទាំងប្រទេសក្នុងសម័យកាលដ៏ខ្មៅងងឹត។ ចាប់ពីឆ្នាំ១៩៧៩ ទីអារាមនេះក៏ត្រូវបានកសាងទ្បើងវិញដោយការចូលរួមពីសំណាក់ព្រះសង្ឃ គណៈកម្មការអាចារ្យវត្ត និងប្រជាពុទ្ធបរិស័ទ រួមជាមួយនឹងរាជរដ្ឋាភិបាល ព្រមទាំងអាជ្ញាធរគ្រប់លំដាប់ថ្នាក់ ក្រោមការដឹកនាំរបស់គណបក្សប្រជាជនកម្ពុជា ក្នុងធ្លុងមហាសាមគ្គីជាតិដ៏រឹងមាំ។

លោក គួច ចំរើន អភិបាលខេត្តព្រះសីហនុ បានរាយការណ៍ការសាងសង់បណ្តាល័យ និងសមិទ្ធផលនានាក្នុងវត្តឥន្ទញ្ញាណ (ហៅវត្តក្រៅ) ដោយបច្ចុប្បន្នដឹកនាំដោយព្រះនរធម្មោ ប៊ុន ណេង ព្រះចៅអធិការវត្ត និងជាលេខាគណខេត្ត រួមជាមួយថ្នាក់ដឹកនាំខេត្ត និងពុទ្ធ បរិស័ទជិតឆ្ងាយបានបន្តការកសាងវត្តរួមមាន៖ ចេតិយរួមជណ្តើរកែវ ព្រះពុទ្ធបរិនិព្វាន ប្រសូត្រ ប្រោសបញ្ចវគ្គិយ៍ភិក្ខុ អាស្រមស្នាក់នៅរបស់តាជី យាយជី ផ្លូវបេតុងក្នុងវត្តជាច្រើនខ្សែ របងវត្ត ភេសជ្ជដ្ឋាន ឧបដ្ឋានសាលា គិលានុបដ្ឋាន វច្ចកុដិ រោងភត្តរួមនឹងសមិទ្ធផលផ្សេងៗទៀត។ ពិសេសបណ្ណាល័យថ្មី ដែលកំពុងរៀបចំពិធីសម្ពោធឆ្លងនាពេលនេះ កសាងឡើងតាមរចនាបថខ្មែរ មានទទឹង ២៤ម៉ែត្រ បណ្ដោយ ៣៦,៥៤ ម៉ែត្រ កម្ពស់ ៣ ជាន់ ធ្វើអំពីបេតុង ជាន់ផ្ទាល់ដី ជាន់ទី១ សម្រាប់ព្រះសង្ឃគង់នៅ, ជាន់ទី២ ជាបណ្ណាល័យ, ជាន់ទី៣ ជាបូជនីយដ្ឋានតម្តល់ព្រះបរមសារីរិកធាតុរបស់ព្រះសម្មាសម្ពុទ្ធជាអង្គម្ចាស់ ដែលបានអារាធនាពីប្រទេសស្រីលង្កា និងព្រះពុទ្ធរូប ៣២អង្គ ធ្វើអំពីស្ពាន់ សមិទ្ធផលខាងលើចំណាយថវិកាសរុបចំនួន ២ ៣១២ ១២២ ដុល្លារអាមេរិក។

លោកអភិបាលខត្ត បានកោតសរសើរ និងថ្លែងអំណរព្រះគុណព្រះនរធម្មោ ប៊ុន ណេង ព្រះថេរានុថេរៈគ្រប់ព្រះអង្គ ព្រមទាំងគណៈកម្មការអាចារ្យវត្ត ដែលបានខិតខំលះបង់យកអស់កម្លាំងព្រះកាយ កម្លាំងព្រះទ័យ ព្រះប្រាជ្ញាស្មារតី និងធនធានក្នុងការគ្រប់គ្រងអភិវឌ្ឍវិស័យព្រះពុទ្ធសាសនាឱ្យមានការរីកចម្រើនរហូតកសាងបានបណ្ណាល័យ និងសមិទ្ធផលនានាក្នុងវត្តឥន្ទញ្ញាណ នាពេលនេះ។ សមិទ្ធផលនានាក្នុងវត្តឥន្ទញ្ញាណកើតឡើងពីការចូលរួមបរិច្ចាគធនធានផ្ទាល់ខ្លួនដោយសទ្ធាជ្រះថ្លាពីសប្បុរសជន និងប្រជាពុទ្ធបរិស័ទជិតឆ្ងាយ ដើម្បីសម្រេចបាននូវសមិទ្ធផលសម្រាប់តម្តល់ទុកជាសម្បត្តិគរុភ័ណ្ឌ ក្នុងការប្រើប្រាស់ជាប្រយោជន៍រួមរបស់ព្រះសង្ឃ និងពុទ្ធបរិស័ទក្នុងការគោរពប្រតិបត្តិតាមជំនឿបែបព្រះពុទ្ធសាសនាតរៀងទៅ។

អត្ថបទ៖ ស៊ុយ ចាន់ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៤ នាទី មុន

តៃវ៉ាន់ ថា ខ្លួន​រៀនសូត្រ​ពី​អ៊ុយក្រែន ទប់ស្កាត់​ការ​ឈ្លានពាន​ពី​បរទេស

សេដ្ឋកិច្ច២៩ នាទី មុន

ការ​នាំ​ចេញ​ថៃ​ កើន​ឡើង​ជាង​ ៧ ភាគរយ​ ដល់​ ២៦,២២ ប៊ីលាន​ដុល្លារនៅ​ខែ​ឧសភា​ ​

ព័ត៌មានជាតិ៤៤ នាទី មុន

ឯកឧត្ដម ហ៊ុន ម៉ានី ៖ គណៈកម្មាធិការគណបក្សក្រសួងមុខងារសាធារណៈ បានរួមចំណែក​យ៉ាងធំធេង អនុវត្តគោលនយោបាយគណបក្សប្រជាជនកម្ពុជា

សេដ្ឋកិច្ច១ ម៉ោង មុន

ចិន​ព្រមាន​ពី​លទ្ធភាព​ «សង្រ្គាម​ពាណិជ្ជកម្ម​» ជា​មួយ​សហភាព​អឺរ៉ុប​

ព័ត៌មានជាតិ១ ម៉ោង មុន

សស់ជាង ១សប្តាហ៍ទៀតប៉ុណ្ណោះ សម្រាប់ការដាក់ស្នាដៃប្រកួតពានរង្វាន់ព្រះនាងឥន្ទ្រទេវី ឆ្នាំ២០២៤

ព័ត៌មានជាតិ២១ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៩ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ២៣ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៧ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

សេដ្ឋកិច្ច២៣ ម៉ោង មុន

ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត

Sokha Hotels

ព័ត៌មានពេញនិយម