ព័ត៌មានជាតិ
រដ្ឋមន្ត្រី ៤ រូប ចូលរួមការស្វាគមន៍ការចូលជាសមាជិកបណ្ដាញអតីតសិស្សសិក្សាភាសាបារាំង
រដ្ឋមន្ត្រី ៤ រូប មានចូលរួម ពិធីអបអរសាទរការបញ្ចប់ការសិក្សា និងការស្វាគមន៍ការចូលជាសមាជិកបណ្ដាញអតីតសិស្សសិក្សាភាសាបារាំង (Cérémonie de fin de formation et de bienvenue au réseau France Alumni) នៅឯនិវេសនដ្ឋានបារាំងប្រចាំនៅកម្ពុជា នាចុងសប្ដាហ៍នេះ។
ពិធីនេះប្រព្រឹត្តទៅក្រោមអធិបតីភាព ឯកឧត្តម Jacques PELLET ឯកអគ្គរដ្ឋទូតបារាំងប្រចាំនៅកម្ពុជា, បណ្ឌិតសភាចារ្យ ហង់ជួន ណារ៉ុន រដ្ឋមន្រ្ដីក្រសួងអប់រំ យុវជន និងកីឡា, លោក ទិត ឌីណា រដ្ឋមន្រ្ដីក្រសួងកសិកម្ម រុក្ខាប្រមាញ់ និងនេសាទ, លោក កើត រិទ្ធិ រដ្ឋមន្រ្ដីក្រសួងយុត្តិធម៌, លោកស្រី អុឹង កន្ថាផាវី រដ្ឋមន្រ្ដីក្រសួងកិច្ចការនារី និងមានការចូលរួមពីនិស្សិតដែលកំពុងសិក្សាក្នុងកម្មវិធីសិក្សាជាភាសាបារាំង និងនិស្សិតកម្ពុជាដែលទើបបញ្ចប់ការសិក្សាពីប្រទេសបារាំង។
ក្នុងឱកាសនេះដែរ បណ្ឌិតសភាចារ្យ រដ្ឋមន្ត្រីបានលើកឡើងនូវអនុសាសន៍ចំនួន ៤ ដូចជា៖
១, ការឱ្យតម្លៃនូវចំណេះដឹងដើម្បីចូលរួមក្នុងការអភិវឌ្ឍប្រទេសជាតិ
២. ការសិក្សាពេញមួយជីវិត
៣. ជួយទៅដល់អ្នកមិនទទួលបានឱកាសក្នុងការទទួលបានការអប់រំប្រកបដោយគុណភាព
៤. បន្ដចែករំលែកជាមួយអ្នកនៅជុំវិញខ្លួននូវចំណេះដឹងដែលខ្លួនមាន។
គួរបញ្ជាក់ថា ជារៀងរាល់ឆ្នាំ រាជរដ្ឋាភិបាលបារាំង តាមរយៈស្ថានទូតបារាំងប្រចាំនៅប្រទេសកម្ពុជា បានផ្ដល់អាហារូបករណ៍ដល់និស្សិតឆ្នើមកម្ពុជា សម្រាប់បន្តការសិក្សានៅប្រទេសបារាំង នៅលើជំនាញមួយចំនួនរួមមាន៖ នីតិសារធារណៈ និងនីតិអន្តរជាតិ សេដ្ឋកិច្ច ភាសាវិទ្យា ប្រវត្តិវិទ្យា បុរាណវិទ្យា នរវិទ្យា បរិស្ថានវិទ្យា វិទ្យាសាស្ត្រវិស្វកម្ម មេកាត្រូនិច ទូរគមនាគមន៍និងបណ្តាញ វិស្វកម្មថាមពល វិស្វកម្មឧស្សាហកម្ម ឬ វិស្វកម្មចំនីអាហារ វិស្វកម្មទឹក និងបរិស្ថាន សិល្បៈ ឌីស្សាញ ការច្នៃម៉ូត តន្ត្រី ស្ថាបត្យកម្ម និងជំនាញ3D ជាដើម៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត