ព័ត៌មានជាតិ
មន្ត្រីជាន់ខ្ពស់ គ.ជ.ប ៖ បណ្ណព័ត៌មានអ្នកបោះឆ្នោត មិនអាចប្រើជំនួសអត្តសញ្ញាណប័ណ្ណ ក្នុងការបោះឆ្នោតបានឡើយ
មន្ត្រីជាន់ខ្ពស់ គ.ជ.ប បានបញ្ជាក់ថា បណ្ណព័ត៌មានអ្នកបោះឆ្នោត មិនអាចប្រើជំនួសអត្តសញ្ញាណប័ណ្ណសញ្ជាតិខ្មែរ (អ.ខ) ក្នុងការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣ បានឡើយ។

ក្នុងកិច្ចប្រជុំផ្សព្វផ្សាយជាមួយភាគីពាក់ព័ន្ធ ស្ដីពី ការរៀបចំ និងការផលិតបណ្ណព័ត៌មានអ្នកបោះឆ្នោត សម្រាប់ការបោះឆ្នោតជ្រើសតាំង តំណាងរាស្រ្ដ នីតិកាលទី ៧ លោក ឯម សូផាត សមាជិក គ.ជ.ប បានឲ្យដឹងថា ការចែកបណ្ណព័ត៌មានអ្នកបោះឆ្នោត ជូនប្រជាពលរដ្ឋតាមភូមិនានាក្នុងឃុំ-សង្កាត់ ចាប់ពីថ្ងៃទី ២៨ ខែឧសភា ឆ្នាំ ២០២៣ រហូតដល់ថ្ងៃទី ២៦ ខែមិថុនា ឆ្នាំ ២០២៣។

លោកថា គោលបំណងនៃការចែកបណ្ណព័ត៌មាននេះ គឺជួយផ្ដល់ព័ត៌មានគ្រប់គ្រាន់ដល់អ្នកបោះឆ្នោត ដែលមានឈ្មោះក្នុងបញ្ជីបោះឆ្នោតផ្លូវការ បានយល់ដឹងអំពីកាលបរិច្ឆេទ និងពេលវេលានៃការបោះឆ្នោត លេខកូដ និងទីតាំងការិយា ល័យបោះឆ្នោត លេខរៀង ឈ្មោះ និងទិន្នន័យអ្នកបោះឆ្នោតក្នុងបញ្ជីបោះឆ្នោត និងប្រភេទឯកសារបញ្ជាក់អត្តសញ្ញាណផ្លូវការ ដែលត្រូវប្រើនៅពេលបោះឆ្នោត។

ក្នុងនោះ ក៏ដើម្បីបង្កភាពងាយស្រួលដល់អ្នកបោះឆ្នោត ក្នុងការរកឃើញការិយាល័យបោះឆ្នោត ដែលសាមីខ្លួនត្រូវបោះឆ្នោត និងបង្កភាពងាយស្រួលដល់លេខាធិការ គណៈកម្មការិយាល័យបោះឆ្នោត ក្នុងការរកឃើញឈ្មោះអ្នកបោះឆ្នោតភ្លាមៗ ដើម្បីឲ្យអ្នកបោះឆ្នោតអាចបោះឆ្នោតបានចាប់រហ័ស។ ម្យ៉ាងទៀត ក៏អាចឲ្យសាមីខ្លួនរក្សាទុកសម្រាប់ផ្ទៀងផ្ទាត់ឈ្មោះ និងទិន្នន័យ នៅក្នុងការពិនិត្យបញ្ជីឈ្មោះបោះឆ្នោតនៅឆ្នាំបន្ទាប់។
បណ្ណព័ត៌មានអ្នកបោះឆ្នោតឆ្នាំ ២០២៣ មានលក្ខខណៈខុសប្លែកពីឆ្នាំមុនៗ ដោយ គ.ជ.ប បានបញ្ចូលបន្ថែមរូបថតសាមីអ្នកបោះឆ្នោត ទៅក្នុងផ្នែកខាងមុខនៃបណ្ណ ដើម្បីងាស្រួលក្នុងការត្រួតពិនិត្យផ្ទៀងផ្ទាត់ អត្តសញ្ញាណរបស់អ្នកបោះឆ្នោត។
សមាជិក គ.ជ.ប លោក ឯម សូផាត បានបញ្ជាក់ថា ចំនួនបណ្ណព័ត៌មានអ្នកបោះឆ្នោត ដែល គ.ជ.ប ត្រូវបោះពុម្ព គឺស្មើនឹងចំនួនអ្នកបោះឆ្នោត ដែលមានក្នុងបញ្ជីបោះឆ្នោតផ្លូវការឆ្នាំ ២០២៣ ដែលនឹងត្រូវប្រើសម្រាប់ការបោះឆ្នោត ជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣ ដែលមានចំនួន ៩,៧១០,៦៥៥សន្លឹក។
លោកបញ្ជាក់ទៀតថា បណ្ណព័ត៌មានអ្នកបោះឆ្នោតនេះ មិនអាចប្រើជំនួសអត្តសញ្ញាណប័ណ្ណសញ្ជាតិខ្មែរ (អ.ខ) ឬឯកសារបញ្ជាក់បម្រើឲ្យការបោះឆ្នោត (ឯ.អ) ក្នុងការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣ បានឡើយ។
សូមជម្រាបថា ការបោះឆ្នោតជ្រើសតាំង តំណាងរាស្រ្ដ នីតិកាលទី ៧ នឹងប្រព្រឹត្តិទៅនៅថ្ងៃទី ២៣ ខែកក្កដា ឆ្នាំ ២០២៣។ ប្រជាពលរដ្ឋខ្មែរ ដែលមានអាយុចាប់ពី ១៨ឆ្នាំឡើងទៅ ហើយមានឈ្មោះក្នុងបញ្ជីបោះឆ្នោតផ្លូវការ អាចទៅបោះឆ្នោតបាន ដោយគ្រាន់តែយកអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណ៕
អត្ថបទ៖ ឃួន សុភ័ក្រ
-
ព័ត៌មានជាតិ១២ ម៉ោង មុន
តើធ្វើដូចម្ដេចទើបរៀនភាសាអង់គ្លេស ឆាប់ចេះអាន និយាយ និងសរសេរបានល្អ?
-
ព័ត៌មានជាតិ៧ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ១ សប្តាហ៍ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
សន្តិសុខសង្គម៥ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ១ សប្តាហ៍ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានអន្ដរជាតិ២ ថ្ងៃ មុន
ហេតុផល ៥យ៉ាង ដែលព្រលានយន្តហោះឡាវ មិនមានជើងហោះហើរត្រង់ទៅកាន់អឺរ៉ុប
-
សន្តិសុខសង្គម៥ ថ្ងៃ មុន
អគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន
-
ព័ត៌មានអន្ដរជាតិ៥ ថ្ងៃ មុន
តើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ