ព័ត៌មានជាតិ
បណ្ឌិត យ៉ង សាំងកុមារ ណែនាំនិស្សិតស្ម័គ្រចិត្តឲ្យខិតខំបំពេញការងារតាម ៥ជំហាន ដើម្បីមានឱកាសក្លាយជាមន្រ្តីកសិកម្មឃុំ
លោកបណ្ឌិត យ៉ង សាំងកុមារ រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានណែនាំនិស្សិតស្ម័គ្រចិត្តឲ្យខិតខំបំពេញការងារតាម ៥ជំហានសំខាន់ៗ ហើយនៅពេលអនុវត្តជោគជ័យ អាចមានឱកាសក្លាយជាមន្រ្តីកសិកម្មឃុំ នាពេលខាងមុខ។
ការណែនាំនេះ នៅពេលដែលលោកបណ្ឌិត យ៉ង សាំងកុមារ បានអញ្ជើញជាអធិបតីក្នុងពីធីចែកវិញ្ញាបនបត្រ និងបិទវគ្គបណ្តុះបណ្តាល ស្តីពី ផលិតកម្មគ្រាប់ពូជស្រូវ និងស្រូវចំណី។ ពិធីនេះធ្វើឡើងនៅសាកលវិទ្យាល័យភូមិន្ទកសិកម្ម នារសៀលថ្ងៃទី ២៣ ខែឧសភា ឆ្នាំ ២០២៣ ដោយមាននិស្សិតស្ម័គ្រចិត្តចូលរួមប្រមាណ ២០០នាក់។
នៅក្នុងឱកាសនោះ លោកបណ្ឌិត យ៉ង សាំងកុមារ បានវាយតម្លៃចំពោះលទ្ធផលដ៏ល្អរបស់និស្សិតទាំងអស់ ដែលបានខិតខំប្រឹងប្រែងយកចិត្តទុកដាក់រៀនសូត្រ រហូតទទួលបានជោគជ័យគ្រប់គ្នា នាពេលនេះ។ ជាមួយគ្នានេះ លោកបណ្ឌិតបានណែនាំនិស្សិតស្ម័គ្រចិត្តទាំងអស់ ឲ្យខិតខំបំពេញការងារតាម ៥ ជំហានដូចខាងក្រោម៖
១) ជួយប្រមូលទិន្នន័យទាក់ទងស្ថានភាពផលិតកម្មស្រូវពូជ និងស្រូវចំណី
២) ជួយដល់សហគមន៍ក្នុងការរៀបចំផែនការផលិតស្រូវពូជ និងស្រូវចំណី
៣) គាំទ្រសហគមន៍ក្នុងការផលិតស្រូវពូជសុទ្ធល្អ និងស្រូវចំណី ដែលប្រើពូជសុទ្ធល្អដើម្បីផ្គត់ផ្គង់មករោងម៉ាស៊ីតាមកិច្ចសន្យាទីផ្សារ
៤) ធ្វើការសិក្សាវាយតម្លៃលើការអនុវត្តការងារផលិតកម្ម និងការអនុវត្តកិច្ចសន្យាកសិកម្ម
៥) រៀបចំរបាយការណ៍អំពីបទពិសោធន៍ និងមេរៀនទទួលបានពីការងារជាមួយសហគមន៍។
បើតាមលោករដ្ឋមន្រ្តីប្រតិភូអមនាយករដ្ឋមន្រ្តី នៅពេលក្រុមនិស្សិតអនុវត្ត ៥ចំណុចខាងលើនេះ ទទួលបានជោគជ័យ អាចមានឱកាសក្លាយជាមន្រ្តីកសិកម្មឃុំនៅឆ្នាំ ២០២៤ខាងមុខនេះ។ លោកបណ្ឌិត យ៉ង សាំងកុមារ បានឲ្យដឹងដែរថា «សម្រាប់ផែនការពង្រាយមន្រ្តីកសិកម្មគ្រប់ឃុំទូទាំងប្រទេស យើងគ្រោងចាប់ផ្ដើមពីឃុំដែលសម្បូរស្រូវមុនគេ»៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ