ខ្យល់កន្ត្រាក់វាយប្រហារស្រុកស្រីសន្ធរ បណ្តាលឲ្យផ្ទះ៥ខ្នងដួលរលំ និងរងរបួសមនុស្ស៨នាក់

ក្រោយភ្លៀងមួយមេធំ លាយឡំជាមួយខ្យល់កន្ត្រាក់ក្នុងស្រុកស្រីសន្ធរ បណ្តាលឲ្យផ្ទះពលរដ្ឋចំនួន៥ខ្នងបានដួលរលំ និងបណ្តាលឲ្យមនុស្សស្រីប្រុស៨នាក់រងរបួសធ្ងន់។

នៅវេលាម៉ោង៤រសៀល ថ្ងៃទី២៤ ខែឧសភា ឆ្នាំ២០២៣ មានខ្យល់កន្ត្រាក់ និងភ្លៀងមួយមេបានធ្វេីឲ្យផ្ទះរបស់ប្រជាពលរដ្ឋចំនួន៥គ្រួសាររស់នៅក្នុងភូមិទ្រារស ឃុំខ្នារស ស្រុកស្រីសន្ធរ បានបាក់ដួលដល់ដី និងមានផ្ទះពលរដ្ឋមួយចំនួនទៀតត្រូវខ្យល់បក់ឲ្យរប៉ើងស័ង្កសី។ ទន្ទឹមនឹងនេះដែរ យោងតាមរបាយការណ៍របស់អាជ្ញាធរមូលដ្ឋានបានឲ្យដឹងថា មានមនុស្សស្រីប្រុសចំនួន៨នាក់ ទទួលរងគ្រោះថ្នាក់ ដោយរងរបួសធ្ងនធ្ងរ ប៉ុន្តែមិនបណ្តាលឲ្យមនុស្សបាត់បង់អាយុជីវិតឡេីយ៕

អត្ថបទ៖ ឡេក ចាន់ពេជ្រ