ព័ត៌មានជាតិ
មន្ត្រីអភិរក្សផ្នែកបរិស្ថានរួមជាមួយប្រជាសហគមន៍បង្កើតតំបន់សត្វស្លាបរស់នៅឲ្យក្លាយជាកន្លែងទេសចរណ៍
មន្ត្រីអភិរក្សផ្នែកបរិស្ថាន សហការជាមួយសហគមន៍បុរីអូរស្វាយ បង្កើតតំបន់សុវត្ថិភាពសម្រាប់ជម្រកសត្វស្លាបរស់នៅ ព្រោះនៅភូមិសាស្ត្រនេះ មានពពូកសត្វក្អែកទឹក និងសត្វស្មោញជាច្រើនម៉ឺនក្បាល បានមករស់នៅក្នុងព្រៃតំបន់រ៉ាមសារតាមដងទន្លរមេគងលើ និងកែប្រែតំបន់នេះ ឲ្យក្លាយជាកន្លែងទេសចរណ៍ទេសចរណ៍ធម្មជាតិផងដែរ។

លោក ឈន ឆន អនុប្រធានការរិយាល័យអភិរក្សធនធានធម្មជាតិនៃមន្ទីរបរិស្ថានខេត្តស្ទឹងត្រែងបានបញ្ជាក់ថា៖ ឆ្នាំនេះមានពពួកសត្វស្លាប់គ្រប់ប្រភេទជាពិសេសសត្វក្អែកទឹកហើរឡើង មករស់នៅតំបន់រ៉ាមសារវិញ បន្ទាប់ពីបាត់វត្តមានអស់រយៈពេលជាច្រើនឆ្នាំមកនោះ។
លោកបន្តថា៖ ជាមួយគ្នានេះប្រជាសហគមន៍នេសាទមានមូលដ្ឋានរស់នៅតាមតំបន់រាមសារ សូមយកចិត្តទុកដាក់ជួយការអភិរក្សទាំងត្រីមេពូជនិងសត្វស្លាប់ ព្រោះអាជ្ញាធរនិងមន្ត្រីផ្នែកបរិស្ថានបានតំណត់ទីតាំងហាមឃាត់ច្បាស់លាស់ហើយ អញ្ចឹង ទេខាងពួកខ្ញុំមានផែនការរៀបចំកន្លែងណាមួយ ដែលសត្វស្លាប់នៅច្រើន ដូចជាសត្វត្រយ៉ងកស គឺមាននៅតំបន់រាមសានេះ សត្វក្ងោកអីក៍មាន អញ្ចឹងសំណូមពរឱ្យបងប្អូនប្រជាពលរដ្ឋក្នុងដែននេះ ដែលនេសាទក្នុងដែនមាន២១ភូមិក្នុងតំបន់រាមសានេះ សូមឱ្យគាត់ចូលរួមធ្វើយ៉ាងណាកន្លែងណា ដែលមានបក្សីក៍ដូចជាសត្វស្លាបយើងសូមឱ្យគាត់ចៀសឱ្យឆ្ងាយ ដើម្បីកុំឱ្យរំខានដោយសារសួរសម្លេង ក្តីសកម្មភាពអីផ្សេងៗ។

លោក ឈឹម វណ្ណរ៉ា ប្រធានសហគមន៍នេសាទបូរីអូរស្វាយបានបញ្ជាក់ថា៖ បញ្ហានេះជារឿយៗអាជ្ញាធរមូលដ្ឋានអំពាវនាវឱ្យប្រជាអ្នកនេសាទបង្កើនការអភិរក្សត្រីមេពូជនិងសត្វស្លាបទាំងនេះ ព្រោះវាជាសម្បត្តិធនធានរបស់យើងទាំងអស់គ្នា ដែលមាននៅក្នុងភូមិឃុំយើង។
លោកថា៖ ប្រការនេះបងប្អូនត្រូវឈប់កាប់ព្រៃលិចទឹក ឈប់បរបាញ់សត្វ ឈប់ប្រើឧបករណ៍ឆក់ត្រី ងាកមករក្សាទុកធនធានទាំងនេះសម្រាប់ឱ្យភ្ញៀវទេសចរមកទស្សនាសត្វស្លាបនៅតំបន់នេះ ទើបយើងរកប្រាក់ចំណូលពីវិស័យទេសចរណ៍បានដោយប្រយោល និងមានភាពយូរអង្វែងផង។

លោកជាវុទ្ធីប្រជាពលរដ្ឋនៅភូមិវើនសៀនបានបញ្ជាក់ថា៖បច្ចុប្បន្នប្រជាពលរដ្ឋយើងភ្ញាក់រលឹកច្រើន ព្រោះពួកគាត់បានងាកមកដាំដំណាំកសិកម្ម ខ្លះលក់ដូរចំណីអាហារនិងខ្លះទៀតធ្វើនេសាទជាលក្ខណៈគ្រួសារតែប៉ុណ្ណោះ។
សូមបញ្ជាក់ថា៖ តំបន់រ៉ាមសារដែលត្រូវអភិរក្សនេះមានផ្ទៃដី និងព្រៃឈើលិចទឹកចំនួន ១៤.៦០០ ហិកតាដែលមានពពួកសត្វស្លាបរស់នៅ៩៧ប្រភេទ និងត្រីចំនួនជាង១៣០ប្រភេទផងដែរ៕

អត្ថបទ៖ ងិនលីម
-
ព័ត៌មានជាតិ១២ ម៉ោង មុន
តើធ្វើដូចម្ដេចទើបរៀនភាសាអង់គ្លេស ឆាប់ចេះអាន និយាយ និងសរសេរបានល្អ?
-
ព័ត៌មានជាតិ៧ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ១ សប្តាហ៍ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
សន្តិសុខសង្គម៥ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ១ សប្តាហ៍ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានអន្ដរជាតិ២ ថ្ងៃ មុន
ហេតុផល ៥យ៉ាង ដែលព្រលានយន្តហោះឡាវ មិនមានជើងហោះហើរត្រង់ទៅកាន់អឺរ៉ុប
-
សន្តិសុខសង្គម៥ ថ្ងៃ មុន
អគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន
-
ព័ត៌មានអន្ដរជាតិ៥ ថ្ងៃ មុន
តើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ