ព័ត៌មានជាតិ
សម្ដេចតេជោ៖ ធ្វើកសិកម្មតែមួយមុខមិនអាចឱ្យប្រទេសក្លាយជាអ្នកមានបាននោះឡើយ
នៅព្រឹកមិញនេះសម្ដេចតេជោ ហ៊ុន សែន បានអញ្ជើញជួបសំណេះសំណាលសួរសុខទុក្ខដល់បងប្អូនកម្មករ កម្មការិនី ប្រមាណ ១៩ ០០០នាក់ នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ។
![](https://www.kampucheathmey.com/wp-content/uploads/2023/05/349342999_286238503828584_8562671948557637307_n-1024x683.jpg)
ថ្លែងក្នុងឱកាសនោះ សម្តេចតេជោបានលើកឡើងពីការដាក់ចេញគោលការណ៍នាពេលកន្លងមក ដែលជាប្រយោជន៍សម្រាប់កម្មករ និយោជិតជាបន្តបន្ទាប់។
ដោយឡែកជុំវិញការអភិវឌ្ឍសេដ្ឋកិច្ច ប្រមុខរដ្ឋាភិបាលបានលើកឡើងថា កម្ពុជាត្រូវធ្វើពិពិធកម្មសេដ្ឋកិច្ចដោយមិនអាចពឹងផ្អែកលើការធ្វើកសិកម្មតែមួយមុខ ដើម្បីធ្វើឱ្យប្រទេសក្លាយជាអ្នកមាន។ ដោយសារតែមើលឃើញបែបនេះ ទើបសម្តេចប្រឹងប្រែងទាក់ទាញការវិនិយោគពីខាងក្រៅប្រទេសជំរុញវិស័យឧស្សាហកម្ម។
សម្តេចតេជោ ហ៊ុន សែន ក៏ជំរុញឲ្យថ្នាក់ដឹកនាំខេត្តនីមួយៗត្រូវប្រឹងប្រែងទាក់ទាញការវិនិយោគបន្ថែមទៀត ខណៈដែលរាជរដ្ឋាភិបាលបានសាងសង់ហេដ្ឋារចនាសម្ព័ន្ធតភ្ជាប់រួចរាល់ហើយ។
បើតាមប្រមុខរដ្ឋាភិបាល ក្នុងរយៈពេល ៤ ខែ ឆ្នាំ២០២៣ ទំហំនៃការនាំចេញរបស់កម្ពុជា មានទឹកប្រាក់ ៧ ពាន់ ៣៣១លានដុល្លារ ខណៈខែមេសាទំហំនាំចេញមានទឹកប្រាក់ ១,៨៤២ លានដុល្លារ។
សម្តេចតេជោនាយករដ្ឋមន្ត្រីក៏បានរំលឹកពីគុណតម្លៃនៃសន្តិភាពបើគ្មានសន្តិភាពគឺគ្មានការវិនិយោគ ហើយបើគ្មានការវិនិយោគ កម្មករនិយោជិតទាំងអស់ នឹងនៅធ្វើស្រែចម្ការជាមួយឪពុកម្តាយ។ សម្តេចតេជោបានមានប្រសាសន៍បន្តទៀតថា ដើម្បីសុខដុមក្នុងរោងចក្រ គឺត្រូវតែមានការរួមគ្នារវាងថៅកែរោងចក្រ និងកម្មករ ឲ្យបានជាពិសេសដោះស្រាយទំនាស់រវាងកម្មករ និងម្ចាស់រោងចក្រ។
ជាថ្មីម្តងទៀត ប្រមុខរដ្ឋាភិបាលក៏បានអំពាវនាវឱ្យថៅកែរោងចក្រនានា យកចិត្តទុកដាក់បណ្តុះបណ្តាលលើកកម្ពស់សមត្ថភាពរបស់កម្មករ និយោជិត និងខិតខំដោះស្រាយទំនាស់នៅតាមរោងចក្រឱ្យបានលឿនកុំចិញ្ចឹមទំនាស់ទុក៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ