ព័ត៌មានជាតិ
តើគោលនយោបាយសារពើពន្ធ មានន័យដូចម្តេច?
គោលនយោបាយសារពើពន្ធ សំដៅលើការយកពន្ធ និងវិធីរកចំណូលផ្សេងៗទៀត និងចំណាយរបស់រដ្ឋ ដោយបែងចែកធនធានសេដ្ឋកិច្ចក្នុងគោលបំណងជំរុញឱ្យមានកំណើនសេដ្ឋកិច្ចប្រកបដោយចីរភាពនិងសមធម៌។ ដើម្បីលើកកម្ពស់ប្រសិទ្ធភាពគោលនយោបាយសារពើពន្ធ រដ្ឋត្រូវអនុវត្តសកម្មភាពសំខាន់ៗដូចជា ប្រសិទ្ធភាពនៃការគ្រប់គ្រងនិងកៀរគរចំណូល និងការធ្វើវិចារណកម្មចំណាយ គឺបែងចែកចំណាយថវិការដ្ឋរវាងការប្រើ និងការវិនិយោគសាធារណៈឱ្យបានសមស្រប។
យោងតាមសៀវភៅសេដ្ឋកិច្ចថ្ងៃនេះ បានបញ្ជាក់ថា គោលនយោបាយសារពើពន្ធរបស់ប្រទេសនីមួយៗ គួរតែមានគោលដៅជាគោលការណ៍ចំនួនបួនគឺ៖ ១- ការបែងចែកធនធាន ២- ស្ថិរភាវូបនីយកម្ម ៣- កំណើន ៤- ការបែងចែកនៃប្រាក់ចំណូល នៃទ្រព្យសម្បត្តិឱ្យស្មើគ្នា។
ជាទូទៅ រដ្ឋាភិបាលតែងប្រើឧបករណ៍ពីរយ៉ាងរបស់គោលនយោបាយសារពើពន្ធនេះ ដើម្បីជំរុញកំណើនសេដ្ឋកិច្ច។
ទី. អត្រាពន្ធ៖ ការឡើងចុះនៃអត្រាពន្ធនេះ គឺមានសារៈសំខាន់ខ្លាំងណាស់នៅក្នុងការគ្រប់គ្រងហានិភ័យសេដ្ឋកិច្ចឬការកៀរគរចំណូលបន្ថែមជូនរដ្ឋ ដើម្បីដោះស្រាយបញ្ហាឱនភាពថវិកា។ នៅពេលដែលរដ្ឋចាប់ផ្តើមបន្ធូរបន្ធយអត្រាពន្ធ នោះវានឹងធ្វើឱ្យចំណូលដុលរបស់ប្រជាពលរដ្ឋមានការកើនឡើងកើនផងដែរ។ តាមលំនាំនេះ វានឹងធ្វើឱ្យមានការកើនឡើងនៃសេចក្តី ត្រូវការដែលនឹងនាំឱ្យមានការវិនិយោគ បង្កើតការងារ និងជំរុញកំណើនសេដ្ឋកិច្ច។
ទី២. ការចំណាយសាធារណៈរបស់រដ្ឋ៖ នៅពេលដែលចំណាយរបស់រដ្ឋមានការកើនឡើង ទៅលើការកសាងរហេដ្ឋារចនាសម្ព័ន្ធសេដ្ឋកិច្ច និងគម្រោងអភិវឌ្ឍផ្សេងៗ នោះវានឹងរុញសេចក្តីត្រូវការឱ្យកើនឡើងមួយផ្នែកផងដែរ ដែលនឹងបង្កើតចំណូលជូនប្រជាពលរដ្ឋ តាមរយៈការបង្កើតការងារ ហើយចំពោះការចំណាយជាសាធារណៈនេះ គឺជាគោលនយោបាយមួយដើម្បីស្តារសេដ្ឋកិច្ច ដែលកំពុងជាប់គាំងឬមានវិបត្តិដែលមិនអាចដោះស្រាយបានតាមយន្តការទីផ្សារ។ ដោយហេតុថា វាអាចនឹងបង្កើតការងារ កាត់បន្ថយនិកម្មភាព និងរុញសេដ្ឋកិច្ចឱ្យដំណើរការឡើងវិញ។
ប៉ុន្តែការប្រើគោលនយោបាយទាំងអស់នេះ គឺត្រូវធ្វើឡើង ដោយប្រុងប្រយត្នបំផុត ចៀសវាងបង្កើតឱ្យមានសម្ពាធទៅលើអតិផរណា ដែលនឹងប៉ះពាល់មកវិញនូវកម្រិតជីវភាពប្រជាជន៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ