ព័ត៌មានជាតិ

សកម្មជនបក្សភ្លើងទៀនមួយគ្រួសារអស់ជំនឿលើបក្សសម្រេចចិត្តផ្ដួលស្លាកបក្សមុខផ្ទះចោល

បានផុស

៣ years មុន

នៅ

ថ្ងៃព្រហស្បតិ៍ ២២ មិថុនា ២០២៣

ដោយ

កំពង់ចាម ៖ អតីតសកម្មជនបក្សភ្លើងទៀន មួយគ្រួសារអស់ជំនឿជឿលើការដឹកនាំរបស់មេបក្សភ្លើងទៀន បានសម្រេចចិត្តទម្លាក់ស្លាកមុខផ្ទះចោលតែម្តង។

នៅរសៀល ថ្ងៃទី២២ ខែមិថុនា ឆ្នាំ២០២៣ លោក ប៉ក់ លាង អាយុ៥៥ឆ្នាំ និងមានប្រពន្ធឈ្មោះ សៅ អិត អាយុ៤៥ឆ្នាំ រស់នៅភូមិរកាកោង ឃុំល្វេ ស្រុកកោះសូទិន ខេត្តកំពង់ចាម អស់ជំនឿ និងឈប់ជឿការដឹកនាំរបស់មេបក្សភ្លើងទៀនគឺ លោក សម រង្សី ដោយពួកគាត់បានសម្រេចចិត្តទម្លាក់ស្លាកគណបក្សភ្លើងទៀននៅមុខផ្ទះចោលតែម្តង។ គ្រួសារលោក ប៉ក់ លាង បានបញ្ជាក់ប្រាប់ថា គ្មានប្រយោជន៍ទៀតទេសម្រាប់ ការដឹកនាំ របស់ លោក សម រង្សី ដែលមិនការទទួលខុសចំពោះសកម្មជនរបស់ខ្លួន រត់ចោលស្រុក និងប្រើប្រាស់នយោបាយបោកប្រាស់ ជាច្រើនឆ្នាំមកហើយ។

ដោយមើលឃើញពីទង្វើរបស់មេដឹកនាំក្បត់ជាតិបីជំនាន់ ធ្វើឲ្យពួកគាត់សម្រេចចិត្តលាឈប់ និងទម្លាក់ស្លាកគណបក្សភ្លើងទៀនចោល មកចូលរួមជីវភាពនយោបាយជាមួយគណបក្សប្រជាជនកម្ពុជាវិញចាប់ពីពេលនេះតទៅ។

បច្ចុប្បន្ន និងទៅអនាគតមានតែគណបក្សប្រជាជនកម្ពុជាមួយគត់ ដែលនាំសុខសន្តិភាព និងការអភិវឌ្ឍន៍ពិតៗមកជូនប្រជាជនគ្រប់ពេលវេលាគ្រប់កាលៈទេសៈ ដោយមិនទុកចោលនរណាម្នាក់រស់នៅឯកោឡើយ៕

អត្ថបទនិងរូបភាព ៖ ឡេក ចាន់ពេជ្រ