ព័ត៌មានជាតិ
តើក្មេងអាយុក្រោម ១៤ឆ្នាំ ប្រព្រឹត្តបទល្មើសដុតផ្ទះគេ ទទួលទោសបែបណា?
បទល្មើសរដ្ឋប្បវេណីបុគ្គលខ្លះជាអ្នកប្រព្រឹត្ត តែត្រូវបុគ្គលខ្លះទៀតជាអ្នកទទួលទោសជំនួស។ ឧទាហរណ៍ថា ក្មេងអាយុក្រោម ១៤ឆ្នាំ បានប្រព្រឹត្តបទល្មើសដុតផ្ទះរបស់គេ។ បុគ្គលដែលប្រព្រឹត្តនេះ មិនត្រូវបានទទួលទោសនោះទេ ប៉ុន្តែអាណាព្យាបាល ត្រូវតែទទួលខុសត្រូវសំណងរដ្ឋប្បវេណីពីអំពើដែលក្មេងនេះ បានធ្វើ មានន័យថា អ្នកជំនួស។ នេះបើតាមការបញ្ជាក់របស់លោកបណ្ឌិត ឯក ឆេងហួត សមាជិកបម្រុងនៃរាជបណ្ឌិត្យសភាកម្ពុជា។
លោកបណ្ឌិត ឯក ឆេងហួត បានបន្តដូច្នេះថា« ករណីនេះ យើងជំនួសបានតែរឿងសំណងទេ តែបើគាត់ពេញសិទ្ធិនៅក្នុងអាយុទទួលខុសត្រូវទោសព្រហ្មទណ្ឌ គឺអត់មាននរណាមួយទៅជំនួសគាត់បានទេ អ្នកណាធ្វើអ្នកណឹងទទួលខុសត្រូវ»។
លោកបន្ថែមទៀតថា នីតិបុគ្គល គេមិនអាចចោទប្រកាន់ ផ្តន្ទាទោស ឬចាប់ដាក់គុកបានទេ ពោលគឺគេត្រូវរកឱ្យឃើញអំពីនីតិបុគ្គលនេះ ថាតើកំហុសយ៉ាងណា ព្រោះការចាប់កំហុសនីតិបុគ្គល បានត្រឹមតែផ្គន្ទាទោសពិន័យជាប្រាក់ប៉ុណ្ណោះ។
សូមបញ្ជាក់ថា នីតិបុគ្គល គឺជាបុគ្គលដែលច្បាប់កម្រិតបង្កើតមក សម្រាប់បម្រើគោលដៅ និងប្រយោជន៍រួមរបស់បុគ្គលមួយក្រុម ឬរបស់សង្គមមួយ។ ដូច្នេះបើគ្មានច្បាប់ចែងថា ជានីតិបុគ្គលទេ បុគ្គលមួយក្រុមនោះគ្រាន់តែជាក្រុមមនុស្សមួយក្រុមតែប៉ុណ្ណោះ។ គេអាចឱ្យនិយមន័យម្យ៉ាងទៀតថា ជាអង្គភាពដែលមិនមែនជារូបវន្តបុគ្គល (បុគ្គលម្នាក់ៗ) ដែលមានអត្ថិភាពដូចបុគ្គលដាច់ដោយឡែកនៅក្រោមច្បាប់ ហើយមានសិទ្ធិ និងករណីកិច្ចស្របច្បាប់ដូចរូបវន្តបុគ្គលដែរ ដូចជា មានឈ្មោះ មានអាសយដ្ឋាន មានធនធាន មានសម្ថភាពប្តឹងគេ និងអាចត្រូវគេប្តឹងដែរ។
ចំណែក រូបវន្តបុគ្គល គឺសំដៅទៅលើបុគ្គល ដែលមានសមត្ថភាពតាមផ្លូវច្បាប់ដែលអាចក្លាយជាប្រធាននៃសិទ្ធិ និង កាតព្វកិច្ច។ ហើយប្រធាននៃសិទ្ធិ និង កាតព្វកិច្ច កើតឡើងនៅពេលដែលបុគ្គលនោះចាប់កំណើត និងរលត់ទៅវិញ នៅពេលដែលបុគ្គលនោះបានស្លាប់។
ប៉ុន្តែ ដូចបានរៀបរាប់ខាងលើ ដើម្បីអាចឱ្យសិទ្ធិ និងកាតព្វកិច្ចរបស់បុគ្គលនោះ (រូបវន្តបុគ្គល) អាចអនុវត្តបាន លុះត្រាតែបុគ្គលនោះមានសមត្ថភាពទាំងបី ដែលរួមមាន៖ សមត្ថភាពទទួលសិទ្ធិ, សមត្ថភាពនៃឆន្ទៈ និងសមត្ថភាពនៃសកម្មភាព៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង