Connect with us

ព័ត៌មានជាតិ

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

បានផុស

នៅ

លោក ឃាង ភារ​ម្យ អ្នកនាំពាក្យ​សាលាខេត្ត​ព្រះសីហនុ​បាន​ថ្លែងប្រាប់​កម្ពុជា​ថ្មី​ថា មកដល់ពេលនេះ ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ធ្យូងថ្ម​ចំនួន​៤​រោងចក្រ ដែលមាន​អនុភាព​ផលិត​អគ្គិសនី​បាន​២៣៥ មេ​ហ្គា​វ៉ា​ត់ និង​៣៧៧ មេ​ហ្គា​វ៉ា​ត់​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃាង ភារ​ម្យ បានបញ្ជាក់​យ៉ាង​ដូច្នេះ​ថា “​នៅ​ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ធ្យូងថ្ម ចំនួន​២​ក្រុមហ៊ុន ស្មើនឹង​៤​រោងចក្រ គឺ​ក្រុមហ៊ុន CELI+II (​ក្រុមហ៊ុន​ខេ​ម​បូ​ឌា​ន អេ​នើ​ជី លីមីត​ធី​ត​) ស្ថិតនៅ​ឃុំ​អូរត្រេះ ស្រុក​ស្ទឹងហាវ ខេត្ត​ព្រះសីហនុ ផលិត​បាន​២៣៥ មេ​ហ្គា​វ៉ា​ត់ និង​ក្រុមហ៊ុន CIIDG I+II (​អេ​ឡិច​ត្រូ​និ​ច​ផៅ​វើ ខូ​អឺ​ល​ធី​ឌី​) ស្ថិតនៅ​ឃុំ​អូរត្រេះ ស្រុក​ស្ទឹងហាវ ខេត្ត​ព្រះសីហនុ ផលិត​បាន​៣៧៧ មេ​ហ្គា​វ៉ា​ត់​។

សូម​បញ្ជាក់ថា រោងចក្រ​អគ្គិសនី​ដើរ​ដោយ​ធ្យូងថ្ម របស់​ក្រុមហ៊ុន​ម៉ាឡេស៊ី Cambodian Energy II Co Ltd (CEL2) បានធ្វើការ​សាងសង់​កា​លពី​ឆ្នាំ​២០១៧ ក្នុង​ទំហំ​ទឹកប្រាក់​វិនិយោគ​ចំនួន​៦០០​លាន​ដុល្លារ​អាមេរិក ដែល​ក្នុងនោះ ក្រុមហ៊ុន​នេះ​បានជ្រើសរើស​ក្រុមហ៊ុន Toshiba Plant Systems & Services Corporation (TPSC) ជា​អ្នក​ដំឡើង និង​សាងសង់​ឧបករណ៍ ដែល​ផ្គត់ផ្គង់​ដោយ​ក្រុមហ៊ុន General Electric (GE)​។ បើតាម​លោក កែវ រតនៈ អគ្គនាយក​អគ្គិសនី​កម្ពុជា​បញ្ជាក់ថា រោងចក្រ​អគ្គិសនី​ដើរ​ដោយ​ធ្យូងថ្ម​មួយ​នេះ បាន​ប្រើប្រាស់​ម៉ាស៊ីន​របស់​ក្រុមហ៊ុន General Electric (GE) ដែលមាន​ទីស្នាក់ការ​នៅ​សហរដ្ឋអាមេរិក និង​ដំឡើង​ដោយ​ក្រុមហ៊ុន Toshiba របស់​ជប៉ុន​។

លោក ស៊ុយ សែម រដ្ឋមន្ត្រីក្រសួង​រ៉ែ និង​ថាមពល ធ្លាប់បាន​បញ្ជាក់​កាលពី​ថ្មីៗ​នេះ​ថា រហូតមកទល់​ពេលនេះ កម្ពុជា​បាន​ចុះ​កិច្ចព្រមព្រៀង​អភិវឌ្ឍន៍​ប្រភព​អគ្គិសនី​ចំនួន​១១ រួចហើយ ដោយ​មិនបាន​រាប់បញ្ចូល​ស្ថានីយ​អគ្គិសនី​ដើរ​ដោយ​ប្រេង​ខ្មៅ ដែលមាន​ស្រាប់​នោះទេ ហើយ​ប្រភព​អគ្គិសនី ដែល​ចុះ​កិច្ចព្រមព្រៀង​រួចហើយ​នេះ មួយចំនួន​បានដាក់​ឲ្យ​ដំណើរការ​រួចហើយ និង​មួយចំនួនទៀត កំពុងតែ​ស្ថិតក្នុង​ដំណាក់​ការសាងសង់​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

អគ្គនាយកអន្តោប្រវេសន៍ ប្រាប់មន្ត្រីជួយសម្រួលដល់ពលករដែលត្រឡប់ពីថៃឱ្យបានល្អ នាឱកាសចូលឆ្នាំខ្មែរ

ព័ត៌មានអន្ដរជាតិ១០ នាទី មុន

គ្រូពេទ្យភ្ញាក់ផ្អើល ក្រោយវះកាត់ឃើញដូងមួយផ្លែក្នុងរន្ធគូថបុរស តៃវ៉ាន់

ព័ត៌មានជាតិ១៥ នាទី មុន

ការដាក់ឱ្យដំណើរការរបបសន្តិសុខសង្គម ជាប្រវត្តិសាស្ត្រថ្មីមួយបន្ថែមទៀតសម្រាប់កម្ពុជា

ព័ត៌មានជាតិ២១ នាទី មុន

អ្នកសារព័ត៌មានដើរតួនាទីសំខាន់​​ ចូលរួម​​បញ្ជ្រាប​គោលនយោបាយ​​របបសន្តិសុខសង្គម​ដល់សាធារណៈជន

ព័ត៌មានជាតិ២៣ នាទី មុន

ប្រធានរដ្ឋសភាថៃ អះអាងថា នឹងជួយជំរុញអ្នកវិនិយោគថៃឲ្យមកបណ្ដាក់ទុនកាន់តែច្រើននៅកម្ពុជា

Sokha Hotels

ព័ត៌មានពេញនិយម