ព័ត៌មានជាតិ
សម្តេច ហ៊ុន សែន ប្រាប់ទៅអ្នកធ្វើតាមទណ្ឌិត សម រង្ស៊ី ឆាប់ចេញមកសារភាព មុនអាជ្ញាធរចាត់វិធានការច្បាប់
នៅល្ងាចនេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្តាំផ្ញើទៅកាន់ក្រុមអ្នកគាំទ្រទណ្ឌិត សម រង្ស៊ី កុំឲ្យមានភាពភ័យខ្លាច ហើយចេញមកសារភាពជាមួយអាជ្ញាធររឿងគូសសន្លឹកឆ្នោតចោល ហើយថតបង្ហោះទៅក្នុងគ្រុបតេឡក្រាមឈ្មោះថា«Sabai សប្បាយ»តាមការញុះញង់របស់ទណ្ឌិតរត់ចោលស្រុក។ បើសម្តេចតេជោ គឺពួកគេទាំងអស់ ត្រូវចេញមកសារភាពឲ្យបានលឿន មុនអាជ្ញាធរចាត់វិធានការច្បាប់។
តាមរយៈសារជាសំឡេងតាមតេឡេក្រាម សម្តេចតេជោ បានផ្តាំផ្ញើបែបនេះថា៖ «ខ្ញុំសូមស្នើកុំឲ្យមានការភ័យខ្លាច អ្នកអាចចេញមកធ្វើការសារភាពជាមួយនឹងអាជ្ញាធរ ជាមួយនឹងគណៈកម្មាធិការជាតិរៀបចំការបោះឆ្នោត ជាពិសេស ជាមួយនឹងអាជ្ញាធរ ព្រោះចលនាបំផ្លាញសន្លឹកឆ្នោត គឺជាបទល្មើសដែលត្រូវតែផ្តន្ទាទោស។ អ្នកដឹងខ្លួន សូមឲ្យប្រញាប់ប្រញាល់ចេញមកសារភាពជាមួយនឹងអាជ្ញាធរនៅកន្លែងដែលគៀកបំផុត បើមិនដូច្នោះទេ វិធានការផ្លូវច្បាប់ នឹងត្រូវបានប្រកាន់យកសម្រាប់អ្នកទាំងនោះ»។
គិតមកដល់ពេលនេះ អាជ្ញាធរកម្ពុជា បានកំណត់មុខសញ្ញាបុគ្គលនៅគ្រុបតេឡក្រាមឈ្មោះថា«Sabai សប្បាយ» ដល់ទៅ៤០នាក់ ដែលបានគូសសន្លឹកឆ្នោតចោល ហើយផ្ញើទៅឲ្យទណ្ឌិត សម រង្ស៊ី នៅឯប្រទេសបារាំង។ សម្រាប់សម្តេចតេជោ គ្មានអ្វីដែលជារឿងអាថ៌កំបាំងនោះទេ ដោយអ្នកទាំងអស់នោះ ធ្វើអ្វីក៏សម្តេចដឹងដែរ ហើយអាជ្ញាធរបានស្គាល់មុខពួកគេអស់ហើយថែមទៀតដែលសុទ្ធតែជាអ្នកនៅក្នុងប្រទេស។ ហេតុនេះហើយ ជម្រើសដែលល្អបំផុត គឺចេញមកសារភាពដោយខ្លួនឯងឲ្យបានលឿនជាទីបំផុត។
គណៈកម្មាធិការជាតិរៀបចំការបោះឆ្នោត(គ.ជ.ប) បានបង្ហាញឲ្យដឹងថា លទ្ធផលបណ្តោះអាសន្ននៃចំនួនអ្នកបោះឆ្នោតជ្រើសតាំងតំណាងរាស្រ្ត នីតិកាលទី៧ នៅថ្ងៃអាទិត្យនេះ គឺ៨ ២១៣ ២៦០នាក់ ស្មើ ៨៤,៥៨% ។ ចំនួននេះ គឺច្រើនជាងកាលពីបោះឆ្នោតនៅក្នុងឆ្នាំ២០២២ និងឆ្នាំ២០១៨កន្លងទៅ។ ប៉ុន្តែ សម្តេចនាយករដ្ឋមន្រ្តី ហ៊ុន សែន គូសបញ្ជាក់ថា ចំនួននេះ អាចនឹងមានការប្រែប្រួលបន្ថែមទៀត។
បើទោះបីលទ្ធផលបណ្តោះអាសន្ននៃអត្រាអ្នកទៅបោះឆ្នោតមានចំនួនច្រើនលើសលប់បែបនេះក៏ដោយ ក៏សម្តេចតេជោ នាយករដ្ឋមន្រ្តី នៅតែបន្តតាមដានទៀតថា តើសន្លឹកឆ្នោតដែលគូសចោលតាមការញុះញង់របស់ទណ្ឌិត សម រង្ស៊ី និងបក្ខពួកពីខាងក្រៅប្រទេសនោះ មានចំនួនប៉ុន្មាន។ សម្តេចតតេជោ ទំនងជាចង់យកឈ្នះចិត្តក្រុមប្រឆាំងជ្រុលនិយមទាំងនោះ ដែលអួតថា សន្លឹកឆ្នោតដែលគូសចោល នឹងមានច្រើនសន្ធឹក ហើយចាត់ទុកសន្លឹកឆ្នោតគូសចោលថា ជាសន្លឹកឆ្នោតគាំទ្រពួកគេ។
ត្រង់ចំណុចនេះ សម្តេចតេជោ ហ៊ុន សែន គូសបញ្ជាក់យ៉ាងដូច្នេះថា៖ «ឥឡូវយើងរង់ចាំមើល ថាតើមានសន្លឹកឆ្នោតដែលគូសខ្វែងប៉ុន្មានសន្លឹក ព្រោះមេដឹកនាំក្រុមជ្រុលនិយម បាននិយាយយ៉ាងច្បាស់ថា សន្លឹកឆ្នោតណាដែលគូសខ្វែង គឺជាសន្លឹកឆ្នោតដែលគាំទ្រពួកគេ»៕
ដោយ៖ វណ្ណ សុគន្ធា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ