ព័ត៌មានជាតិ

ប្រទេសឥណ្ឌូណេស៊ី មានបំណងទិញអង្ករពីកម្ពុជា

បានផុស

៣ years មុន

នៅ

ថ្ងៃសុក្រ ១១ សីហា ២០២៣

ដោយ

ប្រទេសឥណ្ឌូណេស៊ីមានបំណងទិញអង្ករពីកម្ពុជា ខណៈប្រតិភូនឹងមកពិភាក្សាលើករណីនេះក្នុងពេលឆាប់ៗខាងមុន ដើម្បីឈានទៅរកការនាំចេញអង្ករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមប្រសាសន៍លោក ចូកូ វីដូដូ ប្រធានាធិបតីឥណ្ឌូណេស៊ី ក្នុងជំនួបពិភាក្សាជាមួយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាតាមប្រព័ន្ធទូរសព្ទនារសៀលថ្ងៃទី១១ ខែសីហា ឆ្នាំ២០២៣។

លោកបានបន្ថែមថា បើសិនជាមានការអនុញ្ញាតពីសំណាក់សម្តេចតេជោ គណៈប្រតិភូឥណ្ឌូណេស៊ីនឹងមកពិភាក្សាលើករណីនេះ។

ជាការឆ្លើយតបសម្តេចតេជោ ហ៊ុន សែន បានថ្លែងអំណរគុណចំពោះលោក ចូកូ វីដូដូ ហើយបានសម្ដែងការស្វាគមន៍ចំពោះប្រតិភូ ដែលនឹងមកពិភាក្សាលើការនាំអង្ករចេញទៅប្រទេសឥណ្ឌូណេស៊ី ហើយសម្តេចបានលើកឡើងពីលទ្ធភាព ដែលអ្នកវិនិយោគឥណ្ឌូណេស៊ីអាចដាក់ទុនវិនិយោគ១០០% នៅកម្ពុជាលើការបង្កើតរោងម៉ាស៊ីនកិនស្រូវ ឃ្លាំងស្តុក និងបណ្តាញទិញពីប្រជាកសិករ ដើម្បីធានាស្ថេរភាពនៃការនាំចេញ៕