ព័ត៌មានជាតិ

បើកម៉ូតូ បុកបង្កាន់ដៃស្ពានអ្នកតាវាំងបាក់ករស្លាប់ភ្លាមៗ

បានផុស

៥ years មុន

នៅ

ថ្ងៃអាទិត្យ ៣១ មករា ២០២១

ដោយ

ពិតជាគួរឲ្យរន្ធត់និងមានការសោកស្តាយពីក្រុមគ្រួសារដែលបាត់បង់មនុស្សជាទីស្រឡាញ់តែមួយប៉ព្រិចភ្នែក។

ជាក់ស្តែងករណីគ្រោះថ្នាក់ចរាចរណ៍មួយបានកើតឡើងនៅលើស្ពានអ្នកតាវាំងតាមបណ្តោយផ្លូវ៣៦៩ភូមិព្រែកថ្មី១ សង្កាត់ព្រែកថ្មី ខណ្ឌច្បារអំពៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកចរា ចរណ៍បានឲ្យដឹងថា កាលពីវេលាម៉ោង២២និង៣០នាទីយប់ថ្ងៃទី៣០ ខែមករានេះ ជនរងគ្រោះ ឈ្មោះ នង វ៉ា ភេទប្រុសអាយុ៤២ឆ្នាំ មុខរបរបុគ្គលិកក្រុមCRY មានស្រុកកំណើតភូមិគោករកា ឃុំរាមអណ្តើក ស្រុកគីរីវង្ស ខេត្តតាកែវ បានជិះម៉ូតូម៉ាកស្កូបពី ពណ៌ក្រហម ពាក់ស្លាកលេខ ភ្នំពេញ ១BK ៤៤ ៩៤ បានបើកបរតាមបណ្តោយផ្លូវលេខ៣៦៩តែម្នាក់ឯងក្នុងទិសដៅពីកើតទៅលិច។លុះមកដល់ចំណុចស្ពានអ្នកតាវាំងស្ថិតនៅភូមិព្រែកថ្មី១បានរេដៃចង្កូតទៅបុកបង្កាន់ដៃស្ពានបណ្តាលឲ្យបោកក្បាលជាមួយទ្រូងផ្លូវបណ្តាលឲ្យបាក់ករស្លាប់ភ្លាមៗ។

តាមការសន្និដ្ឋានរបស់នគរបាលដោយមានការបញ្ជាក់ពីសាក្សីគឺករណីគ្រោះថ្នាក់ចរាចរណ៍នេះដោយសារជនរងគ្រោះបើកបរលឿនខ្វះការប្រុងប្រយ័ត្ន។ សពត្រូវបានក្រុមគ្រួសារបញ្ជូនទៅធ្វើបុណ្យនៅស្រុកកំណើតទាំងយប់ដោយគ្មានការប្តឹងប្តល់ឡើយ៕

អត្ថបទ ៖ នរា