ព័ត៌មានជាតិ
លោក ប៉ែន បូណា ត្រូវបានតែងតាំងជាប្រធានអង្គភាពអ្នកនាំពាក្យរាជរដ្ឋាភិបាល
ក្រោយទទួលបានការតែងតាំងជារដ្ឋមន្ត្រីប្រតិភូអមនាយករដ្ឋមន្ត្រី អ្នកកាសែតចាស់វស្សា លោក ប៉ែន បូណា ត្រូវបានឯកឧត្តមណ្ឌិត ហ៊ុន ម៉ាណែត ផ្តល់សេចក្តីទុកចិត្តតែងតាំងបន្ថែមជាប្រធានអង្គភាពអ្នកនាំពាក្យរាជរដ្ឋាភិបាល។ នេះបើតាមអនុក្រឹត្យ ចុះថ្ងៃទី២៥ ខែសីហា ឆ្នាំ២០២៣។
បើតាមរយៈសំណេរនៅលើបណ្ដាញសង្គមហ្វេសប៊ុក នាពេលកន្លងមក លោក ប៉ែន បូណា បានចាត់ទុកតំណែងក្នុងជួររាជរដ្ឋាភិបាល ជាមហាកិត្តិយស ប៉ុន្តែ ទន្ទឹមនឹងនោះក៏ជាអម្រែកដ៏ធ្ងន់សម្រាប់លោកដែរ។ តែទោះជាយ៉ាងណា លោក ប៉ែន បូណា បាទប្តេជ្ញាប្រឹងប្រែងឱ្យអស់ពីសមត្ថភាពក្នុងការបម្រើរាជរដ្ឋាភិបាល ក៏ដូចជាបម្រើជាតិមាតុភូមិ និងប្រជាពលរដ្ឋខ្មែរ ដើម្បីឱ្យស័ក្តិសមនឹងការទុកចិត្តរបស់ថ្នាក់ដឹកនាំ។
លោក ប៉ែន បូណា គឺជាអ្នកកាសែតជើងចាស់ មានបទពិសោធយូរឆ្នាំ ដែលបានប្រឡូកក្នុងវិស័យព័ត៌មាន តាំងពីឆ្នាំ ១៩៩០។ អតីតសិស្សសាលាកាសែតនៃសាកលវិទ្យាល័យភូមិន្ទភ្នំពេញ លោក ប៉ែន បូណា ធ្លាប់បានបម្រើការជាអ្នកកាសែតនៅស្ថាប័នល្បីៗជាច្រើន រួមមាន កាសែតបារាំង CAMBODGE SOIR ជានិពន្ធនាយកវិទ្យុបារាំងអន្តរជាតិ RFI និងជានាយកព័ត៌មានរបស់ទូរទស្សន៍ PNN។
លើសពីនេះ លោក ប៉ែន បូណា ក៏ជាអតីតប្រធានក្លិបអ្នកកាសែត ២អាណត្តិជាប់ៗគ្នា ក្នុងចន្លោះឆ្នាំ២០១៥ រហូតដល់ចុងឆ្នាំ២០២២ ទើបលោកបានលាលែងពីប្រធានក្លិបអ្នកកាសែតនេះ ដោយហេតុថា លោក ទទួលបានការតែងតាំងជារដ្ឋលេខាធិការក្រសួងព័ត៌មាន។
ជាការកត់សម្គាល់ រាជរដ្ឋាភិបាល អាណត្តិទី៧ ដឹកនាំដោយឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី បាន យកអ្នកជំនាញផ្នែកព័ត៌មានខ្លាំងៗជាច្រើនរូបឱ្យកាន់ការលើវិស័យព័ត៌មាន និងការងារនាំពាក្យ។ ជាក់ស្ដែង អ្នកកាសែតប្រកបដោយបទពិសោធន៍ លោក នេត ភក្ត្រា ត្រូវបានជ្រើសតាំងឱ្យកាន់តំណែងជារដ្ឋមន្ត្រីក្រសួងព័ត៌មាន លោក មាស សុភ័ណ្ឌ ត្រូវបានចាត់តាំងជាប្រធានក្រុមអ្នកនាំពាក្យនាយករដ្ឋមន្ត្រី ជាដើម៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ