ព័ត៌មានជាតិ
ក្រូចថ្លុងកោះពីរល្បីរហូតចុះបញ្ជីនៅក្រសួង ធ្លាក់ចុះទិន្នផល កសិករឲ្យមន្រ្តីជួយបច្ចេកទេសបន្ថែម
បើនិយាយទៅដល់ក្រូចថ្លុងកោះពីរ ច្បាស់ណាស់ថាមានមហាជនជាច្រើនបានដឹង និងបានសាកពីរសជាតិផ្អែមឆ្ងាញ់ និងមានភាពល្បីល្បាញពីទិន្នផលខ្ពស់។ ប៉ុន្តែបើតាមលោក លូង ហ៊ុន ប្រធានសមាគមអ្នកផលិត និងអាជីវកម្មក្រូចថ្លុងកោះពីរ ខេត្តត្បូងឃ្មុំ ទិន្នផលក្រូចថ្លុងកោះពីរបច្ចុប្បន្នកំពុងមានការធ្លាក់ចុះទិន្នផលជាខ្លាំង ដោយសារតែការប្រែប្រួលអាកាសធាតុផង និងសត្វល្អិតបំផ្លាញផង។
លោក លូង ហ៊ុន បានមានប្រសាសន៍ប្រាប់ «កម្ពុជាថ្មី» ឲ្យដឹងថា ប្រជាពលរដ្ឋដែលបានប្រកបរបរដាំដំណាំក្រូចថ្លុងកោះពីរ ក្នុងពេលបច្ចុប្បន្ននេះមិនសូវទទួលបានទិន្នផលល្អដូចមុននោះទេ ដោយសារទទួលរងនូវបញ្ហាប្រែប្រួលអាកាសធាតុ ដូចជាកង្វះខាតទឹក អាកាសធាតុក្ដៅជាងមុនផង និងដីមិនសូវមានជីវជាតិដូចមុនផង។ ជាងនេះទៀតក៏មានការរំខានពីពពួកសត្វល្អិត និងសារធាតុគីមីមួយចំនួនដែលមានការកើនឡើងពីមួយថ្ងៃទៅមួយថ្ងៃ។
«គេអាចគិតថាក្រូចថ្លុងជាដំណាំងាយស្រួលនៅក្នុងការដាំដុះ ប៉ុន្តែដំណាំមួយប្រភេទនេះ វាហាក់មិនងាយស្រួលនៅក្នុងការដាំដុះប៉ុន្មាននោះទេ ព្រោះវាក៏ត្រូវការការថែទាំ និងមានទឹកគ្រប់គ្រាន់ ក៏ដូចជាបច្ចេកទេសនៅក្នុងការដាំដុះផងដែរ»។ នេះបើតាមលោក លូង ហ៊ុន មុនបន្តថា «ដំណាំក្រូចនៅឃុំកោះពីរ បច្ចុប្បន្នហាក់ដូចជាខ្វះជីវជាតិមិនសូវល្អដូចពីមុន ព្រោះក្រូចភាគច្រើនមិនអាចទុំ ឬ ធំលូតលាស់ល្អ រហូតដល់ពេលប្រមូលផលឡើយ វាច្រើនតែជ្រុះ ឬគេហៅថាផ្លែទុំឈ្នួល ដោយសារបញ្ហាអាកាសធាតុផង ក៏ដូចជាការរំខានពីពពួកសត្វល្អិតចុចផង។ ប៉ុន្តែ នៅតំបន់ខ្លះដែលកសិករថែទាំបានល្អ ក៏អាចបានទិន្នផលខ្ពស់ដូចគ្នា»។
យ៉ាងណាមិញ បើទោះបីជាមានបញ្ហាអាកាសធាតុ ក៏ដូចជាសត្វល្អិតក៏ពិតមែន ប៉ុន្តែកសិករនៅតែអាចរក្សាបានរសជាតិផ្អែមឆ្ងាញ់ដូចមុន សម្រាប់នាំចេញទៅកាន់ទីផ្សារ។
ស្របពេលដែលទិន្នផលក្រូចមិនល្អដូចមុន លោកលូង ហ៊ុន បានលើកឡើងពីការបញ្ជាទិញនៅលើទីផ្សារ ហាក់មិនសមតម្លៃដូចគ្នា ដោយកសិករប្រមូលផលបាននាំចេញទៅកាន់ទីផ្សាររាជធានីភ្នំពេញ គឺអាចលក់បានតម្លៃចន្លោះពី ៥ម៉ឺន ទៅ ៦ម៉ឺនរៀលប៉ុណ្ណោះ ក្នុងមួយឡូ (១២ផ្លែ) ជាតម្លៃមួយហាក់មិនសូវសមស្របឡើយ»។
លោកលូង ហ៊ុន បានលើកពីដំណាំក្រូចថ្លុងនេះ ប្រសិនបើដាំដុះទទួលបានផលខ្ពស់ នោះវាពិតរួមចំណែកនៅក្នុងការលើកស្ទួយជីវភាពប្រជាពលរដ្ឋបានយ៉ាងល្អលើសពីតំណាំដទៃ ប៉ុន្តែក្នុងពេលបច្ចុប្បន្នអាចទទួលបាន ៥០/៥០ ប៉ុណ្ណោះ បានន័យថា ទិន្នផលក្រូចថ្លុងដែលប្រមូលនៅក្នុងពេលបច្ចុប្បន្នមានតិចតួចនិងពឹងទៅតាមយថាផល។
កសិករនៅឃុំកោះពីរភាគច្រើននិយមដាំពូជក្រូចថ្លុង ៣ ប្រភេទ មានប្រភេទទី១ ក្រូចផ្អែម, ទី២ ក្រូចថ្លុងធម្មតា ដែលមានជាតិជូរអែមលាយគ្នា និងធំជាងក្រូចថ្លុងផ្អែម និងទី៣ ក្រូចរយ។ កសិករក៏ធ្លាប់បានយកពូជក្រូចផ្សេងមកដាំដែរ តែមិនមានរសជាតិឆ្ងាញ់ និងខុសពីរសជាតិដើមទើបមិនសូវនិយមយកមកដាំវិញ។
ស្របពេលទិន្នផលក្រូចថ្លុងកោះពីរចេះមានការថយចុះជាងមុន ព្រមទាំងពលរដ្ឋមួយចំនួនធំនៅមិនទាន់បានយល់ដឹងច្បាស់ពីបច្ចេកទេសនៃការដាំដុះ ការថែរក្សាពីពពួកសត្វល្អិត ការប្រើប្រាស់ថ្នាំសម្លាប់សត្វល្អិត ក៏ដូចជាកង្វះខាតនៅជីកសិកម្មនានាជាច្រើនទៀត លោក លូង ហ៊ុន ក្នុងនាមជាប្រធានសមាគមក៏សំណូមពរដល់មន្រ្តីក្រសួងកសិកម្មឲ្យជួយគិតគូរដល់ប្រជាពលរដ្ឋបង្រៀនពីបច្ចេកទេសដាំដុះឲ្យបានចេះដឹងជាងនេះ ដើម្បីអាចបានចំណូលផ្គត់ផ្គង់ជីវភាពគ្រួសារបន្តទៀត។
ក្រូចថ្លុងកោះពីរខេត្តត្បូងឃ្មុំ ត្រូវបានក្រសួងពាណិជ្ជកម្មចុះបញ្ជីទទួលស្គាល់ជាម៉ាកសមូហភាព កាលពីថ្ងៃទី២៦ ខែមេសា ឆ្នាំ២០២៣ កន្លងទៅនេះ៕
លោក ហេង សួរ៖ កត្តាសន្ដិភាពធ្វើឱ្យយុវជនកម្ពុជាកាន់ប៊ិកជំនួស ដោយការកាន់កាំភ្លើងក្នុងសមរភូមិ
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញបញ្ចុះខណ្ឌសីមា និងសម្ពោធសមិទ្ធផលនានាក្នុងវត្តពោធិព្រឹក្សាខារាម (វត្តតូប)
អាជ្ញាធរឃុំអារក្សត្នោត នាំយកគ្រឿងឧបភោគបរិភោគ ជូនកងពលអន្តរាគមន៍លេខ៧ ក្នុងភូមិសាស្ត្រខេត្តព្រះវិហារ
មេដឹកនាំ អ៊ីរ៉ង់ បង្ហាញខ្លួនលើកដំបូង ចាប់តាំងពីមានសង្គ្រាមជាមួយ អ៊ីស្រាអែល
លោក យឿន យឿត អះអាងថា លោក សម រង្ស៉ី ទេជាអ្នកដែលរំលោភរដ្ឋធម្មនុញ្ញយ៉ាងពិតប្រាកដ
ទាហានថៃឃាត់ខ្លួនជនជាតិខ្មែរ ២នាក់ ដែលនាំបារីគេចពន្ធចូលដីថៃជាង ១៥ ០០០ កញ្ចប់
ក្រោយស្បថចូលកាន់តំណែងរដ្ឋមន្ត្រីក្រសួងវប្បធម៌ ផែថងតាន ចង់ដើរតាមគន្លងកូរ៉េខាងត្បូង
Elon Musk អបអរការបង្កើតគណបក្សថ្មី ចំថ្ងៃតែមួយ ដែលលោកត្រាំចេញច្បាប់ដ៏ចម្រូងចម្រាស
អាជ្ញាធរឃុំអារក្សត្នោត នាំយកគ្រឿងឧបភោគបរិភោគ ជូនកងពលអន្តរាគមន៍លេខ៧ ក្នុងភូមិសាស្ត្រខេត្តព្រះវិហារ
លោក យឿន យឿត អះអាងថា លោក សម រង្ស៉ី ទេជាអ្នកដែលរំលោភរដ្ឋធម្មនុញ្ញយ៉ាងពិតប្រាកដ
-
ព័ត៌មានអន្ដរជាតិ២ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង២ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៤ ថ្ងៃ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៤ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ៥ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ១ សប្តាហ៍ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
-
ព័ត៌មានជាតិ៣ ថ្ងៃ agoនាយករដ្ឋមន្ត្រីសិង្ហបុរី គាំទ្រឱ្យកម្ពុជា-ថៃ ដោះស្រាយជម្លោះព្រំដែនដោយប្រើយន្តការច្បាប់អន្តរជាតិ