ព័ត៌មានជាតិ
ឧបនាយករដ្ឋមន្រ្តីថៃចុះត្រួតពិនិត្យច្រកទ្វារព្រំដែនបានណងអៀន-ស្ទឹងបត់
អភិបាលខេត្តបន្ទាយមានជ័យលោកអ៊ុំ រាត្រី កាលពីរសៀលថ្ងៃទី ២៥ ខែកញ្ញានេះ បានដឹកនាំប្រតិភូខេត្តទទួលបដិសណ្ឋារកិច្ចលោក ប៉ានព្រី បាហិថានុការ៉ា (Parnpree Bahiddha-Nukara) ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងប្រតិភូ នៃព្រះរាជាណាចក្រថៃក្នុងការចុះត្រួតពិនិត្យទីស្នាក់ការច្រកទ្វារព្រំដែនអន្តរជាតិបានណងអៀន- ស្ទឹងបត់នៅចំណុចស្ពានមិត្តភាពកម្ពុជា-ថៃ (ណងអៀង-ស្ទឹងបត់) ស្រុកអារញ្ញប្រាថេតខេត្តស្រះកែវ-ក្រុងប៉ោយប៉ែត ខេត្តបន្ទាយមានជ័យ។
លោក ប៉ានព្រី បាហិថានុការ៉ា (Parnpree Bahiddha-Nukara) ឧបនាយករដ្ឋមន្រ្តី រដ្ឋមន្រ្តីក្រសួងការបរទេនៃព្រះរាជាណាចក្រថៃបានថ្លែងថា បំណងនៃដំណើរទស្សនកិច្ចនេះគឺដើម្បីពង្រឹងពង្រីកទំនាក់ទំនង និងកិច្ចសហប្រតិបត្តិការបន្តរវាងរាជរដ្ឋាភិបាលថ្មីរបស់ថៃដែលទើបបង្កើតឡើងក្រោយការបោះឆ្នោតកាលពីថ្មីៗនេះដើម្បីពង្រឹងមិត្តភាពនិងជម្រុញវិស័យពាណិជ្ជកម្ម ដឹកជញ្ជូន សេដ្ឋកិច្ចផងដែរ។
សូមបញ្ជក់ថាគម្រោងរៀបចំច្រកទ្វារ អន្តរជាតិស្ទឹងបត់ ស្ថិតនៅភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យមានទំហំ ទឹកប្រាក់ប្រមាណ២៦,៤២ លានដុល្លារអាមេរិកដែលជាហិរញ្ញប្បទានពីរាជរដ្ឋាភិបាលប្រទេសថៃតាមរយៈទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចប្រទេសជិតខាង-ថៃ(NEDA)។
សម្តេចអគ្គមហាសេនាបតីតេជោ ហ៊ុនសែន អតីតនាយករដ្ឋមន្ត្រី នៃព្រះរាជាណាចក្រកម្ពុជាបានបើកការដ្ឋានសាងសង់គម្រោងនេះកាលពីថ្ងៃទី២២ ខែមេសា ឆ្នាំ២០១៩។ គិតត្រឹមខែកញ្ញា ឆ្នាំ២០២៣នេះ គម្រោងសម្រេចបាន ៩១,២៦% ហើយ។
គម្រោងរៀបចំច្រកទ្វារព្រំដែនអន្តរជាតិសម្រាប់ច្រកដឹកទំនិញឆ្លងកាត់ព្រំដែនកម្ពុជា-ថៃ រាជរដ្ឋាភិបាលកម្ពុជាក៏បានស្ថាបនាស្ពានតភ្ជាប់ជាមួយភាគីថៃ ដែលត្រូវបានប្រសិទ្ធនាមថា “ស្ពានមិត្តភាពកម្ពុជា-ថៃ ស្ទឹងបត់-បានណងអៀន”។
ស្ពាននេះមានប្រវែង ៦២០ ម៉ែត្រ ក្នុងនោះផ្នែកខាងកម្ពុជា២១៥ម៉ែត្រ + ផ្នែកខាងថៃ ៤០៥ម៉ែត្រ) ទទឹង ១៧ម៉ែត្រ ត្រូវបានបើក ការដ្ឋាន នៅថ្ងៃទី២០ ខែមីនា ឆ្នាំ២០១៧ និងបញ្ចប់ការសាងសង់នៅថ្ងៃទី១៥ ខែមករា ឆ្នាំ២០១៩ ក្នុងទំហំទឹកប្រាក់ប្រមាណ ៦៧០ លានបាត (ប្រមាណ ១៩លានដុល្លារអាមេរិក) ដែលចំណាយដោយជំនួយរបស់ភាគីថៃ៕
អត្ថបទ៖ អពៅ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore