កម្ពុជា​​គ្រោងដាក់ដំណើរការ​ប្រព័ន្ធចុះ​ឈ្មោះ​អ្នក​ស្ម័គ្រចិត្តចាក់វ៉ាក់សាំងកូវីដ១៩​ តាម​ប្រព័ន្ធ​អេឡិច​ត្រូនិច ឆាប់ៗ​នេះ
Connect with us
Helistar Cambodia - Helicopter Charter Services

ព័ត៌មានជាតិ

កម្ពុជា​​គ្រោងដាក់ដំណើរការ​ប្រព័ន្ធចុះ​ឈ្មោះ​អ្នក​ស្ម័គ្រចិត្តចាក់វ៉ាក់សាំងកូវីដ១៩​ តាម​ប្រព័ន្ធ​អេឡិច​ត្រូនិច ឆាប់ៗ​នេះ

បានផុស

នៅ

លោកស្រី ឱ វណ្ណឌីន រដ្ឋលេខាធិការ និង​អ្នក​នាំពាក្យ​ក្រសួង​សុខាភិបាល​

អ្នកស្រី ឱ វណ្ណឌីន រដ្ឋលេខាធិការ និងអ្នកនាំពាក្យក្រសួងសុខាភិបាលប្រាប់ កម្ពុជាថ្មី នៅថ្ងៃនេះថា ការទទួលចុះឈ្មោះចាក់វ៉ាក់សាំង គឺក្រុមការងារកំពុងដំណើរការបង្កើតប្រព័ន្ធអេឡិចត្រូនិកទទួលការចុះឈ្មោះអ្នកស្ម័គ្រចិត្តចាក់វ៉ាក់សាំងកូវីដ-១៩ ដែលនឹងអាចរួចរាល់នៅពេលឆាប់ៗខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី មានប្រសាសន៍ថា៖ “ក្រុមការងារខាងប្រព័ន្ធ Application កំពុងតែធ្វើ​ [ប្រព័ន្ធអេឡិចត្រូនិកទទួលការចុះឈ្មោះអ្នកស្ម័គ្រចិត្តចាក់វ៉ាក់សាំងកូវីដ-១៩] ដែលនឹងរួចរាល់ក្នុងពេលឆាប់ៗនេះ ហើយនៅពេលរួចរាល់ ក្រសួង [សុខាភិបាល] នឹងប្រកាសជូនសាធារណជនជ្រាប និងចូលចុះឈ្មោះ”។

​រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​រដ្ឋលេខាធិការ​ប្រចាំ​ការ​ ក្រសួង​សេដ្ឋកិច្ច និង​ហិរញ្ញវត្ថុ ឯកឧត្ដម វង្សី វិស្សុត បានមានប្រសាសន៍ថា ​កម្ពុជា​ត្រៀម​នឹង​ចុះ​ឈ្មោះ​អ្នក​ដែល​ចាក់​វ៉ាក់សាំង​កូវីដ-១៩ ​ តាម​ប្រព័ន្ធ​អេឡិចត្រូនិក ឬ E-Register ក្នុង​ពេលឆាប់ៗ នេះ។

ឯកឧត្ដម​ វង្សី វិស្សុត ​មាន​ប្រសាសន៍​ថា៖ “ឥឡូវរដ្ឋាភិបាល​កំពុង​ធ្វើ​ផែនការ​ចុះឈ្មោះ (Platform Registration) ចាក់​វ៉ាក់សាំង ​ហើយបែងចែកជា​ ២​ដំណាក់កាល គឺសម្រាប់អ្នកនៅភ្នំពេញ នឹងប្រើប្រាស់កម្មវិធី (App) របស់ក្រសួងសុខាភិបាល សម្រាប់ផែនការចាក់ទូទាំងប្រទេសវិញ ​នឹង​មាន​ទម្រង់​ធំមួយ​​ដែល​កំពុងស្ថិត​ក្នុងដំណាក់កាល​រៀបចំនៅឡើយ”។

កាលពីរសៀលថ្ងៃពុធកន្លងទៅថ្មីៗនេះ សម្ដេច​ពិជ័យ​សេនា ទៀ បាញ់ បាន​បញ្ជាក់ថា ក្នុងចំណោម​ចាក់​សាំង​ចំនួន​៦០​ម៉ឺន​ដូ​ស ដែលជា​ជំនួយ​របស់​សាធារណរដ្ឋ​ប្រជាមានិត​ចិន ដែលនឹងមកដល់កម្ពុជានាចុងសប្ដាហ៍នេះ នឹង​ត្រូវបាន​បែង​ចែក​ទៅខាង​កងទ័ព​ចំនួន​៣០ម៉ឺន​ដូ​ស និង​ខាង​ក្រសួងសុខាភិបាល​ចំនួន​៣០ម៉ឺន​ដូ​ស​។

ឯកឧត្ដម វង្សី វិស្សុត រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​រដ្ឋលេខាធិការ​ប្រចាំ​ការ​ ក្រសួង​សេដ្ឋកិច្ច និង​ហិរញ្ញវត្ថុ

តាម​​ការ​គ្រោងទុក​នេះ កម្ពុជា​នឹង​ទទួលបាន​ជំនួយ​វ៉ាក់សាំង​១១​លាន​ដូ​ស ស្របពេល​កម្ពុជា​ត្រៀម​ទិញ​វ៉ាក់សាំងឱ្យគ្រប់​២០​លាន​ដូ​ស សម្រាប់​ប្រជាពលរដ្ឋ១០​លាន​នាក់​។ ​ប្រមុខ​រដ្ឋាភិបាល ​បានប្រកាសថា សម្ដេច​នឹង​ទៅ​ទទួល​វ៉ាក់សាំង​ពី​ចិន​ដោយផ្ទាល់ នៅ​ព្រលានយន្តហោះ​។​ 

​​សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្លាប់បាន​ប្រកាសដែរថា សម្ដេចនឹង​ចាក់​វ៉ាក់សាំង​កូវីដ-១៩​មុនគេ​ ដោយមិនមាន​ការភ័យខ្លាច​ ដើម្បីធ្វើ​ជា​គំរូ​មួយ ដែល​ផ្ដល់​ជំនឿ​ទុកចិត្ត​ដល់​ប្រជាពលរដ្ឋ​​។ សម្ដេច​បាន​បន្ថែមថា គ្រូពេទ្យ​ដែល​ចាក់​វ៉ាក់សាំង​ឱ្យ​សម្ដេច ក៏ត្រូវ​ចាក់​វ៉ាក់សាំង​នេះដែរ​។

សម្តេច ហ៊ុន សែន បានឱ្យដឹងថា អ្នកដែលមានសិទ្ធិអាទិភាពក្នុងការទទួលវ៉ាក់សាំងកូវីដ-១៩មុនគេមានជាង៤២ម៉ឺននាក់ ក្នុងនោះសុទ្ធសឹងជាអ្នកធ្វើការមានហានិភ័យខ្ពស់រាប់ចាប់ពី អ្នកប្រមូលសំរាម អនាម័យទីក្រុង អ្នកបើកបរ ព្រះសង្ឃ កីឡាករ កងទ័ព មន្ត្រីសុខាភិបាល មន្ត្រីអប់រំ មន្រ្តីរាជការស៊ីវិល មន្ត្រីតុលា មន្ត្រីពន្ធនាគារ រដ្ឋបាលព្រៃឈើ ជលផល មន្ត្រីអគ្គីសនី ក្រុមប្រឹក្សាខេត្តក្រុម រដ្ឋបាលជលផល​និងមន្រ្តីផ្សេងៗទៀតដែលធ្វើការនៅកន្លែងដែលមានហានិភ័យខ្ពស់៕

អត្ថបទ៖ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៧ ម៉ោង មុន

តេ​ក្វាន់​ដូ​ITF​កម្ពុជា រៀបចំ​ការប្រកួត​វិ​ញ្ញាសា​មេគុន​តាម​អន​ឡាញ​ជា​លើកដំបូង

ព័ត៌មានជាតិ៧ ម៉ោង មុន

ផ្ទុះអាវុធ​នៅ​កណ្តាល​ក្រុងព្រះសីហនុ​៥​គ្រាប់ សមត្ថកិច្ច​ចាប់​ឃាត់ខ្លួន​មនុស្ស​ចំនួន​៣​នាក់

ព័ត៌មានជាតិ៧ ម៉ោង មុន

សម្តេច​សខេង​ណែនាំ​ឱ្យ​អភិបាល​រាជធានី​ខេត្ត​សហការ​ជាមួយ​គ​.​ជ​.​ប​ក្នុងការ​ពិនិត្យ​បញ្ជី​ឈ្មោះ​និង​ការចុះឈ្មោះ​បោះឆ្នោត​ឆ្នាំ​២០២១

ព័ត៌មានជាតិ៧ ម៉ោង មុន

ប្រជាពលរដ្ឋ​៣​ភូមិ​នៅ​សង្កាត់​បឹង​សាឡាង​ទទួលបាន​អំណោយ​ពីស​ម្តេច​ទាំង​ទ្វេ ខណៈ​បិទ​ខ្ទប់​យក​សំណាក

ព័ត៌មានជាតិ៧ ម៉ោង មុន

រដ្ឋបាល​ខេត្ត​ស្ទឹងត្រែង​រក​ឃើញ​កូ​វីដ​១៩ បំប្លែង​ថ្មី​(Delta)​ចំនួន ២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services