ព័ត៌មានជាតិ
ក្លិបអ្នកកាសែត ប្រគល់ជ័យលាភីឆ្នើមលើការប្រកួតថតរូបស្ដីពីការផ្សព្វផ្សាយទេសចរណ៍នៅកម្ពុជា
បន្ទាប់ពីគណៈកម្មការបានពិនិត្យ វិនិច្ឆ័យ និងផ្ដល់ពិន្ទុយ៉ាងសុក្រឹតរួចមក ក្លិបអ្នកកាសែតកម្ពុជា បានរកឃើញម្ចាស់ ជ័យលាភីចំនួន៥រូប ក្នុងការប្រកួតប្រជែងជើងឯកថតរូប លើប្រធានបទ «សម្រស់សហគមន៍យើង» ដែលជាការជួយផ្សព្វផ្សាយវិស័យទេសចរណ៍នៅកម្ពុជា។
កន្លងមក ដោយមានកិច្ចសហការពីក្រុមហ៊ុន ស៊ីភី អល (ខេមបូឌា) និងស្ថាប័នរដ្ឋចំនួន៣ រួមមាន ក្រសួងប្រៃសណីយ៍ ក្រសួងរៀបចំដែនដី និងក្រសួងទេសចរណ៍ ក្លិបអ្នកកាសែតកម្ពុជា បានប្រកាសការប្រកួតប្រជែងរូបថតប្រចាំឆ្នាំ២០២៣ លើប្រធានបទ «សម្រស់សហគមន៍យើង» នៅក្នុងយុគសម័យឌីជីថល ដើម្បីផ្ដល់ឱកាសដល់អ្នកសារព័ត៌មាន និងអ្នកថតរូបគ្រប់ទម្រង់នៅកម្ពុជា បានបញ្ចេញស្នាដៃរូបថតផ្ទាល់ខ្លួនដណ្តើមពានរង្វាន់។
បើតាមលោក ពុយ គា ប្រធានក្លិបអ្នកកាសែតកម្ពុជា ក្នុងការប្រកួតប្រជែងនេះ ទទួលបានស្នាដៃរូបថតពីបេក្ខជនចំនួន ២៩រូប ស្មើ៨៧សន្លឹក ដែលមកពីស្ថាប័នផ្សេងៗគ្នា ហើយរូបថតទាំងអស់នេះ បានបង្ហាញនូវស្នាដៃ និងទេពកោសល្យក្នុងការផ្ដិតយករូបភាពដ៏ស្រស់ត្រកាលនៃតំបន់រមណីយដ្ឋានទេសចរណ៍ តំបន់អេកូទេសចរណ៍ តំបន់ធនធានធម្មជាតិ វប្បធម៌ បរិស្ថាន រួមទាំងការអភិវឌ្ឍនៅកម្ពុជា ជាដើម។
លោក ពុយ គា បានឱ្យដឹងថា គណៈកម្មការវាយតម្លៃ ដែលមានរូបលោកផ្ទាល់ លោក ហេង ស៊ីនិត្យ អ្នកថតរូបអាជីព និងលោក ឡា ម៉ូ សិល្បករថតរូប បានពិនិត្យ និងវិនិច្ឆ័យយ៉ាងល្អិតល្អន់រាល់រូបថតទាំងអស់ដែលបេក្ខជនដាក់ចូលរួមប្រកួតប្រជែង។ ជាលទ្ធផល គណៈកម្មការបានវាយតម្លៃជារួមថា រូបថតដែលមានភាពរស់រវើក ទាក់ទាញ និងស្រស់ស្អាត ហើយគណៈកម្មការសម្រេច ជ្រើសរើសជាជ័យលាភីមានចំនួន៥រូប ដោយក្នុងនោះ ជ័យលាភីលេខ១ លោក លន ហ្សាឌីណា ជ័យលាភីលេខ២ លោក គឹម បូរិន ជ័យលាភីលេខ៣ លោក តាំង ឈិនសុធី ជ័យលាភីលេខ៤ លោក ហុង មិនា និងជ័យលាភីលេខ៥ លោក ប៉ាន់ បូនី។
ក្លិបអ្នកកាសែតកម្ពុជា បានកត់សម្គាល់ថា ទោះបីជាលើកទី១ សម្រាប់ការប្រកួតប្រជែងនេះ ប៉ុន្តែ អ្នកសារព័ត៌មាន និងអ្នកថតរូបឯករាជ្យបានបង្ហាញនូវការចាប់អារម្មណ៍ និងបានផ្ញើរូបថតមកចូលរួមដណ្តើមពានរង្វាន់។ ក្លិបអ្នកកាសែត បានអរគុណចំពោះបេក្ខជនដែលបានចូលរួមក្នុងការប្រកួតប្រជែង ហើយបានសម្រិតសម្រាំងស្នាដៃរបស់ខ្លួន ដើម្បីដណ្តើមពានរង្វាន់ ហើយក៏អបអរសាទរចំពោះជ័យលាភីទាំង៥ រូបផងដែរ។
ស្ថិតក្នុងឱកាសនេះដែរ លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាអ្នកនាំពាក្យរាជរដ្ឋាភិបាល បានចាត់ទុកការប្រកួតប្រជែងនេះ មិនគ្រាន់តែជាការបង្ហាញនូវស្នាដៃ និងទេពកោសល្យដ៏ប៉ិនប្រសប់របស់បេក្ខជននីមួយៗនោះទេ ប៉ុន្តែ លើសពីការក្រកួតប្រជែងរូបថតនាពេលនេះ បានរួមចំណែកយ៉ាងសំខាន់ដល់ការជួយផ្សព្វផ្សាយរូបភាពវិជ្ជមាននៅក្នុងសហគមន៍ ក៏ដូចជាប្រទេសកម្ពុជាទាំងមូល។
លោក ប៉ែន បូណា ថា នេះជាពេលេវាលា ដែលអ្នកសារព័ត៌មាន ត្រូវផ្លាស់ប្ដូររូបភាពអវិជ្ជមាន មកជារូបភាពល្អជាវិជ្ជមាន ដើម្បីជួយផ្សព្វផ្សាយឱ្យកាន់តែទូលាយក្នុងប្រព័ន្ធសារព័ត៌មាន ហើយអ្នកទេសចរណ៍ជាតិ និងអន្តរជាតិ នឹងបានស្វែងយល់ដឹងបន្ថែមទៀតអំពីតំបន់ទេសចរណ៍ ទាំងទេសចរណ៍ធម្មជាតិ វប្បធម៌ បរិស្ថាន និងតំបន់អេកូទេសចរណ៍រួមទាំងការអភិវឌ្ឍន៍លើគ្រប់វិស័យនៅកម្ពុជា៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង