ព័ត៌មានជាតិ
អភិបាលខេត្តកែប ដឹកនាំមន្ត្រីក្រោមឱវាទ បន្តដាំកូនកោងកាង ៦ ពាន់ដើម បន្ថែម នៅសហគមន៍នេសាទភូមិថ្មី
កាលពីថ្ងៃទី ៣១ ខែតុលា ឆ្នាំ ២០២៣ មន្ទីរបរិស្ថាន ក្រោមការអញ្ជើញចូលរួមពីសំណាក់ លោកបណ្ឌិត សោម ពិសិដ្ឋ អភិបាលខេត្តកែប បានរៀបចំយុទ្ធនាការដាំកូនកោងកាងចំនួន ៦,០០០ ដើម តាមបណ្ដោយមាត់សមុទ្រ នៃសហគមន៍អេកូទេសចរណ៍ភូមិថ្មី ក្រុងកែប ខេត្តកែប។
![](https://www.kampucheathmey.com/wp-content/uploads/2023/11/photo_2023-11-01_10-50-45-1024x584.jpg)
លោក អ៊ិន សៅ ប្រធានមន្ទីរបរិស្ថាន បញ្ជាក់ឲ្យដឹងថា មន្ទីររៀបចំពិធីនេះ ៣ លើកមកហើយ ក្នុងឆ្នាំ ២០២២ ដែលមានកូនកោងកាងសរុបដែលបានដាំចំនួន ១២,០០០ ដើម នៅសហគមន៍នេសាទភូមិថ្មីនេះ។ ដោយឡែកឆ្នាំ ២០២៣ នេះ មន្ទីរបរិស្ថាន បានផ្ដល់កូនឈើប្រណិតដល់សាលារៀន វត្តអារាម មន្ទីរអង្គភាពចំណុះរដ្ឋបាលខេត្ត សហគមន៍ ចំនួន ១,៥០០ ដើម និងសហការជាមួយរដ្ឋបាលក្រុងកែប ក្រុមហ៊ុនដៃគូ បានដាំកូនឈើប្រណិត និងឈើហូបផ្លែចំនួន ៥៥០ ដើម នៅទីលានទុកដាក់សំរាម ហើយកំពុងបន្តរៀបចំថ្នាលបណ្ដុះកូនឈើបន្ថែមទៀត។
![](https://www.kampucheathmey.com/wp-content/uploads/2023/11/photo_2023-11-01_10-51-05-1024x595.jpg)
លោក សោម ពិសិដ្ឋ អភិបាលខេត្តកែប បានមានប្រសាសន៍ឲ្យដឹងដែរថា ដើម្បីអបអរសាទរទិវាអនាម័យបរិស្ថានជាតិ «២៣ វិច្ឆិកា ឆ្នាំ ២០២៣» អង្គពិធីទាំងមូល បានដាំកូនកោងកាងចំនួន ៦,០០០ ដើម បន្ថែមទៀត នៅសហគមន៍នេសាទភូមិថ្មី។
![](https://www.kampucheathmey.com/wp-content/uploads/2023/11/photo_2023-11-01_10-51-47-1024x552.jpg)
លោកបញ្ជាក់បន្ថែមថា ព្រៃកោងកាង បានដើរតួនាទីយ៉ាងសំខាន់ក្នុងការរក្សាតុល្យភាពប្រព័ន្ធអេកូឡូស៊ីតំបន់ឆ្នេរ ដោយស្រូបយកនូវឧស្ម័នកាបូនិច ជាតិពុលផ្សេងៗ ជួយការពារខ្យល់ព្យុះ ការពារភាពសឹករិចរិល ទប់ស្កាត់ការហូរច្រោះបាក់ដីច្រាំងសមុទ្រ និងផ្តល់ជម្រកយ៉ាងរឹងមាំដល់ពពួកមច្ឆាសមុទ្របន្តពូជ។ ហើយការបាត់បង់នូវធនធានទាំងនេះ នឹងនាំមកនូវការបាត់បង់ទីជម្រកសត្វពង ប្រភពអាហារសមុទ្រ ដែលធ្វើឲ្យថយចុះទិន្នផលនេសាទ រុក្ខជាតិ សមុទ្រ ប៉ះពាល់ខ្លាំងដល់សុខុមាលភាពមនុស្ស និងសេដ្ឋកិច្ចជាតិ។
![](https://www.kampucheathmey.com/wp-content/uploads/2023/11/photo_2023-11-01_10-14-46-1024x682.jpg)
យ៉ាងណា លោក ក៏បានជំរុញឲ្យ មន្ទីរបរិស្ថាន បន្តកៀរគររកដៃគូគាំទ្រ ដើម្បីអនុវត្តសកម្មភាពបន្តដាំកូនកោងកាងនៅសហគមន៍នេសាទភូមិថ្មីនេះបន្ថែមទៀត៕
អត្ថបទ ៖ សឹង រ៉ាត់
![](https://www.kampucheathmey.com/wp-content/uploads/2023/11/photo_2023-11-01_10-14-19-1024x682.jpg)
![](https://www.kampucheathmey.com/wp-content/uploads/2023/11/photo_2023-11-01_10-14-34-1024x682.jpg)
![](https://www.kampucheathmey.com/wp-content/uploads/2023/11/photo_2023-11-01_10-52-24-1024x526.jpg)
![](https://www.kampucheathmey.com/wp-content/uploads/2023/11/photo_2023-11-01_10-52-46-1024x568.jpg)
![](https://www.kampucheathmey.com/wp-content/uploads/2023/11/photo_2023-11-01_10-53-03-1024x580.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម១៩ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់