Connect with us

ព័ត៌មានជាតិ

គណៈមេប្រយោគ​ទូទាំង​ប្រទេស ប្រជុំជាមួយ​​អភិបាលរាជធានី-ខេត្ត ត្រៀមការ​ប្រឡង​ទុតិយភូមិ

បានផុស

នៅ

នៅថ្ងៃទី៣ ខែវិឆ្ឆិកា ឆ្នាំ២០២៣នេះ គណៈ​មេប្រយោគ​ទូទាំង​ប្រទេស ​​​បើកកិច្ចប្រជុំ ជាមួយ​អភិបាល អភិបាលរង​នៃគណៈអភិបាល រាជធានី-ខេត្ត ទាំង​២៥ ស្ដីពី​ការ​រក្សា​ហឹប​វិញ្ញាសា​ប្រឡង ការ​រៀប​ចំ​សន្តិសុខ សុវត្ថិភាព​ នៅ​តាម​មណ្ឌល​សំណេរ ​នៃ​រាជធានី-ខេត្ត​នីមួយ​ៗ ដែល​​ត្រូវ​បាន​ជ្រើសរើស​សម្រាប់​ការ​ប្រឡង​សញ្ញាបត្រ​មធ្យម​សិក្សា​ទុតិយ​ភូមិ​ សម័យ​ប្រឡង៖ ០៦ វិច្ឆិកា​២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ច​ប្រជុំ​នេះ ក៏មាន​ការ​ចូលរួម​ពី​សំណាក់​ តំណាងអង្គភាពប្រឆាំងអំពើពុករលួយ ​អាជ្ញាធរ​ដែនដី និង​កង​កម្លាំង​ប្រដាប់​អាវុធ តំណាង​មន្ទីរ​សុខាភិបាល​រាជធានី​ខេត្ត​ ដើម្បី​បង្ហាញ​ពី​យន្តការ ​នៃ​​ការ​ប្រឡង និង​ស្នើ​សុំ​កិច្ច​សហការ​ពី​សំណាក់​អាជ្ញាធរ​ទាំង ២៥​រាជធានី-ខេត្ត ធ្វើ​យ៉ាង​ណា​ឱ្យ​ដំណើរ​ការ​សំណេរ​ប្រព្រឹត្ត​ទៅ​ដោយ​ភាព​រលូន។

ក្រសួងអប់រំ យុវជន និងកីឡា​ សូមថ្លែងអំណរគុណយ៉ាងជ្រៀលជ្រៅចំពោះថ្នាក់ដឹកនាំតាមបណ្ដារាជធានីខេត្ត ដែលផ្តល់ការទំនុកបំរុងគាំទ្រយ៉ាងកក់ក្ដៅចំពោះប្អូនៗសិស្សានុសិស្ស និងបុគ្គលិកអប់រំដែលត្រៀមចូលរួមក្នុងការប្រឡង។

គិតមកត្រឹមម៉ោង ០៩:៥០ ព្រឹកនេះ ហឹបវិញ្ញាសាទាំងអស់ ត្រូវបានដឹកចេញពីរាជធានីភ្នំពេញ សំដៅទៅកាន់បណ្ដាខេត្តនានាទូទាំងប្រទេស ដើម្បីរក្សាទុក និងត្រៀមសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៦ វិច្ឆិកា ២០២៣។ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី បានផ្ញើសារជូនពរដល់ ប្រធានគណៈមេប្រយោគ​ទូទាំងប្រទេស និងមន្ត្រីអប់រំទាំងអស់ សូមមានសុខភាពល្អ និងមានសុវត្ថិភាពតាមផ្លូវក្នុងការបំពេញបេសកកម្មដឹកជញ្ជូនវិញ្ញាសាទៅកាន់បណ្ដាខេត្តនានា។

គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ មានបេក្ខជនចុះឈ្មោះប្រឡងសរុបចំនួន ១៣៧ ៤១២នាក់ កើនឡើងជាងឆ្នាំមុន ៩ ២៧៧ នាក់ ដោយមានស្រី ៧៣ ២៧៨ នាក់ ចែកជា ២២៧ មណ្ឌល ត្រូវជា ៥ ៥៤៣ បន្ទប់។ ក្នុងនោះបេក្ខជនថ្នាក់វិទ្យាសាស្ត្រមានចំនួន ៤១ ៣៧៩ នាក់ ស្រី ២៤ ៧៨៩ នាក់ បេក្ខជនថ្នាក់វិទ្យាសាស្ត្រសង្គមមានចំនួន ៩៦ ០៣៣ នាក់ ស្រី ៤៨ ៤៨៩ នាក់។ ចំណែកគណៈមេប្រយោគ និងគណៈកម្មការផ្សេងៗ ដែលត្រូវចូលរួមក្នុងដំណើរការប្រឡងនៅគ្រប់ដំណាក់កាលមានចំនួនសរុប ២៩ ៥២៥ នាក់ ក្នុងនោះមកពីថ្នាក់ក្រសួងចំនួន ៤ ១២៦ នាក់ និងមកពីថ្នាក់រាជធានី ខេត្តចំនួន ២៥ ៣៩៩ នាក់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១២ នាទី មុន

ដើមឆ្នាំ២០២៤ ករណីគ្រោះថ្នាក់ចរាចរណ៍នៅរាជធានីភ្នំពេញ កើតឡើងជាង៩០លើក បណ្ដាលឲ្យមានមនុស្សស្លាប់៣៣នាក់

ព័ត៌មានអន្ដរជាតិ១៧ នាទី មុន

ឆេះហាងកាហ្វេនៅខេត្តមួយរបស់ ចិន សម្លាប់មនុស្ស ៣៩ នាក់

ព័ត៌មានអន្ដរជាតិ២៤ នាទី មុន

ដំណើរដើមទងបុរសម្នាក់ទៀតធ្លាប់បញ្ចៀសពិភពលោកពីភ្លើងសង្រ្គាមនុយក្លេអ៊ែរ

ព័ត៌មានជាតិ៣៩ នាទី មុន

ចាប់ពីយប់នេះ នគរបាលរាជធានីភ្នំពេញ នឹងអនុវត្តច្បាប់ចរាចរណ៍តឹងរឹងបំផុត ហើយចល័តទីតាំងថែមទៀត

ព័ត៌មានជាតិ៤៤ នាទី មុន

លោក ព្រាប កុល៖ ដើម្បីកិត្តិនាមរដ្ឋាភិបាល លោកគ្មានជម្រើសអ្វីក្រៅពីប្ដឹងម្ចាស់គណនី Chivann Pen ឡើយ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម