ព័ត៌មានជាតិ
មន្ទីរសុខាភិបាលភ្នំពេញ នឹងពង្រាយគ្រូពេទ្យជាង ៦០ នាក់ តាមមណ្ឌលប្រឡង ត្រៀមសង្គ្រោះបេក្ខជនមានបញ្ហាសុខភាព
ប្រធានមន្ទីរសុខាភិបាលរាជធានីភ្នំពេញ បានមានប្រសាសន៍ថា មន្ទីរ នឹងដាក់ពង្រាយក្រុមរថយន្តសង្គ្រោះចំនួន ១៦ គ្រឿង និងគ្រូពេទ្យប្រមាណ ៦២ នាក់ នៅតាមមណ្ឌលប្រឡងបាក់ឌុបទាំង ៣១ ដើម្បីត្រៀមជួយសង្គ្រោះដល់បេក្ខជនពេលមានបញ្ហាសុខភាពស្រាលៗ កំឡុងពេលប្រឡង នាថ្ងៃទី ០៦ និង ០៧ វិច្ឆិកា ខាងមុខ។
លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ បានមានប្រសាសន៍នៅព្រឹកថ្ងៃទី ០៤ វិច្ឆិកានេះថា រថយន្តសង្គ្រោះទាំង ១៦ គ្រឿងនោះ មន្ទីរ នឹងដាក់ពង្រាយនៅមណ្ឌលប្រឡងចំនួន ១៦ រួមមានមណ្ឌលប្រឡងវិទ្យាល័យឥន្ទ្រទេវី មណ្ឌលប្រឡង វិទ្យាល័យសម្តេចហ៊ុនសែនភ្នំពេញថ្មី មណ្ឌលប្រឡងវិទ្យាល័យបាក់ទូក មណ្ឌលប្រឡងវិទ្យាល័យជាស៊ីមបឹងកេងកង មណ្ឌលប្រឡងវិទ្យាល័យសន្ធរម៉ុក និងសាលាបឋមសិក្សាសន្ធរម៉ុក មណ្ឌលប្រឡងវិទ្យាល័យព្រះស៊ីសុវត្តិ មណ្ឌលប្រឡង សាលាបឋមសិក្សាចតុមុខ និងអនុវិទ្យាល័យចតុមុខ មណ្ឌលប្រឡងវិទ្យាល័យទឹកល្អក់ មណ្ឌលប្រឡងវិទ្យាល័យសម្តេចហ៊ុនសែន មណ្ឌលប្រឡងអនុវិទ្យាល័យពោធិ៍ចិនតុង មណ្ឌលប្រឡងវិទ្យាល័យទួលទំពូង មណ្ឌលប្រឡងវិទ្យាល័យផ្សារដើមថ្កូវ មណ្ឌលប្រឡង វិទ្យាល័យច្បារអំពៅ មណ្ឌលប្រឡងវិទ្យាល័យជាស៊ីមសាមគ្គី មណ្ឌលប្រឡងវិទ្យាល័យជ្រោយចង្វារនិងមណ្ឌលប្រឡងវិទ្យាល័យឫស្សីកែវ។
លោកវេជ្ជបណ្ឌិត បានបន្តថា ក្នុងចំណោមមណ្ឌលប្រឡងទាំង ៣១ មន្ទីរ នឹងដាក់គ្រូពេទ្យប្រចាំការចំនួន ២ នាក់ ផងដែរ ដើម្បីរង់ចាំជួយសង្គ្រោះបឋមនៅពេលបេក្ខជនប្រឡងមានបញ្ហាសុខភាព ព្រោះថាជាធម្មតាពេលប្រឡងបាក់ឌុបម្តងៗ បេក្ខជនប្រឡង តែងតែជួបបញ្ហាសុខភាពស្រាលៗមួយចំនួនដូចជា ឈឺក្បាល វិលមុខ ក្តៅខ្លួន សន្លប់ ដោយសារភ័យជាដើម។ មានបេក្ខជនខ្លះ ត្រូវប្រឡងនៅលើរថយន្តសាម៉ុយក៏មាន។
លោកប្រធានមន្ទីរ បានបន្តទៀតថា មន្ទីរ បានត្រៀមរថយន្តសង្គ្រោះបន្ទាន់ប្រចាំការនៅមន្ទីរពេទ្យបង្អែកទាំង ៨ ផងដែរ ក្នុងករណីមានបេក្ខជនណាម្នាក់មានបញ្ហាសុខភាពធ្ងន់ធ្ងរ ត្រូវបញ្ជូនទៅសង្គ្រោះបន្ទាន់នោះ។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ បានមានប្រសាសន៍ថា ឆ្នាំនេះ នៅមណ្ឌលប្រឡងភ្នំពេញមានបេក្ខជនដាក់ពាក្យប្រឡងសរុប ២៥ ៨៣៥ នាក់ ក្នុងនោះបេក្ខជនថ្នាក់វិទ្យាសាស្ត្រ សរុបចំនួន ១០៣០០ នាក់ និងបេក្ខជនថ្នាក់វិទ្យាសាស្ត្រសង្គម សរុបចំនួន ១៥ ៥៣៥ នាក់។
លោកបានបន្តថា ករណីនេះធ្វើឲ្យមណ្ឌលប្រឡងកើនឡើងដល់ចំនួន ៣១ មណ្ឌលសំណេរ ត្រូវជា ១ ០៤២ បន្ទប់ ក្នុងនោះថ្នាក់វិទ្យាសាស្ត្រ ចំនួន ១៣ មណ្ឌល ស្មើនឹង ៤១៧ បន្ទប់ មានបេក្ខជន ១០ ៣០០ នាក់ ស្រី ៥ ៥៥៦ នាក់ និងថ្នាក់វិទ្យាសាស្ត្រសង្គម ចំនួន ១៨ មណ្ឌល ស្មើនឹង ៦២៥ បន្ទប់ មានបេក្ខជន ១៥ ៥៣៥ នាក់ ស្រី ៦ ៩២៨ នាក់។
លោកបានបន្តទៀតថា ចំនួននេះបើធៀបទៅនឹងប្រឡងឆ្នាំមុនឃើញថា មានការកើនឡើង ខណៈឆ្នាំមុនមានបេក្ខជនដាក់ពាក្យប្រឡងចំនួន ២៣៣៨៥ នាក់ ចែកជា ៣០ មណ្ឌល ត្រូវជា ៩៤៤ បន្ទប់។
គួរបញ្ជាក់ថា ឆ្នាំនេះ ក្រសួង នឹងរៀបចំការប្រឡងបាក់ឌុបរយៈពេល ២ ថ្ងៃ គឺថ្ងៃទី ០៦ និងថ្ងៃទី ០៧ ខែវិច្ឆិកា ឆ្នាំ ២០២៣ មានបេក្ខជនចុះឈ្មោះប្រឡងសរុបចំនួន ១៣៧.៤១២ នាក់ កើនឡើងជាងឆ្នាំមុន(៩២៧៧ នាក់) ស្រី ៧៣.២៧៨ នាក់ ចែកជា ២២៧ មណ្ឌល ត្រូវជា ៥.៥៤៣ បន្ទប់។ ក្នុងនោះ បេក្ខជនថ្នាក់វិទ្យាសាស្ត្រមានចំនួន ៤១.៣៧៩ នាក់(ស្រី ២៤៧៨៩ នាក់) បេក្ខជនថ្នាក់វិទ្យាសាស្ត្រសង្គមមានចំនួន ៩៦.០៣៣ នាក់(ស្រី ៤៨.៤៨៩ នាក់)។
ជាមួយគ្នានេះដែរ ក្រសួង នឹងកំណត់យកថ្ងៃទី ២៨ ខែវិច្ឆិកា ឆ្នាំ ២០២៣ ពេលរសៀល សម្រាប់ការប្រកាសលទ្ធផលប្រឡងនៅរាជធានីភ្នំពេញ និងខេត្តកណ្តាល និងនៅថ្ងៃទី ២៩ ខែវិច្ឆិកា ឆ្នាំ ២០២៣ សម្រាប់ខេត្តផ្សេងៗ នៅទូទាំងប្រទេស៕
អត្ថបទ ៖ សំអឿន
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
រយៈពេល ១សប្តាហ៍ មានអ្នកអានសៀវភៅលើសួននៅក្រុងស្ទឹងត្រែង ១០០០នាក់
ប្រទេសអាស៊ីអាគ្នេយ៍មួយទៀត ជួបគ្រោះរញ្ជួយដី
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ