ព័ត៌មានជាតិ

១០ ខែ ឆ្នាំនេះ ខ្យល់កន្ត្រាក់ បង្កឲ្យមនុស្សស្លាប់ ០៩ នាក់ ប៉ះពាល់ផ្ទះជាង ១ ម៉ឺនខ្នង

បានផុស

១ year មុន

នៅ

ថ្ងៃអង្គារ ៧ វិច្ឆិកា ២០២៣

ដោយ

រយៈពេល ១០ ខែ ឆ្នាំ ២០២៣ នេះ ខ្យល់កន្ត្រាក់បានកើតឡើងជិត ២៨០ លើក បណ្ដាលឲ្យមនុស្សស្លាប់ និងរបួសជិត ២០០ នាក់ ប៉ះពាល់ផ្ទះសម្បែងជិត ១៥០០០ ខ្នង និងហេដ្ឋារចនាសម្ព័ន្ធមួយចំនួនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ០៧ វិច្ឆិកា នេះថា រយៈពេល ១០ ខែ ឆ្នាំ ២០២៣ នេះ ខ្យល់កន្ត្រាក់កើតឡើងចំនួន ២៧៩ លើក បណ្ដាលឲ្យរលំផ្ទះចំនួន ២០០២ ខ្នង របើកដំបូលផ្ទះ ១២៧៥២ ខ្នង របើកដំបូលសាលារៀន ៩២ ខ្នង តូបផ្សារ ១៧៨ តូប អគាររដ្ឋបាល ៣៩ កន្លែង ស្លាប់មនុស្ស ៩ នាក់ និងរបួស ១៧០ នាក់។

លោកបានបន្តថា ក្នុងចំណោមផ្ទះរលំ និងរបើកដំបូលជិត ១៥០០០ ខ្នង ក្នុងនោះនៅខេត្តឧត្តរមានជ័យប៉ះពាល់ជាង ១៣៧០ ខ្នង ខេត្តបន្ទាយមានជ័យជាង ១២០០ ខ្នង ខេត្តបាត់ដំបងជាង ១៨៦០ ខ្នង ខេត្តកំពង់ស្ពឺជាង ៩០០ ខ្នង ខេត្តក្រចេះជាង ១០០០ ខ្នង ខេត្តកំពង់ចាមជិត ៧០០ ខ្នង និងខេត្តតាកែវជាង ៦០០ ខ្នង៕

អត្ថបទ ៖ សំអឿន