ព័ត៌មានជាតិ
ពេលវេលាបើកបវេសនកាលឆ្នាំថ្មីនឹងត្រូវចាប់ផ្ដើមនៅថ្ងៃទី១ ខែក្រោយ
ក្រសួងអប់រំយុវជន និងកីឡាបានប្រកាសបើកបវេសនកាលឆ្នាំសិក្សាថ្មី ២០២៣-២០២៤ នៅថ្ងៃទី០១ខែធ្នូឆ្នាំ២០២៣ខាងមុខ ខណៈឆ្នាំនេះមិនមានការឈប់សម្រាកវិស្សមកាលធំ ឬវ៉ាកងធំទេពោលគឺសិស្សត្រូវរៀនរហូតដល់ថ្ងៃទី៣០វិច្ឆកា។
![](https://www.kampucheathmey.com/wp-content/uploads/2023/11/399370284_729194692567290_819541009035868898_n-1024x683.jpg)
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជន និងយុវជននិងកីឡាបានមានប្រសាសន៍ថា ឆ្នាំនេះមិនមានការឈប់សម្រាកវ៉ាកងធំទេគឺសិស្សត្រូវរៀនរហូតដល់ថ្ងៃទី ៣០ ខែវិច្ឆិកា និងបើកបវេសនកាលឆ្នាំសិក្សាថ្មីនៅថ្ងៃទី ០១ ខែធ្នូ ឆ្នាំ២០២៣ខាងមុខ។
លោកឧបនាយករដ្ឋមន្ត្រីបានពន្យល់ថា ការមិនមានការវ៉ាកងធំនេះដោយសារតែក្រសួងបានបើកបវេសនកាលឆ្នាំសិក្សាថ្មីនៅថ្ងៃទី ០២ ខែមករា ឆ្នាំ២០២៣បន្ទាប់ពីមានបញ្ហាកូវីដ១៩ នៅឆ្នាំ២០២២ និងកម្ពុជាមានរៀបចំកិច្ចប្រជុំកំពូលអាស៊ាន។
![](https://www.kampucheathmey.com/wp-content/uploads/2023/11/322334494_1153747965277410_8636114142057674874_n-1024x682.jpg)
លើសពីនេះទៀតឆ្នាំ២០២៣នេះក៏មានការរៀបចំការប្រកួតកីឡាស៊ីហ្គេម និងប៉ារ៉ាហ្គេមដែលក្រសួងបានអនុញ្ញាតឱ្យសិស្សឈប់សម្រាកបន្ទាប់ពីវិស្សមកាលតូច ឬវ៉ាកងតូច។
ថ្លែងប្រាប់អ្នកសារព័ត៌មានក្នុងឱកាសអញ្ជើញបើកប្រធានវិញ្ញាសាប្រឡងនៅថ្ងៃទី ៦ វិច្ឆកានៅវិទ្យាល័យព្រះស៊ីសុវត្តិ លោក ឧបនាយករដ្ឋមន្ត្រីបានបន្តទៀតថា នៅក្នុងឱកាសបើកបវេសនកាលឆ្នាំថ្មីថ្ងៃទី០១ ធ្នូ ក្រសួងនឹងផ្សព្វផ្សាយកម្មវិធីគោលនយោបាយវិស័យអប់រំថ្មីរបស់សម្តេចមហាបវរធិបតីហ៊ុនម៉ាណែតនាយករដ្ឋមន្ត្រីនៃព្រះរាជនាចក្រកម្ពុជា។
លោកឧបនាយករដ្ឋមន្ត្រីបានបន្ថែមថា៖ «កន្លងមកយើងមានយុទ្ធសាស្ត្រចតុកោណដែលយកកក្តាធនធានមនុស្សទី១ បន្ទាប់មកទឹក ផ្លូវភ្លើងតែឥឡូវនេះចូលដល់យុទ្ធសាស្ត្របញ្ចកោណបន្ថែមនូវបច្ចេកវិទ្យានិងវិទ្យាសាស្ត្រក៏យកធនធានមនុស្សជាវិស័យសំខាន់ទី១»។
លោកឧបនាយករដ្ឋមន្ត្រីបានបញ្ជាក់ថា ក្នុងនោះគឺពង្រឹងអភិបាលកិច្ចសាលារៀនការរៀបចំការសិក្សាក្រៅម៉ោងដើម្បីលើកកម្ពស់ការអប់រំសីលធម៌ចរិយាធម៌ដូចជាការងារស្ម័គ្រចិត្តរបស់យុវជនការងារជួយសហគមន៍ស័្វសិក្សាជាដើម។
ការលើកម្ពស់សុខភាពសិក្សាធ្វើឱ្យសិស្សមានសុខភាពល្អនិងភាពជាដៃគូរដ្ឋនិងសហគមន៍ដើម្បីការអប់រំ។
លោកឧបនាយករដ្ឋមន្ត្រីបានបន្ថែមទៀតថា ចំណុចទាំងអស់នេះក្រសួងនឹងដាក់បញ្ចូលទៅក្នុងស្តង់ដាសាលារៀនគំរូហើយនៅថ្ងទី០១ធ្នូក្រសួងនឹងផ្សព្វផ្សាយដើម្បីអនុវត្តឱ្យបានទូលំទូលាយដល់គ្រប់សាលាដើម្បីប្រកួតប្រជែងទទួលបានពានរង្វាន់សម្តេចធិបតី ហ៊ុន ម៉ាណែត៕
អត្ថបទ៖ សំអឿន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៧ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៥ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល