ព័ត៌មានជាតិ
អភិបាលខណ្ឌច្បារអំពៅ ចុះបញ្ជាកម្លាំងដោយផ្ទាល់ ក្រោយចរាចរណ៍ផ្លូវជាតិលេខ១ មានការកកស្ទះខ្លាំង
បន្ទាប់ពីស្ថានភាពចរាចរណ៍ផ្លូវជាតិលេខ១ ( ចំណុចត្រើយខាងកើតគល់ស្ពានព្រះមុន្នីវង្ស ) ត្រូវបានកកកុញស្ទះណែនណាន់តាន់តាប់ នៅព្រឹកថ្ងៃទី០៨ ខែកុម្ភៈ ឆ្នាំ២០២១ គេសង្កេតឃើញវត្តមានរបស់លោក ចេង មុនីរ៉ា អភិបាលខណ្ឌច្បារអំពៅ បានចុះដោយផ្ទាល់ដល់ទីតាំងកកស្ទះ ដើម្បីបញ្ជាដល់កម្លាំងសណ្តាប់ធ្នាប់ខណ្ឌ និងនគរបាលចរាចរណ៍ ក្នុងការឈរសម្រួល និងរំដោះការកកកុញស្ទះ។
ការកកស្ទះខាងលើ គឺមានចម្ងាយប្រមាណ ៣គីឡូម៉ែត្រ គិតចាប់ពីបុរីប៉េងហួតបឹងស្នោរ ដល់ចំណុចគល់ស្ពានព្រះមុន្នីវង្សចាស់ថ្មី នៃខណ្ឌច្បារអំពៅ រាជធានីភ្នំពេញ។
លោក ចេង មុនីរ៉ា ឲ្យដឹងថា មូលហេតុ នៃការកកស្ទះ គឺដោយសារក្រុមការងារជំនាញ បាននឹងកំពុងជួសជុលបង្កាន់ដៃស្ពាន និងកន្លែងថ្មើរជើង នៃស្ពានព្រះមុន្នីវង្សចាស់ ដែលបានខូចខាត ដោយការជួសជុលនោះ គឺត្រូវជួសជុលប្រវែង៣ម៉ែត្រសងខាង ប៉ុន្តែជួសជុលត្រូវជួសជុលម្តងម្ខាង។ ដែលកត្តានេះហើយធ្វើស្ថានភាពចរាចរណ៍នៅលើស្ពានហាក់មានភាពចង្អៀត ទើបបង្កឲ្យមានជាការកកស្ទះ នៅបែកខាងច្បារអំពៅ។ ទន្ទឹមនឹងការជួសជុលនោះ លោកអភិបាលខណ្ឌក៏បានដាក់កម្លាំងនគរបាល និងកម្លាំងសណ្តាប់ធ្នាប់សង្កាត់ខណ្ឌជាច្រើននាក់ ក្នុងការចុះជួយសម្រួល ដល់ការកកស្ទះជាប្រចាំ ផងដែរ នៅតាមបណ្តាគោលដៅសំខាន់ៗ ពិសេសចំណុចស្តុបផ្សារច្បារអំពៅ និងនៅលើស្ពានព្រះមុន្នីវង្សចាស់ជាដើម ។
គួរបញ្ជាក់ថា នាពេលបច្ចុប្បន្ននេះ ប្រទេសកំពុងស្ថិតក្នុងការអភិវឌ្ឍន៍កាន់តែជឿនលឿនទៅមុខ ធ្វើឲ្យហេដ្ឋារចនាសម្ព័ន្ធផ្សេងៗក្នុងប្រទេសមានការរីកលូតលាស់ ពិសេសនោះកំណើនយានយន្ត និងយាន្តជំនិះ ក៏មានការលក់កើនឡើងយ៉ាងសន្ធប់ ស្របនឹងកំណើន ប្រជាជនបច្ចុប្បន្នក៏ច្រើនផងដែរ ។ កត្តា នៃការកើនឡើង នៃចំនួនប្រជាជន និងយានយន្ត ឬយានជំនិះនេះហើយ ក៏ជាផ្នែកមួយតូច ដែលបង្កឲ្យមាននូវការកកស្ទះចរាចរណ៍នៅតាមដងផ្លូវ ផងដែរ ពិសេសនោះ គឺការកកកុញស្ទះនៅពេលព្រឹកឡើងម៉ោង៧ និងល្ងាចម៉ោង៥ ដែលជាវេលាដែលបងប្អូនពលរដ្ឋចេញទៅ ឬមកពី ធ្វើការងារ ទៅរកស៊ី ទៅរៀនទៅសូត្រ ជាដើម ។
សូមចូលរួមគោរពច្បាប់ចរាចរណ៍ទាំងអស់គ្នា ដោយបើកបរចេះគោរពអធ្យាស្រ័យគ្នាទៅវិញទៅមក មិនបំពានគ្នា គោរពភ្លើងស្តុប និងពាក់មួកសុវត្ថិភាព និងបំពាក់កញ្ចក់ឲ្យបានខ្ជាប់ខ្ជួនជានិច្ច ដើម្បីអាយុជីវិតអ្នក និងអាយុជីវិតអ្នកដំណើរដទៃទៀត៕
អត្ថបទ៖ នរា
លោកស្រី ឱ វណ្ណឌីន៖ វ៉ាក់សាំង តែមួយមុខមិនមែនជាដំណោះស្រាយមាសទប់ស្កាត់ការចម្លងកូវីដ-១៩ឡើយ
សាលារៀន ២ កន្លែងនៅភ្នំពេញយកធ្វើជាមណ្ឌលចត្តាឡីស័កសាជាថ្មី ក្រោយផ្ទុះព្រឹត្តិការណ៍២០កុម្ភៈ
ប៉ូលិសមីយ៉ាន់ម៉ាបាញ់សម្លាប់បាតុករ២នាក់ទៀត ខណ:បាតុកម្មកាន់តែពុះកញ្ជ្រោល
បុរសឥណ្ឌា ត្រូវមាន់ខ្លួនឯងចាក់មួយខ្នាយស្លាប់ ពេលរៀបយកទៅជល់
តារាចម្រៀង កង ឧស្សាហ៍ ស្នើឲ្យសមត្ថកិច្ចជួយរកយុត្តិធម៌
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ2 days agoវេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត
-
ព័ត៌មានអន្ដរជាតិ5 days agoរឿងមួយកុំធ្វើដាច់ខាត ក្រោយចាក់វ៉ាក់សាំងកូវីដ
-
ជីវិតកម្សាន្ដ1 week agoមិនដល់១ឆ្នាំផង ហង្សមាសរបូតតារាចម្រៀងល្បីដល់ទៅ២រូបពីចេញទ្រនំខ្លួន
-
ព័ត៌មានជាតិ1 week agoទីតាំងអាជីវកម្ម១៣ កន្លែងត្រូវអាជ្ញាធរបិទបណ្តោះអាសន្ន ពាក់ព័ន្ធព្រឹត្តិការណ៍ ២០ កុម្ភៈ
-
ព័ត៌មានជាតិ7 days agoសង្ស័យបុគ្គលិកភោជនីយដ្ឋាន នៅក្រុងតាខ្មៅ ពាក់ព័ន្ធព្រឹត្តិការណ៍ ២០ កុម្ភៈ
-
ព័ត៌មានអន្ដរជាតិ1 week agoក្រោយទទួលស្គាល់មានទាហាន៤នាក់ស្លាប់ ពេលនេះចិន បញ្ចេញវីដេអូប្រយុទ្ធជាមួយឥណ្ឌា
-
ព័ត៌មានជាតិ1 week agoទីតាំងកម្សាន្តជាច្រើនកន្លែង ត្រូវអាជ្ញាធរខណ្ឌច្បារអំពៅ ចុះផ្អាកបណ្ដោះអាសន្ន បន្ទាប់ពីផ្ទុះជំងឺកូវីដ១៩ថ្មីៗនេះ
-
ព័ត៌មានជាតិ1 week agoឃាត់ខ្លួនស្រ្ដីជនជាតិវៀតណាម៧នាក់ ខណៈដាក់ត្រួតពិនិត្យគោលដៅចត្តាឡីស័ក
