ព័ត៌មានជាតិ
អ្នកនាំពាក្យ លើកទឹកចិត្តបេក្ខជនប្រឡងធ្លាក់បាក់ឌុប កុំអស់សង្ឃឹម នៅមានជម្រើសច្រើនទៀត
អ្នកនាំពាក្យក្រសួងអប់រំ យុវជន និងកីឡា បានលើកទឹកចិត្តដល់បេក្ខជនប្រឡងធ្លាក់បាក់ឌុប សូមកុំអស់សង្ឃឹម ព្រោះថានៅមានជម្រើសផ្សេងៗ ជាច្រើនទៀត សម្រាប់ធ្វើដំណើរទៅថ្ងៃអនាគត ខណៈលទ្ធផល នៃការប្រឡងបាក់ឌុប នឹងប្រកាសនៅចុងខែនេះ។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍នៅរសៀលថ្ងៃទី ១៣ វិច្ឆិកានេះថា ប្រឡងបាក់ឌុបដែលបានបញ្ចប់នៅពេលថ្មីៗនេះ តែងតែមានអ្នកជាប់ និងធ្លាក់ វាជារឿងធម្មតា នៃដំណើរការប្រឡង។
លោកស្រីបានបន្តថា សម្រាប់បេក្ខជនដែលមិនទទួលបានលទ្ធផលល្អនៅក្នុងការប្រឡងឆ្នាំនេះ អាចមានជម្រើសជ្រើសច្រើន ក្នុងនោះអាចរៀនថ្នាក់ទី ១២ ឡើងវិញ ដើម្បីប្រឡងឆ្នាំក្រោយ ឬមួយអាចទៅបំពេញការងារបាន តែអាចដាក់ពាក្យប្រឡងពេលប្រកាសទទួលពាក្យប្រឡងក្នុងបេក្ខជនស្វៃរិន ឬអាចទៅចាប់យកជំនាញបច្ចេកទេស ឬរៀនផ្នែកបរិញ្ញាបត្ររងនៅក្នុងការជ្រើសរើសយកជំនាញដូចគ្នា ឬបន្តការសិក្សានៅតាមសាកលវិទ្យាល័យ។
លោកស្រីបានបន្តទៀតថា «អីចឹងក្នុងន័យនេះ ខ្ញុំចង់បញ្ជាក់ថា ការប្រឡងបាក់ឌុបមិនជាប់មិនមែនមានន័យថាសិស្សមិនទទួលបានជោគជ័យក្នុងឆាកជីវិតនោះទេ ពីព្រោះថា ជីវិតនឹងមានជម្រើសផ្សេងៗ ទៀត ប្អូនៗ ត្រូវតែស្វែងយល់ពីខ្លួនឯងឲ្យបានច្បាស់លាស់អំពីចំណង់ចំណូលចិត្ត និងទេពកោសល្យដែលខ្លួនមាន ក៏ដូចជាគោលដៅដែលខ្លួនចង់បាន។ ជារួមប្អូនៗ ត្រូវសួរខ្លួនឯងថា ត្រូវធ្វើអ្វី ត្រូវសិក្សាបន្តទៀត ឬចាប់យកអាជីពដែលខ្លួនមានបំណិនស្រាប់ហើយបន្តទៅថ្ងៃអនាគតបន្តទៀត»។
លោកស្រីបានបន្ថែមថា «ប្អូនៗ អាចមានជម្រើសផ្សេងជាច្រើនទៀត ដោយសារតែប្រទេសកម្ពុជាបច្ចុប្បន្នត្រៀមខ្លួនក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ ២០២៣០ ក៏ដូចជាប្រទេសមានប្រាក់ចំណូលខ្ពស់នៅឆ្នាំ ២០៥០ ប្រទេសយើងនឹងទទួលវិនិយោគិនពីក្នុង និងក្រៅប្រទេសច្រើន ក្នុងនោះទាមទាររកអ្នកជំនាញបច្ចេកទេសច្រើនដែលត្រូវបំពេញការងារតម្រូវការទាំងសេវាកម្មរោងចក្រ និងការងារផ្សេងៗទៀត ដែលអាចជ្រើសរើសទៅតាមចំណង់ចំណូលចិត្ត។ លើសពីនេះ រាជរដ្ឋាភិបាល ក៏បានលើកទឹកចិត្តឲ្យមានសហគ្រាសធុនតូច និងមធ្យម ដែលប្អូនៗអាចចាប់យកអាជីវកម្មណាមួយក្លាយជាសហគ្រិនប្រកបមុខរបររកស៊ីដោយខ្លួនឯងក៏បាន»។
ជាមួយគ្នានេះ លោកស្រី បានលើកទឹកចិត្តដល់បេក្ខជនប្រឡងជាប់ ត្រូវសិក្សាខ្លួនឯងដោយស៊ីជម្រៅ ដើម្បីជ្រើសរើសយកអាជីពដែលខ្លួនមានទេពកោសល្យចូលចិត្ត និងបំណងប្រាថ្នាប្រកបវិជ្ជាជីវៈនោះនៅពេលថ្ងៃអនាគត ដើម្បីរៀនបន្តក្នុងផ្នែកនេះឲ្យកាន់តែពូកែ ព្រោះថា កម្ពុជា មានសាកលវិទ្យាល័យជាច្រើន ទាំងរដ្ឋ និងឯកជន មានគុណភាព ហើយប្អូនៗ អាចមានឱកាសដាក់អាហារូបករណ៍ទៅសិក្សានៅក្រៅប្រទេសផងដែរ។
គួរបញ្ជាក់ថា ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៦ វិច្ឆិកា ២០២៣ បានប្រព្រឹត្តទៅរយៈពេលពីរថ្ងៃ នៅថ្ងៃទី ៦ និងទី ៧ ខែវិច្ឆិកា ឆ្នាំ ២០២៣ ដែលមានបេក្ខជនចុះឈ្មោះប្រឡងសរុបចំនួន ១៣៧.៤១២ នាក់ ស្រី ៧៣.២៧៨ នាក់ ចែកជា ២២៧ មណ្ឌលប្រឡង ត្រូវជា ៥.៥៤៣ បន្ទប់។
ក្រសួងអប់រំ យុវជន និងកីឡា គ្រោងនឹងប្រកាសលទ្ធផលប្រឡងនៅថ្ងៃទី ២៧ ខែវិច្ឆិកា ឆ្នាំ ២០២៣ សម្រាប់រាជធានីភ្នំពេញ និងខេត្តកណ្ដាល និងថ្ងៃទី ២៨ ខែវិច្ឆិកា ឆ្នាំ ២០២៣ សម្រាប់ខេត្តផ្សេងទៀត ព្រមទាំងមានផ្សាយនៅលើទំព័រហ្វេសប៊ុកផ្លូវការក្រសួងអប់រំ យុវជន និងកីឡា៕
អត្ថបទ ៖ សំអឿន
ស្ទឹងសៀមរាបមិនមែនកើតពីធម្មជាតិ ឆ្លងកាត់ការជីកដោយមនុស្សជំនាន់អាណាចក្រខ្មែរ
ឆន ស្រីណេត ផ្តាំអ្នកវែកញែកមិនឃើញតម្លៃការខិតខំថ្នាក់ដឹកនាំថា “គួររួបរួមសាមគ្គីគ្នាទៅល្អជាង”
លោកជំទាវស្ត្រីទី១៖ជាគ្រូពេទ្យទាមទារទំនួលខុសត្រូវខ្ពស់ ប្រឈមជំងឺបាក់ទឹកចិត្តខ្លាំង ហើយបញ្ហានេះអាចធ្វើឱ្យគ្រូពេទ្យសម្លាប់ខ្លួនបាន
ច្រកព្រំដែនអានសេះ បើកដំណើរការធម្មតា អាជ្ញាធរអំពាវនាវពលរដ្ឋ កុំជឿតាមការផ្សាយរបស់សារព័ត៌មានបរទេសមួយចំនួន
លោក នេត្រ ភក្ត្រា ៖ កុមារា កុមារី ជាទំពាំងស្នងឫស្សីសម្រាប់ជាតិ និងជាអ្នកបន្តវេនដ៏មានសក្ដានុពល
សមត្ថកិច្ចខណ្ឌទួលគោក ស្រាវជ្រាវឃាត់ខ្លួនជនសង្ស័យ ១ នាក់ បើកទូរ៉ឺម៉កពលរដ្ឋលួចទឹកដោះគោ នៅកណ្ដាលផ្លូវ
ច្រកព្រំដែនអានសេះ បើកដំណើរការធម្មតា អាជ្ញាធរអំពាវនាវពលរដ្ឋ កុំជឿតាមការផ្សាយរបស់សារព័ត៌មានបរទេសមួយចំនួន
លោកជំទាវ ពេជ ចន្ទមុន្នី៖ ពេលកូនឈឺ ម្ដាយឳពុកភ័យណាស់ ទោះពេទ្យនៅឆ្ងាយ យប់ជ្រៅប៉ុណ្ណា ក៏បញ្ជូនទៅដែរ ព្រោះជីវិតកូន ជាទ្រព្យមិនអាចកាត់ថ្លៃបានឡើយ
លោកជំទាវស្ត្រីទី១៖ជាគ្រូពេទ្យទាមទារទំនួលខុសត្រូវខ្ពស់ ប្រឈមជំងឺបាក់ទឹកចិត្តខ្លាំង ហើយបញ្ហានេះអាចធ្វើឱ្យគ្រូពេទ្យសម្លាប់ខ្លួនបាន
សមាជិក ប.ស.ស ទទួលបានសេវាបង្ការសុខភាពចំនួន ៦ ពីមូលដ្ឋានសុខាភិបាលសាធារណៈជាដៃគូ ប.ស.ស
-
ព័ត៌មានជាតិ៣ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម១ សប្តាហ៍ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៦ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ២ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សន្តិសុខសង្គម១ សប្តាហ៍ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ២ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
ព័ត៌មានជាតិ៤ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៤ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ