ព័ត៌មានជាតិ
វគ្គបណ្តុះបណ្តាលតម្រង់ទិសសមាជិកក្រុមប្រឹក្សារាជធានី ខេត្ត បញ្ចប់ដោយលទ្ធផលវិជ្ជមាន
វគ្គបណ្តុះបណ្តាល ស្តីពី ការតម្រង់ទិសដល់សមាជិកក្រុមប្រឹក្សារាជធានី ខេត្ត និង ការផ្ទេរមុខងារទៅរដ្ឋបាលថ្នាក់ក្រោមជាតិ រៀបចំធ្វើឡើងកម្រងទី១ សម្រាប់សមាជិក-សមាជិកា ក្រុមប្រឹក្សារាជធានីភ្នំពេញ និងសមាជិក-សមាជិកាខេត្តកោះកុង បានបញ្ចប់ទៅប្រកបដោយលទ្ធផលជាវិជ្ជមាន ព្រឹកថ្ងៃទី២៣ ខែវិច្ឆិកា ឆ្នាំ២០២៣នេះ ក្រោមអធិបតីភាព លោក ម៉ប់ សារិន ប្រធានក្រុមប្រឹក្សារាជធានីភ្នំពេញញ និងជាប្រធានសមាគមជាតិក្រុមប្រឹក្សារាជធានី-ខេត្ត។
លោក ម៉ប់ សារិន បានលើកឡើងថា វគ្គបណ្តុះបណ្តាលនេះ បានដំណើរការអស់រយៈពេល ១ថ្ងៃកន្លះ នៅរាជធានីភ្នំពេញ បានដល់ពេលបញ្ចប់ ប្រកបដោយលទ្ធផលជា វិជ្ជមានតាមរបៀបវារៈដែលបានគ្រោងទុក។ លោកថា បើទោះបីការបណ្តុះបណ្តាលនេះមានរយៈពេលខ្លី ប៉ុន្តែទទួលបានចំណេះដឹង បទពិសោធន៍ថ្មីៗ តាមរយៈ ការសម្របសម្រួលរបស់ក្រុមគ្រូឧទ្ទេស ពិសេសបានពិភាក្សាគ្នា ចែករំលែក ផ្លាស់ប្ដូរបទពិសោធន៍ ល្អៗឱ្យគ្នាទៅវិញទៅមក លើការអនុវត្តតួនាទី ភារកិច្ចរបស់ក្រុមប្រឹក្សារាជធានី-ខេត្ត។
លោកស្នើឱ្យខិតខំស្វែងយល់បន្ថែមទៀត អំពីច្បាប់ ស្តីពី គ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ និងលិខិតបទដ្ឋានគតិយុត្តនានាដែលពាក់ព័ន្ធ ដើម្បីបង្កើនចំណេះដឹង សមត្ថភាព ក្នុងការអនុវត្តតួនាទី ភារកិច្ចរបស់ខ្លួនឱ្យកាន់តែមានប្រសិទ្ធភាព តម្លាភាព គណនេយ្យភាព បរិយាប័ន្ន និងសមធម៌សង្គម។
លោក ម៉ប់ សារិន បន្តថា កម្រងទី១ របស់សមាគមជាតិក្រុមប្រឹក្សារាជធានី-ខេត្តចែកចេញជា ពីរវគ្គ វគ្គទីមួយ នៅថ្ងៃទី២២-២៣ ខែវិច្ឆិកា ឆ្នាំ២០២៣នេះ មានក្រុមប្រឹក្សា-រាជធានីភ្នំពេញ និងក្រុមប្រឹក្សាខេត្តកោះកុង និងវគ្គទីពីរ ខេត្តព្រះសីហនុ ត្រូវបានកំណត់យកជា ទីកន្លែងសម្រាប់ការបណ្តុះបណ្តាលសមាជិកក្រុមប្រឹក្សាខេត្តកំពង់ស្ពឺ, ខេត្តព្រះសីហនុ និងខេត្តកំពត។
លោកអរគុណ ចំពោះគ្រូឧទ្ទេស ថ្នាក់ដឹកនាំ អ្នកពាក់ព័ន្ធ និងមន្ត្រី នៃអគ្គលេខាធិការដ្ឋានសមាគមក្រុមប្រឹក្សារដ្ឋបាលថ្នាក់ក្រោមជាតិ ព្រមទាំងមន្ត្រី នៃការិយាល័យលេខាធិការក្រុមប្រឹក្សា-រាជធានីភ្នំពេញ ដែលបានជួយរៀបចំ គាំទ្របច្ចេកទេស សម្របសម្រួលដល់វគ្គបណ្តុះបណ្តាលនេះ ដំណើរការទៅបានដោយរលូន។ ចំណុចសំខាន់ដែលបានលើកឡើងជាសំណូមពរ ក៏ដូចជាការពិភាក្សានៅក្នុងវគ្គបណ្តុះបណ្តាលនេះត្រូវបានកត់សម្គាល់ ព្រមទាំងទុកជាធាតុចូលសម្រាប់ថ្នាក់ដឹកនាំប្រជុំពិនិត្យ និងពិភាក្សា៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង