សាកលវិទ្យាល័យក្រចេះជាសាកលវិទ្យាល័យវ័យក្មេងមួយដែលទើបចាប់កំណើត នៅភូមិភាគឦសាន

សាកលវិទ្យាល័យក្រចេះ គឺជាសាកលវិទ្យាល័យវ័យក្មេងមួយដែលទើបចាប់កំណើត នៅភូមិភាគឦសាននៃព្រះរាជា​ណាចក្រកម្ពុជា ដែលត្រូវបានដាក់សម្ពាធឲ្យប្រើប្រាស់ជាផ្លូវការកាលពីថ្ងៃទី២៥ ខែមេសា ឆ្នាំ២០១៨ ក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន ។

លោក គី វិសាល សាកលវិទ្យាធិការរង នៃសាកលវិទ្យាល័យក្រចេះ បានលើកឡើងថា សាកលវិទ្យាល័យក្រចេះតែងតែបើកចំហរនូវក្នុងការទទួលសហការជាមួយគ្រប់ដៃគូអភិវឌ្ឍន៍ ពាក់ព័ន្ធទៅនឹងការបណ្តុះបណ្តាល ដែល​សកលវិទ្យាល័យ​ក្រចេះកំពុងតែធ្វើ។

សាកលវិទ្យាធីការរងបញ្ជាក់ថា «គិតមកដល់ពេលនេះសកលវិទ្យាល័យក្រចេះ បានដាក់ឲ្យដំណើរការមានរយៈពេល៦ឆ្នាំ ហើយទាក់ទងទៅនឹងកិច្ចសហប្រតិបត្តិការជាមួយដៃគូ គឺសាកលវិទ្យាល័យក្រចេះតែងតែបើកចំហរនូវក្នុងការទទួលសហការជាមួយគ្រប់ដៃគូអភិវឌ្ឍន៍ ពាក់ព័ន្ធទៅនឹងការបណ្តុះបណ្តាល ដែលសកលវិទ្យាល័យក្រចេះកំពុងតែធ្វើ» ។

លោកគូសបញ្ជាក់ថា ចាប់ពីឆ្នាំ២០២២ ដល់ឆ្នាំ២០២៣នេះ សកលវិទ្យាល័យក្រចេះ បានរៀបចំដៃគូសហការជាមួយស្ថាប័នមួយចំនួនដូចជា ទី១. សកលវិទ្យាល័យក្រចេះ មានដៃគូសហការជាមួយសកលវិទ្យាល័យណាហ្គាស៊ីធីប្រទេសជប៉ុន ទៅលើការស្រាវជ្រាវពាក់ព័ន្ធជាមួយនឹងត្រីកំពត នៅសកលវិទ្យាល័យក្រចេះជារៀងរាល់ឆ្នាំ។ ទី២. សកលវិទ្យាល័យក្រចេះ មានដៃគូសហការជាមួយសកលវិទ្យាល័យប្រទេសហ្វីលីពីន ទៅការបណ្តុះបណ្តាលផ្នែកភាសាអង់គ្លេស។ លោកបានឲ្យដឹងទៀតថា ក្រៅពីប្រទេសហ្វីលីពីន សកលវិទ្យាល័យក្រចេះក៏មានការសហការជាមួយនឹង ដៃគូអភិវឌ្ឍន៍នៅក្នុងស្រុកមាន អង្គការ GIZ ក្នុងការជួយគាំទ្រផ្នែកហិរញ្ញវត្ថុ ក៏ដូចជាបច្ចេកទេសទៅដល់និស្សិតរបស់យើងដើម្បីសរសេរបញ្ចប់សរណៈបទចំនួន ៦នាក់ផងដែរ ។

សាកលវិទ្យាល័យក្រចេះ បានផ្តល់អាហារូបបករណ៍ដល់សិសានុសិស្សជាច្រេីន និងផ្តល់កន្លែងស្នាក់នៅថែមទៀត។
ជាមួយគ្នានោះផងដែរ ប្អូនប្រុសឈ្មោះ ធី មុង ជានិស្សិតឆ្នាំទី២ ជំនាញផ្នែកជលផល នៃសាកលវិទ្យាល័យក្រចេះ បានលេីកឡេីងថា ប្អូនពិតជាអរគុណខ្លាំងមែនទែនសម្រាប់សាលាដែលបានផ្តល់អាហារូបករណ៍១០០%ដល់រូបគាត់ ហេីយមូលហេតុដែលធ្វេីឱ្យរូបគេសិក្សាផ្នែកជលផលនេះ ដោយសារតែការស្រលាញ់ចូលចិត្តជំនាញនេះ ហេីយថ្ងៃអនាគតរូបគេនឹងបេីកកសិដ្ឋានចិញ្ចឹមត្រីដេីម្បីផ្គត់ផ្គង់ដល់ប្រជាពលរដ្ឋក្នុងស្រុក។

ដោយឡែកប្អូនប្រុសឈ្មោះ ធឿន ពី ជានិស្សិតឆ្នាំ២ ជំនាញវិទ្យាសាស្ត្រដី និងដំណាំ បានប្រាប់ថា ថ្ងៃអនាគតរូបគេនិងបេីកការដ្ឋានដាំដុះដំណាំដេីម្បីចិញ្ចឹមជីវិត ហេីយក៏អគុណសាលាដែលបានផ្តល់អាហារូបករណ៍១០០%ដល់រូបគេថែមទាំងផ្តល់កន្លែងស្នាក់នៅថែមទៀត៕

អត្ថបទ៖ សុខា