ព័ត៌មានជាតិ
អាជ្ញាធរនឹងអនុវត្តវិធានការច្បាប់ក្នុងករណីមិនរុះរើបែរចិញ្ចឹមត្រីចេញពីស្ទឹងសង្កែ
បច្ចុប្បន្នគេសង្កេតឃើញថា ទឹកស្ទឹងសង្កែហាក់មានសភាពហ្នឹង ព្រមទាំងឡើងពណ៌ស្លែខៀវពេញស្ទឹង និងមិនមានសភាពថ្លា ថែមទាំងមានក្លិនឆ្អាបទៀតផង ដែលបញ្ហានេះអាចគួបផ្សំទៅនឹងកត្តាជាច្រើនយ៉ាង។
គួរបញ្ជាក់ថា រយៈកាលប៉ុន្មានឆ្នាំកន្លងមកនេះនៅក្នុងទឹកស្ទឹងសង្កែគេសង្កេតឃើញមានបែរចិញ្ចឹមត្រីជាច្រើនកន្លែងដែលសរុបមិនក្រោមពី៤០ទីតាំង ចាប់តាំងពីផ្សារលើរហូតដល់ភូមិស្លក្រាម ដោយសារតែការធូរលុងរបស់មន្ត្រីជំនាញដែលធ្វើឲ្យបែរទាំងនេះកាន់តែរីករាលដាលច្រើនឡើងៗ ដោយកន្លងមកលោក ជួង សុភា នាយខណ្ឌជលផលខេត្តបាត់ដំបង ចេះតែបន្តឱសានវាទ ពីមួយខែទៅមួយខែក្នុងការកំណត់ពេលវេលាឲ្យរុះរើបែរចេញពីក្នុងស្ទឹង បើទោះបីជាមានការប្រជុំគណៈបញ្ជាការឯកភាពខេត្តលើកឡើងអំពីបញ្ហានេះក៏ដោយ។
ថ្មីៗនេះក៏មានការកោះហៅប្រជុំពីសំណាក់លោកអភិបាលខេត្ត សុខ លូ ជាមួយមន្ទីរពាក់ព័ន្ធដូចជា មន្ទីរធនធានទឹក និងឧតុនិយម អង្គភាពរដ្ឋាករទឹក មន្ទីរបរិស្ថាន និងមន្ទីរកសិកម្ម ដែលមាននាយខណ្ឌជលផលជាតំណាង បានដាក់ផែនការយ៉ាងតឹងរឹងទៅលើម្ចាស់បែរចិញ្ចឹមត្រីដោយផ្ដល់ឱសានវាទចុងក្រោយ ត្រឹមដំណាច់ខែធ្នូ ឆ្នាំ២០២៣ ធ្វើយ៉ាងណាត្រូវចាប់ត្រីចេញឲ្យអស់ និងត្រូវរុះរើឧបករណ៍ចេញពីក្នុងស្ទឹងសង្កែ បើមិនដូច្នោះទេរដ្ឋបាលខេត្ត នឹងចាត់វិធានការតាមផ្លូវច្បាប់ ដោយនៅពេលនោះដែររដ្ឋបាលខេត្តបានចាត់តាំងលោក ធូ ភា ជាអភិបាលរងខេត្តទទួលបន្ទុកការងារសន្តិសុខ ឲ្យដឹកនាំក្រុមជំនាញចុះពិនិត្យលើបញ្ហានេះ។
លោក កត បូរ៉ាន់ ប្រធានមន្ទីរបរិស្ថានខេត្តក៏បានទទួលស្គាល់ថា បែរចិញ្ចឹមត្រីទាំងនេះវាជាកត្តាមួយនៅក្នុងកត្តាជាច្រើនដែលអាចបង្កឲ្យខូចបរិស្ថានទឹកដូចជាការដាក់ចំណីត្រី ឬកាកសំណល់ផ្សេងៗដែលហូរចេញពីបែរទាំងនេះ ហើយលោកក៏បានចូលរួមប្រជុំនៅក្នុងសាលាខេត្តផងដែរ ដែលក្នុងនោះគឺរដ្ឋបាលខេត្តបានចាត់តាំងឲ្យលោក ធូ ភា ជាអ្នកដឹកនាំកម្លាំង។
តាមរយៈទូរស័ព្ទ លោកអភិបាលរងខេត្ត ធូ ភា បានបញ្ជាក់ថា លោកកំពុងចូលរួមពិធីជួបជាមួយសិស្សនិសេសA នៅឯទីក្រុងភ្នំពេញដូច្នេះលោកមិនបានបកស្រាយជុំវិញបញ្ហាចុះប្រតិបត្តិការរឿងនេះឡើយ។ ដោយឡែកលោក ជួង សុភា នាយខណ្ឌរដ្ឋបាលជលផលបានបញ្ជាក់យ៉ាងច្បាស់កាលពីម្សិលមិញនេះថា កិច្ចប្រជុំបានកំណត់ឱសានវាទត្រឹមចុងខែ ១២ ឆ្នាំ២០២៣ នេះ ដោយបញ្ជាឲ្យម្ចាស់បែរទាំងអស់ធ្វើការរុះរើបែរចេញពីក្នុងស្ទឹងសង្កែ បើបុគ្គលណាមួយមិនព្រមអនុវត្តតាមបទបញ្ជានេះទេ គឺរដ្ឋបាលខេត្តនិងមានវិធានការតាមផ្លូវច្បាប់។
លោកបានបន្ថែមថា បច្ចុប្បន្នខេត្តកំពុងស្នើសុំដីការបស់តុលាការដើម្បីអនុវត្តទៅលើបែរមួយចំនួនដែលពុំព្រមរុះរើចេញពីក្នុងស្ទឹង ដោយពុំមានលើកពេលបន្តទៀតនោះឡើយ៕
អត្ថបទ៖ សោនិយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង