ព័ត៌មានជាតិ
កម្ពុជាយកចិត្តទុកដាក់ កិច្ចសហប្រតិបត្តិ វិស័យសុខាភិបាល តំបន់ត្រីកោណអភិវឌ្ឍន៍ CLV
ព្រះរាជាណាចក្រកម្ពុជា យកចិត្តទុកដាក់ចំពោះ កិច្ចសហប្រតិបត្តិ និងការតភ្ជាប់ក្នុងវិស័យសុខាភិបាល នៅតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម។ នេះបើតាមការផ្ដល់ព័ត៌មានពីក្រសួងសុខាភិបាល នៅថ្ងៃទី១១ ខែមករា ឆ្នាំ២០២៤ នេះ។
វេជ្ជបណ្ឌិត ម៉ឹង វណ្ណារុំ អនុរដ្ឋលេខាធិការ ក្រសួងសុខាភិបាល បានដឹកនាំមន្រ្តីជំនាញចូលរួមកិច្ចប្រជុំពិនិត្យលើសេចក្ដីព្រាងរបាយការណ៍ចុងក្រោយ ស្តីពី «វឌ្ឍនភាព នៃការអនុវត្ត ការតភ្ជាប់សេដ្ឋកិច្ច កម្ពុជា-ឡាវ-វៀតណាម និងដំណើរឆ្ពោះទៅមុខរហូតដល់ ឆ្នាំ២០៣០» ដើម្បីត្រៀមដាក់ជូនកិច្ចប្រជុំ ក្រុមការងារសម្របសម្រួលតំបន់ត្រីកោណ អភិវឌ្ឍន៍កម្ពុជា-ឡាវ-វៀតណាម (CLV DTA JCC) លើកទី១៣ នៅប្រទេសឡាវ។
វឌ្ឍនភាព នៃកិច្ចសហប្រតិបត្តិ និងការតភ្ជាប់ក្នុងវិស័យសុខាភិបាល នៃ CLV DTA រួមមាន៖ ដំណើរទស្សនកិច្ចផ្លាស់ប្តូរបទពិសោធន៍របស់ថ្នាក់ដឹកនាំជាន់ខ្ពស់ នៃក្រសួងសុខាភិបាល ការរួមគ្នាត្រួតពិនិត្យគុណភាព និងសុវត្ថិភាពចំណីអាហារ និងការទប់ស្កាត់ចរាចររណ៍ឱសថក្លែងក្លាយ និងឱសថអន់គុណភាព ការបណ្តុះបណ្តាលវិស័យសុខាភិបាល និងផ្លាស់ប្តូរបច្ចេកវិទ្យា ការបញ្ជូនក្រុមគ្រូពេទ្យធ្វើការរួមគ្នា ដើម្បីពិនិត្យ និងព្យាបាលជំងឺជូនប្រជាជននៅខេត្តតាមព្រំដែន ការរួមគ្នាទប់ស្កាត់ជំងឺឆ្លងតាមព្រំដែន និងគ្រោះអាសន្នសុខភាពសាធារណៈ ពិសេសអំឡុងពេល នៃការរាតត្បាត នៃជំងឺកូវីដ-១៩។
ក្រសួងសុខាភិបាលបានឱ្យដឹងបន្ថែមថា សេចក្តីព្រាងរបាយការណ៍ ក៏បានរំលេចផងដែរ ពីការលើកសំណើការងារ និងគម្រោងតាមវិស័យ នៃការតភ្ជាប់រហូតដល់ ឆ្នាំ២០៣០។
គួរបញ្ជាក់ថា កិច្ចប្រជុំប្រជុំពិនិត្យលើសេចក្ដីព្រាងរបាយការណ៍ចុងក្រោយ ខាងលើ បានប្រារព្ធឡើងនៅ ទីស្ដី ការក្រសួងពាណិជ្ជកម្ម នាថ្ងៃទី១០ ខែមករា ឆ្នាំ២០២៤ ក្រោមអធិបតីភាព លោក ប៉ែន សុវិជាតិ រដ្ឋលេខាធិការក្រសួងពាណិជ្ជកម្ម៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង