ព័ត៌មានជាតិ
សម្ពាធអតិផរណាជះឥទ្ធិពលដល់ពលរដ្ឋជាង ៤៩ម៉ឺនគ្រួសារនៅកម្ពុជា
សម្ពាធអតិផរណា បានធ្វើឱ្យប៉ះពាល់សេដ្ឋកិច្ចពិភពលោក រួមទាំងកម្ពុជាផងដែរ។ ពាក់ព័ន្ធនឹងបញ្ហានេះ រាជរដ្ឋាភិបាល បានអនុវត្តគោលការណ៍ជួយពលរដ្ឋ គិតចាប់ពីចុងឆ្នាំ ២០២២ មកដល់ពេលនេះ អ្នកដែលបានផលប្រយោជន៍ពីការជួយរបស់រដ្ឋមានចំនួនជាង ៤៩ម៉ឺនគ្រួសារ គិតជាប្រជាពលរដ្ឋមានចំនួន ១លាន ៨សែននាក់។ នេះជាការលើកឡើងរបស់សម្តេច ហ៊ុន ម៉ាណែត នាយករដ្ឋមន្រ្តីកម្ពុជា។
ថ្លែងនៅក្នុងពិធីសំណេះសំណាលជាមួយសហគមន៍ខ្មែរនៅទ្វីបអឺរ៉ុប” នាទីក្រុងប៉ារីស ប្រទេសបារាំង ល្ងាចថ្ងៃទី១៤ មករា ឆ្នាំ២០២៤ សម្តេចនាយករដ្ឋមន្រ្តី បានលើកឡើងដូច្នេះថា«រដ្ឋយើងអត់មានលុយច្រើន តែយើងមិនអត់ទឹកចិត្តទេ តិចច្រើន យើងត្រូវជួយប្រជាពលរដ្ឋ»។
ក្រៅពីនេះ សម្តេចលើកឡើងទៀតថា សុខភាពក៏ជាបញ្ហាសំខាន់ផងដែរ។ កន្លងមករដ្ឋបានចេញមូលនិធិសមធម៌(មូលនិធិសុខាភិបាល) ជួយដល់ពលរដ្ឋចំនួនជាង ៧០ម៉ឺនគ្រួសារ ស្មើនឹង២លាន ៨សែននាក់ ក្នុងនោះ មានកម្មករនិយោជិតសេដ្ឋកិច្ចក្រៅប្រព័ន្ធចំនួនជាង ១០ម៉ឺននាក់ ដែលទទួលបានការព្យាបាលដោយមិនគិតថ្លៃពីរដ្ឋ។
ជាមួយគ្នានេះ រដ្ឋក៏បានគិតគូរដល់ស្រ្តីមានផ្ទៃពោះ និងកុមារផងដែរ។ សម្តេច ហ៊ុន ម៉ាណែត បានគូសបញ្ជាក់ថា រដ្ឋាភិបាល បានគិតពីសុខភាពមនុស្សចាប់តាំងពីមិនទាន់កើតមកម្លេះ។ ទោះជារដ្ឋជួបការលំបាកនៅក្នុងវិបត្តិកូវីដ ក៏រដ្ឋាភិបាលមិនបានផ្តាច់ប្រាក់ឧត្ថម្ភសម្រាប់ស្រ្តីមានផ្ទៃពោះនោះឡើយ ព្រោះជីវិតរបស់ពលរដ្ឋជាអាទិភាពទី១, ជីវភាពសុខភាពពលរដ្ឋ គឺជាអាទិភាពដែលត្រូវយកចិត្តទុកដាក់។ នេះជាការបន្ថែមរបស់សម្តេចនាយករដ្ឋមន្រ្តី។
សម្តេច បានឱ្យដឹងថា គិតមកដល់ពេលនេះ រដ្ឋបានជួយស្រ្តីមានផ្ទៃពោះ និងកុមារ បានប្រមាណជិត ៤០ម៉ឺននាក់ហើយ។
យោងតាមច្បាប់ស្តីពីហិរញ្ញវត្ថុគ្រប់គ្រងឆ្នាំ ២០២៤ បានបង្ហាញថា អត្រាអតិផរណាមធ្យមប្រចាំឆ្នាំ ត្រូវបានរំពឹងថានឹងរក្សាបានក្នុងរង្វង់ ២,៥% នៅក្នុងឆ្នាំ ២០២៤ ដោយសារការរំពឹងទុកនូវការវិលត្រឡប់ទៅរកប្រក្រតីភាពវិញនៃថ្លៃប្រេងអន្តរជាតិ។ ទន្ទឹមនឹងនេះ ផលិតផលក្នុងស្រុកសរុបសម្រាប់មនុស្សម្នាក់ ត្រូវបានរំពឹងថា នឹងកើនឡើងដល់ ២០៧១ដុល្លារ បើធៀបនឹងឆ្នាំ ២០២៣ មានចំនួន ១៩១៧ដុល្លារប៉ុណ្ណោះ។ ស្របពេលដែលសេដ្ឋកិច្ច ត្រូវបានរំពឹងថា នឹងកើនឡើង ៦,៦% នៅឆ្នាំ ២០២៤នេះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ