ព័ត៌មានជាតិ
ពលរដ្ឋ និងអាជ្ញាធរ រួមគ្នាធ្វើស្ពានឈើថ្មី នៅអូរផ្កាដកព័រសម្រួលការធ្វើដំណើរ
អាជ្ញាធរ និងប្រជាពលរដ្ឋភូមិញើន ឃុំស្តៅ ស្រុកសេសាន ខេត្តស្ទឹងត្រែង បានប្រមូលកម្លាំងគ្នា និងចូលជាថវិកា សាងសង់ស្ពានថ្មី អូរផ្កាដកព័រ ដើម្បីតភ្ជាប់ផ្លូវគមនាគមន៍មួយនេះសម្រាប់សិស្សានុសិស្សទៅកាន់សាលារៀន និងបម្រើឱ្យការដឹកជញ្ជូនផលកសិកម្មឱ្យមានតម្លៃទីផ្សារកើនឡើង។
![](https://www.kampucheathmey.com/wp-content/uploads/2024/01/photo_2024-01-24_08-28-36-2-1024x576.jpg)
លោក អ៊ិត តាន់ តំណាងក្រុមបច្ចេកទេសសាងសង់ស្ពាននេះបានបញ្ជាក់ថា៖ នេះជាតម្រូវការដែលបងប្អូនមិនអាចខ្វះបាន ព្រោះបច្ចុប្បន្នប្រទេសកម្ពុជាមានការវិវឌ្ឍន៍រីកចម្រើន ពីទីក្រុងឈានមកទីជនបទ ប្រជាពលរដ្ឋក៍មានជីវភាព ធូរធារ។
លោកបន្តថា៖ នៅថ្ងៃនេះលោកអភិបាលស្រុកសេសានមកដល់ ក៏សំណូមពរឱ្យជួយសម្ភារៈដែលនៅខ្វះ សម្រាប់ដំណើរការសាងសង់ស្ពាននេះ ព្រោះក្រុមការងារជំរុញការសាងសង់ឱ្យហើយឆាប់ នៅមុនថ្ងៃចូលឆ្នាំប្រពៃណីខ្មែរយើង អញ្ចឹងការសាងសង់ស្ពាននេះនៅខ្វះខាត ទីមួយគឺប៊ូឡុង ទី២គឺក្តារ។
![](https://www.kampucheathmey.com/wp-content/uploads/2024/01/photo_2024-01-24_08-28-36-1024x576.jpg)
លោក សុវណ្ណ ពិសេដ្ឋ អភិបាលស្រុកសេសាន បានបញ្ជាក់ថា៖ ស្ពាននេះពិតជាបានបម្រើផលប្រយោជន៍ទាំងអស់គ្នា ហើយការខិតខំប្រឹងប្រែងរបស់បងប្អូនប្រជាជនយើងក៏បានបង្ហាញពីកម្លាំងសាមគ្គី ចំណាយទាំងកម្លាំងកាយ កម្លាំងចិត្ត ថវិកា និងពេលវេលា ដើម្បីរួមគ្នាដោះស្រាយ បញ្ហាលំបាក ប្រឈម នៅមូលដ្ឋានដែលស្ថិតនៅឆ្ងាយដាច់ស្រយាល ពីកន្លែងមួយទៅកន្លែងមួយទៀត។
លោកបន្តថា៖ នៅតំបន់នេះបងប្អូនប្រជាពលរដ្ឋ យើងភាគច្រើនរស់នៅរាយប៉ាយពីគ្នាហើយនៅតាមបណ្ដោយផ្លូវមានអូរច្រើន តម្រូវឱ្យយើងសាងសង់ស្ពានទើបអាជ្ញាធរ សហគមន៍ និងប្រជាពលរដ្ឋ បានពិភាក្សារួមគ្នា ដោះស្រាយបញ្ហានេះ ហើយយើងសាងសង់ស្ពាននេះឡើងក្នុងគោលបំណងដឹកកសិផលទៅកាន់ទីផ្សារ ទី២ ដើម្បីងាយស្រួលក្នុងការធ្វើដំណើររបស់សិស្សានុសិស្សទៅរៀនប្រជាជនទៅទទួលយកសេវាសាធារណៈ ដូចជាសេវាសុខាភិបាល សេវាអប់រំ ហើយ និងសេវារដ្ឋបាលផ្សេងៗទៀត។
![](https://www.kampucheathmey.com/wp-content/uploads/2024/01/photo_2024-01-24_08-28-36-4-1024x576.jpg)
សូមបញ្ចាក់ថា៖ ស្ពានឈើ ថ្មីនេះមានប្រវែង២៧ម៉ែត្រ ទទឹង៦ម៉ែត្រ បានសាងសង់ឡើងពីឈើគ្រាក់ធំៗ ដើម្បីធានាដល់ការប្រើប្រាស់បានយូរអង្វែង និងទុកជាមរតកសម្រាប់អ្នកជំនាន់ក្រោយផងទោះបីថា កសាងឡើងមិនមានជាងជាវិស្វករអីក៏ពិតមែន ប៉ុន្តែវាជាទឹកចិត្តរបស់បងប្អូនប្រជាសហគមន៍របស់យើង៕
![](https://www.kampucheathmey.com/wp-content/uploads/2024/01/photo_2024-01-24_08-28-36-3-1024x576.jpg)
អត្ថបទ៖ ងិនលីម
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ