ព័ត៌មានជាតិ
កសិករដាំស្វាយថា តម្លៃស្វាយកែវរមៀតមានហាងឆេងល្អនៅឆ្នាំនេះ
ស្វាយកែវរមៀតនៅខែមករា ដើមឆ្នាំ ២០២៤នេះ មានទីផ្សារល្អ ដោយមានឈ្មួញមកពីបណ្តាលខេត្តនានាមកប្រមូលទិញដល់ចម្ការ ក្នុងមួយគីឡូក្រាមតម្លៃចាប់ពី ១២០០ ដល់ ១៥០០ រៀល ហើយដឹកជញ្ជូនតាមរថយន្តបន្តយកទៅលក់នៅប្រទេសឡាវ និងប្រទេសវៀតណាម។
លោក សីហា ម្ចាស់ចម្ការស្វាយកែវរមៀត រស់នៅក្នុងភូមិព្រែក សង្កាត់ស្ទឹងត្រែង ក្រុងស្ទឹងត្រែង បានរៀបរាប់ថា រូបលោកមានផ្ទៃដីទំហំ ១៨ ហិកតា ដាំស្វាយកែររមៀត រយៈពេល៤ឆ្នាំមកហើយ ទើបតែប្រមូលផលបានឆ្នាំនេះ។
![](https://www.kampucheathmey.com/wp-content/uploads/2024/01/photo_2024-01-31_08-12-01-1024x578.jpg)
លោកបន្តទៀតថា ក្នុងការដាំដុះស្វាយកែវរមៀតនេះ គឺមិនបានទៅរៀនបច្ចេកទេសពីខាងណាមកនោះទេ លោកគ្រាន់តែសួរតាមកសិករដែលមានបទពិសោធន៍ក្នុងការដាំស្វាយកែវរមៀត ពីរបៀបដាំដុះ និងរបៀបថែទាំដាក់ជីជាដើម ហើយក៏បានយកមកអនុវត្តដាំដោយខ្លួនឯង ដោយការខិតខំប្រឹងប្រែង ទើបទទួលបានជោយជ័យរហូតដល់សព្វថ្ងៃនេះ។
លោកបានបញ្ជាក់បន្ថែមទៀតថា៖ «តម្លៃស្វាយកែវរមៀត បើប្រៀបធៀបទៅនឹងឆ្នាំមុន ឆ្នាំនេះមានទីផ្សារស្រួលលក់ទូលំទូលាយ យើងក៏អាចដឹកជញ្ជូនតាមរថយន្តតូចធំ យកទៅលក់នៅប្រទេសឡាវ និងប្រទេសវៀតណាមបានតាមចិត្ត។ បើមិនចង់ដឹកទៅលក់ឆ្ងាយ លក់នៅចម្ការក៏បានដែរ ព្រោះមានថៅកែមកប្រមួលទិញជារៀងរាល់ថ្ងៃ»។
![](https://www.kampucheathmey.com/wp-content/uploads/2024/01/photo_2024-01-31_08-12-02-1024x577.jpg)
ប្រជាកសិករដាំដំណាំផ្នែកកសិកម្ម ក៏បានសំណូមពរដល់ក្រសួងពាណិជ្ជកម្ម និងប្រធានមន្ទីពាណិជ្ជកម្មខេត្តសឹ្ទងត្រែង សូមមេត្តាជួយរកទីផ្សារបន្ថែម បើមិនមានតម្លៃខ្ពស់ជាងហ្នឹងក៏សូមរក្សាតម្លៃនេះ ដើម្បីឱ្យកសិករដែលបង្កបង្កើតផលផ្នែកដំណាំកសិកម្មឱ្យពួកគាត់មានកម្លាំងកាយចិត្ត និងខិតខំដាំដំណាំគ្រប់ប្រភេទបន្តទៀត។
លោក ទុំ នីរ៉ូ ប្រធានមន្ទីរកសិកម្មរុក្ខាប្រមាញ់ និងនេសាទបានបញ្ជាក់ថា នៅឆ្នាំ២០២៤ ប្រជាកសិករបាននាំគ្នាប្រឹងប្រែងដាំដុះបន្ថែមនូវស្វាយចន្ទី ស្វាយកែវរមៀត និងដំឡូងមីច្រើនជាងគេ ហើយដំណាំទាំង៣ប្រភេទនេះកំពុងដើរតួនាទីសំខាន់នៅខេត្តស្ទឹងត្រែង ដើម្បីឈានទៅបង្កើតសហគមន៍បន្ថែមសម្រាប់ពង្រឹងផ្នែកទីផ្សារ ក្នុងការទិញលក់ផលិតកម្ម។
លោកបន្តថា បច្ចុប្បន្ននេះរាជរដ្ឋាភិបាល ក៏ដូចជាអាជ្ញាធរពាក់ព័ន្ធនៅក្នុងខេត្ត បានជួយដល់កសិករ តាំងពីការផ្តល់ដីកសិកម្ម ការផ្តល់ពូជ ការបណ្តុះបណ្តាលបច្ចេកទេសដាំដុះ ដើម្បីបង្កើនជីវភាពរស់នៅរបស់ប្រជាពលរដ្ឋឱ្យកាន់តែបានធូរធារឡើង រាជរដ្ឋាភិបាលមានមន្ទីរកសិកម្មជាសេនាធិការ នៅខេត្តស្ទឹងត្រែងយើងជួយបងប្អូន បើខ្វះចំណេះដឹងបច្ចេកទេសយើងបណ្តុះបណ្តាលបងប្អូន ឬយកទៅទស្សនកិច្ចសិក្សា ហើយបើមានលទ្ធភាពជាមួយអង្គការនៅពេលនេះ មានពូជមានអីទៀត យើងផ្តល់ជូនបងប្អូនយើង ជួយរបៀបអញ្ចឹង ដើម្បីឱ្យបងប្អូនរឹងដៃរឹងជើងចេះធ្វើការងារជាក្រុម បង្កើតនូវផលដំណាំបងប្អូនលក់បានបង្កើនជីវភាពគ្រួសារ៕
អត្ថបទ៖ ងិនលីម
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក