Connect with us

ព័ត៌មានជាតិ

​កសិករឃុំទន្លេបិទ ងាកមកដាំម្នាស់ទឹកឃ្មុំ ជំនួសឱ្យ​ដំណាំផ្សេងៗ

បានផុស

នៅ

​កសិករចំនួន ៣ ភូមិ ក្នុងឃុំទន្លបិទ ស្រុកត្បូងឃ្មុំ ​ខេត្តត្បូងឃ្មុំ បានសម្រេចចិត្តជ្រើសរើសការដាំម្នាស់ជំនួសប្រភេទដំណាំផ្សេងៗ ដោយ​សារ​​តែ​វាងាយស្រួលដាំ ​ផ្ដល់ទិន្នផលខ្ពស់ និងមានទីផ្សារល្អ។​

​កសិករត្រូវចំណាយពេលមួយឆ្នាំ​ទម្រាំម្នាស់ហុចផល ​ដែលម្នាស់កែវទឹកឃ្មុំ ​ក្នុងមួយហិកតា អាចដាំបានប្រមាណ ៦ ម៉ឺន ទៅ ៧ ម៉ឺនដើម ​ហើយលក់ផ្លែចេញគិតជាទឹកប្រាក់បានប្រមាណ ​១ ម៉ឺនដុល្លារ/ហិកតា។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ប៉ាង សូត អាយុ៥២ឆ្នាំ រស់នៅក្នុងភូមិភ្នំ ឃុំទន្លេបិទ ខេត្តត្បូងឃ្មុំ បានរៀបរាប់ឲ្យដឹងថា ការដាំម្នាស់ទឹកឃ្មុំ​ វាត្រូវការដីទួលស្រស់ទឹក ទើបឲ្យផលល្អ វាធន់នឹងអាកាសធាតុក្តៅ និង​ត្រជាក់ ហើយវាមិនត្រូវការដីដក់ទឹកនោះទេ។​

​ពេលប្រមូលផល គេលក់គិតជាឡូ មួយឡូមាន ១២ ផ្លែ ប្រភេទលេខ១ តម្លៃ២ម៉ឺនរៀល ដែលចែកចេញជា ១១ ប្រភេទ ហើយប្រភេទលេខ១១ ជាប្រភេទម្នាស់គ្រាប់បែក ក្នុងមួយថង់ មានចំនួន ៤០ ផ្លែ តម្លៃ ៦ ពាន់រៀល។

ចំពោះទីផ្សារម្នាស់មិនពិបាកលក់ទេ មានម៉ូយមកទទួលទិញដល់ចំការតែម្តង យកទៅលក់នៅខេត្តកំពង់ចាម ត្បូងឃ្មុំ ព្រៃវែង និងទីក្រុងភ្នំពេញ។ មានទីផ្សារច្បាស់លាស់ ម្នាស់កែវទឹកឃ្មុំ ប្រកបដោយរសជាតិផ្អែមឈ្ងុយឆ្ងាញ់ ក្នុងមួយ​ហិក​តាវាឲ្យផលបាន១ម៉ឺនដុល្លារ ទូរទាត់ការចំណាយអាចនៅសល់ប្រមាណ ៥ ពាន់ដុល្លារ ក្នុងមួយឆ្នាំ។ ឥលូវកសិករ ចាប់ផ្តើមបោះបង់ពីការដាំដំឡូង ចំប៉ី មកដាំម្នាស់វិញម្តង។

លោក ភិន ឈុន ជាមេឃុំទន្លេបិទ បានឲ្យដឹងដែរថា កសិករដាំម្នាស់មានចំនួន ៣ភូមិ គឺមាន ភូមិតាអ៊ុយ ភូមិភ្នំ និងភូមិអំពិលជ្រុំ ដែលមានផ្ទៃដីដាំម្នាស់ចំនួន ៣០០ ហិកតា។

កន្លងមកមាន មេភូមិ ក្រុមប្រឹក្សាឃុំ និងមន្ត្រីខាងកសិកម្មខេត្តបានបើកវគ្គបណ្តុះបណ្តាលបង្រៀនដល់កសិករការដាំដំណាំគ្រប់ប្រភេទ និងផ្តល់បច្ចេកទេស ទាំងការពិនិត្យដី ការប្រើប្រាស់ជីធម្មជាតិ ការប្រើថ្នាំកំចាត់សត្វល្អិត ការជ្រើសរើសពូជដំណាំ ការថែរក្សាពូជ ការប្រមូលផល ការវេចខ្ចប់ ជាដើម។

ព្រមទាំងការជ្រើសរើសដំណាំតាមតម្រូវការទីផ្សារ និងដើម្បីផ្គត់ផ្គង់ទីផ្សារផងដែរ កត្តាទាំងអស់ហើយ ដែលបានជំរុញឲ្យបងប្អូនប្រជាកសិករទទួលបាននូវភាពជោគជ័យក្នុងវិស័យកសិកម្ម៕

អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១២ នាទី មុន

មួយយប់សមត្ថកិច្ចឃាត់យានយន្តល្មើសលើសជាតិអាកុលបានជាង ៥០គ្រឿង នៅភ្នំពេញ

ព័ត៌មានជាតិ២២ នាទី មុន

លោក ស ថេត ណែនាំដល់ស្នងការរាជធានី-ខេត្ត បន្ដទប់ស្កាត់ឧក្រិដ្ឋកម្មគ្រប់ប្រភេទកុំឱ្យកើតមាននៅកម្ពុជា

ព័ត៌មានជាតិ៣៣ នាទី មុន

អភិបាលស្រុកទឹកឈូ ចុះពិនិត្យទីតាំងទិញដីបន្ថែម ដើម្បីកសាងកុដិ ប្រគេនជូន កូននេន លៀង សីហា

ព័ត៌មានអន្ដរជាតិ៤៤ នាទី មុន

លោក ពូទីន៖ យន្តហោះដឹកឈ្លើយសឹកអ៊ុយក្រែន ត្រូវបាញ់ទម្លាក់ដោយមីស៊ីលផលិតនៅអាមេរិក

ព័ត៌មានជាតិ៥១ នាទី មុន

រដ្ឋមន្ត្រីអប់រំ៖ ការអនុវត្តស្តង់ដាសាលារៀនគំរូដើម្បីពង្រឹងចំណេះដឹង និងសីលធម៌សិស្ស

Sokha Hotels

ព័ត៌មានពេញនិយម