Connect with us

ព័ត៌មានជាតិ

ព្រឹកថ្ងៃច័ន្ទ​ចូលឆ្នាំចិន​ថ្ងៃ​ទី ៣ សាលារៀននៅភ្នំពេញ​មិនមានសិស្សអវត្តមានច្រើនទេ

បានផុស

នៅ


លោក ហែម ស៊ីណារ៉េត ប្រធានមន្ទីរអប់រំយុវជននិងកីឡា រាជធានីភ្នំពេញ បានអះអាង​នៅព្រឹកថ្ងៃទី ១២ កម្ភៈនេះ ដោយ​​យោង​តាមរបាយការណ៍បឋមសម្រាប់ថ្ងៃច័ន្ទដែលត្រូវ​ថ្ងៃ​ទី ៣ នៃ​ថ្ងៃ​ចូលឆ្នាំ​ចិន សាលារៀនសាធារណៈនៅរាជធានីភ្នំពេញបាន​ដំណើរការសិក្សាដូចថ្ងៃធម្មតាមិនមានសិស្ស​និងគ្រូអវត្តមានច្រើននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញ​អវត្តមានសិស្ស​យ៉ាង​ច្រើន​កាលពី​ថ្ងៃ​សៅរ៍​ចុងសប្តាហ៍​កន្លងទៅដែលត្រូវថ្ងៃ​ចូលឆ្នាំចិន​ថ្ងៃ​ទី​មួយ​ លោក​ប្រធាន​មន្ទីរ​បញ្ជាក់ថា ដោយសារតែថ្ងៃសៅរ៍ជាថ្ងៃចុងសប្តាហ៍ជាធម្មតាឪពុកម្តាយសិស្សជាមន្ត្រីរាជការ តែងតែ​នាំកូនៗធ្វើដំណើរទៅស្រុកឬទៅដំណើរកម្សាន្ត។ អីចឹងហើយបានជាធ្វើឱ្យចំនួនសិស្សមិនបានមករៀនថយចុះ តែសម្រាប់ថ្ងៃច័ន្ទ​ដើម​សប្តាហ៍​ត្រូវ​ថ្ងៃទី ៣ នៃថ្ងៃ​ចូលឆ្នាំ​ចិន​ទាំងគ្រូនិងសិស្សមករៀនជាធម្មតា។

បើតាមលោក ហែម ស៊ីណារ៉េត បុណ្យចូលឆ្នាំចិនថ្ងៃទី ១ ត្រូវនឹងថ្ងៃសៅរ៍ វេន​ព្រឹកមានវត្តមានគ្រូមកបង្រៀនសម្រាប់សាលាបឋមសិក្សាមាន ៩៥% និងសិស្សមករៀនមាន ៦៤%។ ចំណែកគ្រូមធ្យមសិក្សាវិញមកបង្រៀនចំនួន ៨៨% និងសិស្សមករៀនមាន៧២%។ សម្រាប់ពេលរសៀលវិញគ្រូបឋមមកបង្រៀនមាន ៩៤% និងសិស្សមករៀន ៦២% ថយចុះជាង​ពេលព្រឹក និងគ្រូមធ្យមមកបង្រៀនមាន ៨៩% និងសិស្សមករៀនមាន ៧០%។

លោកប្រធានមន្ទីរបានបន្ថែមថា មុនពិធីបុណ្យចូលឆ្នាំចិនមកដល់ មន្ទីរតែងតែរៀបចំកិច្ចប្រជុំជាមួយនាយកសាលានៅរាជធានីភ្នំពេញ​ដើម្បីណែនាំឱ្យសាលានីមួយៗធ្វើការប្រជុំផ្សព្វផ្សាយ​ដល់សិស្សនិងគ្រូឱ្យបានយល់ច្បាស់ពិសេសនៅពេលម៉ោងគោរទង់ជាតិថាបុណ្យចូលឆ្នាំចិននេះមិនមែនជាថ្ងៃឈប់សម្រាករបស់ខ្មែរយើងទេ។ ដូចនេះលោកគ្រូអ្នកគ្រូត្រូវមកបង្រៀន និងសិស្សានុសិស្សត្រូវមករៀនដូចថ្ងៃធម្មតាមិនមានការឈប់សម្រាកឡើយ។

លោកបានបន្ថែមទៀតថា បុណ្យចូលឆ្នាំចិនឆ្នាំនេះ មន្ទីរមិនបានបង្កើតគណៈកម្មការឃ្លាំមើលតាមសាលានៅរាជធានីភ្នំពេញ ដូចឆ្នាំមុនទេដោយឱ្យតាមសាលានានាមានភាពម្ចាស់ការក្នុងការគ្រប់គ្រងការបង្រៀននិងរៀនរៀងៗខ្លួន។

ប៉ុន្តែគណៈគ្រប់គ្រងសាលាទាំងអស់ត្រូវរាយការណ៍តាមគ្រុបតេឡេក្រាម២ដងក្នុង១ថ្ងៃគឺពេលព្រឹកនិងពេលរសៀលមកមន្ទីរដើម្បីគ្រប់គ្រងវត្តមានគ្រូនិងសិស្សឱ្យបានល្អ។

លោកស្រី ឃួន វិច្ឆិកា អ្នកនាំពាក្យក្រសួងអប់រំយុវជននិងកីឡាបានណែនាំដល់សាលារៀនត្រូវអនុវត្តតាមអនុក្រឹត្យ​ឈប់​សម្រាកដែលចេញដោយរាជរដ្ឋាភិបាល។ជាមួយគ្នានេះដែរត្រូវគ្រប់គ្រងសិស្សានុសិស្សនិងបញ្ជីវត្តមានឱ្យបានត្រឹមត្រូវ។សិស្សដែលចង់ឈប់សម្រាកត្រូវតែសុំច្បាប់បើមិនដូច្នេះទេ នឹងកំណត់ជាការឈប់ដោយអវត្តមាន៕

អត្ថបទ៖សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣១ នាទី មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ២ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៣ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម